Rwanda: Abantu 2 bamaze kwicwa na coronavirusi naho abayirwaye bamaze kuba 41

Uko byagenda kose Koronavirusi ntabwo ishobora kuzica abanyarwanda bangana n'abo Kagame yishe kandi akomeje kwica! Kagame niyo virusi mbi abanyarwanda bagomba kurwanya

Iryavuzwe riratashye! Mu Mudugudu wa Nyamitobu, Akagari ka Kabuga, Umurenge wa Nyagisozi ho mu Karere ka Nyanza kuri uyu wa 24 Werurwe 2020, ku mabwiriza y’ubutegetsi bw’umwicanyi Paul Kagame, mu igenzura ry’iyubahirizwa ry’amabwiriza yo kwirinda Koronavirusi, polisi yaharasiye abasore babiri basohotse hanze bahita bapfa.

Umwe muri aba basore bishwe n’ingoma ngome yitwa Nyiramana Jean Claude akaba yari afite imyaka 27 y’amavuko, naho mugenzi we nawe wishwe akaba azwi ku mazina ya Nyandwi Emmanuel akaba yari afite imyaka 25 y’amavuko. Nta mpozamarira leta y’abicanyi iteganya kuzaha imiryango yabanyakwigendera cyangwa se ngo ihane aba bapolisi bakoze ubu bwicanyi! Aba basore batakaje ubuzima bwabo kubera icyorezo cya coronavirusi “AKAGA-94” y’ubutegetsi bubi bumaze imyaka 26 bwica abanyarwanda n’abaturage bo mu karere k’ibiyaga bigari!

Amakuru ya BBC gahuzamiryango yo kuwa 25/03/2020

Ku italiki ya 25/03/2020, indwara ya coronavirus COVID-19 ikaba imaze gufata abanyarwanda 41 hakurikijwe imibare itangwa na Kigali ariko iyo ndwara ikaba nta muntu irahitana mu gihe coronavirus y’ubutegetsi bubi imaze guhitana abantu 2 naho uwa gatatu akaba yahitanywe n’ingona ngo bitewe n’uko yarenze ku mabwiriza abuza abantu gusohoka mu nzu!

Abanyarwanda benshi harimo n’abanyepolitiki nka Bwana Faustin Twagiramungu bavuze rugikubita ko abanyarwanda babangamiwe cyane na Coronavirus 2 arizo COVID-19 na coronavirus y’ubutegetsi bubi bwa Kagame kandi iyo virus y’ubutegetsi bubi akaba ariyo iteye ubwoba cyane abanyarwanda. Bwana Twagiramungu yavuze ko ubutegetsi bwa Kagame buzitwaza coronavirus maze bukica abanyarwanda benshi kurusha abo coronavirusi ishobora kwica none iryavuzwe riratashye! Coronavirus ya Kagame imaze guhitana abanyarwanda 2 mu gihe nta numwe covid-19 irahitana.

Amakuru atangwa n’ibinyamakuru binyuranye biri mu gihugu, aremeza ko abanyarwanda benshi bashobora kwicwa ikivunga n’ubutegetsi bw’abicanyi b’i Kigali kubera ibyemezo bikakaye bisaba abaturage kuguma mu mazu yabo kandi ntabiribwa bafite. Hasi aha murumva ubuhamya bwa bamwe mu baturage babwiye itangazamakuru ko bagiye kwicwa n’inzara mu gihe hashize iminsi 2 gusa basabye abaturage kuguma mu mazu yabo mu rwego rwo kwirinda ubwandu bwa coronavirus! Ese birashoboka ko ingamba zifatwa n’ibihugu by’i Burayi zishobora gushyirwa ku banyarwanda kandi badafite imibereho imeze kimwe n’iyabo?

0 0 vote
Article Rating
S’abonner
Notifier de
guest
0 Commentaires
Inline Feedbacks
View all comments