Rwanda: Abatuye Kigali babuze “ayo bacira n’ayo bamira” hagati ya “COVID-19 na virusi y’AKAGA-94, bamwe batangiye guhunga!

Leta ya FPR Kagame yahagaritse ubuzima mu mujyi wa Kigali yitwaje coronavirusi!

“Niba ubutegetsi buri gushaka ko tuguma mu nzu, nibuduhe n’ibyo tugomba kurya cyangwa se buduhe imodoka dusubire iwacu mu byaro”! Ayo ni amagambo y’abaturage benshi biganjemo urubyiruko barimo bageza ku itangazamakuru ryigenga ryo mu Rwanda.

Imibare itangwa n’ubutegetsi bw’i Kigali igaragaza ko abantu 40 mu Rwanda aribo bamaze kwandura indwara ya “Coronavirusi” iterwa na virusi yitwa “COVID-19”. Iyo ndwara ikaba yandura cyane kandi kugeza ubu ikaba idafite umuti n’urukingo. Iyo ndwara yatangiriye mu gihugu cy’Ubushinwa mu mujyi witwa Wuhan. Kugirango Ubushinwa bushobore guhagarika icyo cyorezo byabaye ngombwa ko abaturage bagera kuri miliyoni 22 batuye uwo mujyi bashyirwa mu kato bose. Icyo cyemezo cyatumye Ubushinwa bushobora kurwanya virusi ya Covid-19.

Igihugu cy’u Rwanda kimaze guhomba miliyoni zirenga 8 z’amadolari mu kwezi kumwe gusa kubera inama zasubitswe biturutse kuri coronavirusi kandi igihombo kiracyakomeza!

Iyo ndwara yahise igera ku mugabane w’Uburayi, igihugu cy’Ubutaliyani , Espanye, Ubudage n’Ubufaransa bikaba bibangamiwe cyane n’iyo virusi . Ibyo bihugu bikaba byarafashe ingamba zijya kumera nk’izo Ubushinwa bwafashe zo gusaba abaturage kuguma mu ngo zabo, ariko kugeza ubu icyo cyemezo gikomeje kugora ibyo bihugu mu kugishyira mu bikorwa kuko gishobora gutuma ubukungu bw’ibyo bihugu bwikubita hasi, hakaba hari kwigwa izindi ngamba zigomba gufatwa mu kurwanya icyo cyorezo ariko ubuzima bw’igihugu ntibuhagarare. Nk’igihugu cy’Ubusuwisi cyo cyanze gusaba abaturage bacyo kuguma mu ngo zabo ahubwo kikaba cyarafashe icyemezo cyo gupima abarwaye akaba aribo baguma mu ngo!

Ubutegetsi bwa Kigali bukaba bwarahisemo gufungira abanyarwanda bose mu mazu nk’uko abanyaburayi babikoze kandi abanyarwanda badafite imibereho imeze nk’iy’abanyaburayi. Ese leta ya Kagame yumva gufungira abanyarwanda mu mazu badafite ibiribwa bibatunga bishoboka? Bitewe ni uko Kagame adakorera inyungu z’abanyarwanda ahubwo afata ibyemezo bibangamiye abanyarwanda kugirango ashimishe abazungu bamushyize ku ngoma, ntabwo azatinya kwica abanyarwanda abahora ko basohotse bakajya gushaka ibyo kurya! Amakuru ari mu mashusho hasi aha aturuka i Kigali arererekana ko coronavirusi yaje gufasha umwicanyi Kagame gusohoza umugambi we wo kurimbura abanyarwanda!

Tugiye kujya tubona amatangazo y’abantu bishwe bikitirwa coronavirusi kandi bishwe na virusi y’AKAGA-94! Imana yonyine niyo igomba gutabara abanyarwanda!

0 0 vote
Article Rating
S’abonner
Notifier de
guest
0 Commentaires
Inline Feedbacks
View all comments