RDC-Zambiya: Ingabo z’ibihugu byombi zirahanganye ku mupaka ubihuza!

Ingabo za Congo zitabiriye urugamba ruzihanganishije n'ingabo za Zambiya

Hashize icyumweru cyose hari imirwano iri hagati y’ingabo z’igihugu cya Repubulika Iharanira Demokarasi ya Congo n’ingabo z’igihugu cya Zambiya. Impamvu y’iyo mirwano ihanganishije ingabo z’ibihugu byombi ikaba yaratewe n’uko ingabo za Zambiya zinjiye ku butaka bwa Congo mu gace kitwa “Kibanwa” gaherereye hafi y’ikiyaga cya Tanganyika. Leta ya Zambiya ikaba ivuga ko “Kibanwa” ari ubutaka bwayo na “RD Congo” nayo ikavuga ko Kibanwa ari iyayo! Kubera iyo mirwano, hatangiye imibonano y’inzego zishinzwe ububanyi n’amahanga hagati y’ibyo bihugu byombi mu gushaka umuti w’icyo kibazo!

Amakuru “veritasinfo” ikesha ibiro ntaramakuru by’abafaransa AFP yemeza ko mu ijoro ryo ku Cyumweru taliki ya 15/03/2020 rishyira kuwa mbere taliki ya 16/03/2020 habaye imirwano ikomeye hagati y’ingabo z’ibihugu byombi, buri ruhande rukaba rwaratakaje umusilikare umwe aguye muri iyo mirwa. AFP ivugako yahawe amakuru n’umukozi wo mu bubanyi n’amahanga (diplomate) wa kimwe mu bihugu byo mu Burayi ukorera muri Congo wavuze ko hapfuye abasilikare 4, ni ukuvuga abasilikare 2 ku ruhande rwa Zambiya na 2 ku ruhande rwa Congo; uwo mudiplomate yagize ati:

Uyu ni umusilikare wa Zambiya mu gace ka “Kibanwa” 

“Imirwano yabereye hafi y’ikiyaga cya Tanganyika, ingabo za Congo zikaba zarashoboye kwica abasilikare 2 b’ingabo za Zambiya bo mu mutwe urwanira mu mazi, uwo mutwe w’ingabo za Zambiya akaba ariwo wigaruriye ubutaka bwa Congo mu karere ka “Kibanwa”. Mu kwihimura, ingabo z’igihugu cya Zambiya zagabye igitero cya Kajugujugu ku ngabo za Congo zirasa amasasu menshi ku birindiro byazo bituma abasilikare 2 ba Congo bahasiga ubuzima.”

Ntabwo ibintu birasobanuka neza muri ako karere, kuko urubuga rwa radiyo na televiziyo rwo mu bubiligi “rtbf.be” ruvuga ko nyuma y’iyo mirwano ingabo za Congo zashoboye kwigarurira akarere ka Kibwana kari mu maboko y’ingabo za Zambiya; naho radiyo mpuzamahanga y’abafaransa “RFI” ikaba ivugako ingabo za Zambiya zashoboye gushinga idarapo ry’igihugu cyazo mu karere ka “Kibwana” zikamanura idarapo rya Congo ryari rihashinze kandi kugeza kuwa gatanu taliki ya 20/03/2020,ingabo za Zambiya akaba arizo zigenzura ako karere!

Kubyerekeranye n’ayo makimbirane hagati y’ibihugu byombi, umukobwa wa Mzee Laurent Désiré Kabila witwa “Zoé Kabila”, asanga intambara idashobora gukemura ikibazo cy’ubutaka Zambiya ifitanye na Congo, kuriwe akaba abona ibiganiro hagati y’ibihugu byombi ariyo nzira ishobora gukemura icyo kibazo.

Ese Félix Tshisekedi ko yagize Paul Kagame inshuti ye magara, aramuhamagara amufashe kurwana urwo rugamba? Ni ukubitega amaso.

Veritasinfo

7 Comments

  1. Je serai éternellement redevable au grand Dr.Wealthy d’avoir réparé mon mariage brisé après que mon mari m’a quitté pour sa maîtresse pendant 6 mois. Je n’ai jamais cru aux sorts jusqu’à ce que mon ami me le présente. Au début, j’étais sceptique à son sujet parce que j’entendais beaucoup parler de faux lanceurs de sorts mais j’ai mis mes doutes derrière moi car j’étais désespéré de récupérer mon mari et je l’ai fait selon ce qu’il m’a demandé de faire. Maintenant, mon mari est de retour dans les 48 heures après l’avoir contacté. Je vis heureux avec mon mari après 6 mois de divorce et je ne me reposerai pas tant qu’il ne sera pas connu dans le monde entier. Il est également spécialisé dans les sorts d’argent, les sorts de loterie, les sorts de maladie E.T.C. Connectez-vous avec Doctor Wealthy maintenant, son e-mail est wealthylovespell@gmail.com ou WhatsApp au +2348105150446 et site Web: http://wealthyspellhome.over-blog.com

Poster un Commentaire

Votre adresse de messagerie ne sera pas publiée.


*