Rwanda: Abanyarwanda babangamiwe na coronavirus ibafatanyije na virus y’ubutegetsi bubi (Faustin Twagiramungu).

Faustin Twagiramungu, umuyobozi wungirije akaba n'umuvugizi wa MRCD

Muri ibi bihe bikomeye isi yose irimo, aho abayituye babangamiwe n’icyorezo kibi cyane kandi cyandura vuba giterwa na coronavirus Covid-19, umunyepolitiki w’inararibonye kandi akaba umuvugizi n’umuyobozi wungirije w’impuzamashyaka ya MRCD Bwana Faustin Twagiramungu yagize ijambo ageza ku banyarwanda bari imbere mu gihugu no hanze yacyo.

Muri iryo jambo, Bwana Twagiramungu yavuze ko abanyarwanda bagomba gutekereza ku gihugu cyabo cyiza cy’u Rwanda ariko akaba asanga abanyarwanda baremererewe cyane n’icyorezo cya Coronavirus kibafatanyije na virusi y’ubutegetsi bubi. Twagiramungu asanga ingamba zifatwa n’abayoboye igihugu cy’u Rwanda muri iki gihe muri gahunda yo kwirinda coronavirus ari amashyengo! Twagiramungu asanga Kagame yarakoze umuhango wo gushimisha abazungu akorera ubwo yakarabaga amazi meza n’isabune maze akihanaguza isume mu gihe abanyarwanda badafite ayo mazi n’isabune mu ngo zabo, ahubwo bakaba badafite n’uburyo bwo kuvoma amazi y’ibizima bari basanzwe bakoresha kuko bategetswe kuguma mu nzu zabo. Twagiramungu asanga ingamba zifatwa n’ibihugu by’i Burayi mu kurwanya coronavirus arizo ubutegetsi bw’i Kigali bwatuye ku banyarwanda kandi imibereyeho y’abanyarwanda itandukanye n’iy’abazungu bo mu burayi. Twagiramungu akaba asaba ko abakozi ba leta n’abarimu bazahabwa imishahara yabo yuzuye kugirango bashobore kubaho kandi abikorera ku giti cyabo nabo bagafashwa kandi bagasonerwa n’imisoro.

Abanyarwanda babangamiwe na coronavirus y’ubutegetsi busenyera rubanda muri ubu buryo

Twagiramungu yavuze no ku ri virus ya kabiri ibangamiye abanyarwanda, iyo vurus akaba ari ubutegetsi bubi bwa Kagame bwica abanyarwanda mu buryo bwose, urugero yatanze ni urwekereranye n’urupfu rwa Kizito Mihigo aho Twagiramungu avuga ko imiryango mpuzamahanga yigenga igomba gukora anketi zigomba kwerekana uko Kizito Mihigo yishwe kandi abagize uruhare bose mu rupfu rwe bakabiryozwa! Twagiramungu yavuze ko virus y’ubutegetsi bubi bwica abanyarwanda , bukabanyereza, bukabasenyera amazu no kubambura ibyabo ari virus mbi cyane abanyarwanda bamaranye imyaka irenga 25. Twagiramungu ntiyibagiwe n’abanyarwanda bari gusenyerwa n’ubutegetsi bw’i Kigali akaba asaba ubwo butegetsi uhagarika ibyo bikorwa bibi bibangamiye imibereho myiza y’abaturage ariko cyane cyane akaba ahamagarira abanyarwanda gushira ubwoba bakikiza virus mbi cyane y’ubutegetsi bubi bukomeje kubicira ubusa! Twagiramungu yagaragaje impungenge zo kwitwaza coronavirus maze abantu bose bazicwa na Kagame bakitirirwa icyo cyorezo!

“Veritasinfo” ikaba yabonye amakuru yemeza ko ubutegetsi bwa Paul Kagame bufite gahunda yo gutera amaraso yanduye virus ya corona abagororwa kugirango bafatwe n’uburwayi bwa Coronavirus noneho bibe impamvu yo kwica abo banyururu kuko atinya ko imiryango mpuzamahanga yita kuburenganzira bw’ikiremwamuntu ishobora kumusaba gufungura abagororwa benshi kugirango batandura coronavirus kuko baba begeranye. Muri iyo gahunda igihugu cya Iran kikaba cyarafunguye abagororwa barenga ibihumbi 300 kugirango batandura coronavirus, Kagame we akaba arimo gutegura ibikorwa byo kwica imfungwa z’abanyarwanda kugirango atazasabwa kuzifungura! Abagororwa bo muri gereza ya Mageragere akaba aribo bazatangirirwaho guterwa virus ya corona babyita ko bari guhabwa urukingo rwayo kandi kugeza ubu rutaraboneka! Ni ukubitega amaso.

Fungura iyi video wumve ijambo rya Twagiramungu Faustin ku buryo burambuye

0 0 vote
Article Rating
S’abonner
Notifier de
guest
0 Commentaires
Inline Feedbacks
View all comments