Abijuru bari kumwe na Kizito Mihigo bararirimba Noheli Nziza

Noheli Nziza basomyi ba “Veritasinfo”. Noheli y’uyu mwaka wa 2020 ntabwo isanzwe, tuyizihije abantu bose bapfutse umunwa kandi bifungiye mu manzu yabo kubera icyorezo cya “Covid-19”. Ku buryo bwihariye abakristu gatolika mu Rwanda bakaba bizihije iyi Noheli bari kumwe na Kizito Mihigo ku buryo bwa Rohomutagatifu kuko uyu mwaka w’2020 taliki ya 17 Gashyantare aribwo Kizito Mihigo yambuwe ubuzima n’ababisha, akava kuri iyi si akajya mu ijuru ariko akaba yifatanyije nabo mu kwizihiza Noheli y’uyu mwaka abinyujije mu bihangano bye yasigiye abakristu. Ese abamwambuye ubuzima bakoreye iki ko nabo bahise bajya mu bwihisho kubera ubwoba bwo gupfa kandi n’ubu bakaba bakiburimo?

Mu kwizihiza iyi Noheli y’umwaka w’2020, “veritasinfo” yifatanyije na Kizito Mihigo, ikaba ishimishijwe no kugeza ku bakristu gatolika bose b’abanyarwanda ijambo ry’Imana ibasangije ku buryo bw’umwihariko iri kumwe na Kizito Mihigo watuvuyemo ku buryo bw’umubiri ariko bakaba bari kumwe natwe muri Rohomutagatifu. iryo jambo ry’Imana tukaba turisanga muri Bibiliya mu gitabo cy‘Ubuhanga 3, 1-6; 10-12; uwo murongo wa Bibiliya ukaba ugira uti:

“Roho z’intungane ziri mu biganza by’Imana, kandi nta n’igitotezo kizongera kubageraho. Mu maso y’ibipfamutima bameze nk’abapfuye burundu, barigendeye basa nk’aho bagushije ishyano, bagiye kure byitwa ko barimbutse, nyamara bo bibereye mu mahoro. Ndetse n’ubwo mu maso y’abantu basa n’abahanwe, bahorana amizero yo kutazapfa. Nibamara guhanishwa ibihano byoroheje, bazahabwa ingororano zitagereranywa. Imana yarabagerageje isanga bakwiye kuba abayo; yarabasukuye nka zahabu mu ruganda, ibakira nk’igitambo kitagira inenge.

Ariko abagome bazahanishwa igihano gikwiranye n’ibitekerezo byabo, kuko bahinyuye umuntu w’intungane kandi bakitarura Nyagasani. Koko rero, baragowe abasuzugura ubuhanga n’inyigisho zabwo; amizero yabo nta cyo ashingiyeho, imiruho yabo nta cyo imaze, ibyo bakora bararuhira ubusa; abagore babo ni ibipfamutima, abana babo ni abagome, urubyaro rwabo ni ibivume”.

Ibyo ni ibyo tubwirwa n’ijambo ry’Imana, ahasigaye amaso yacu n’umutimana nama byacu nibyo bigomba kutumuririkira maze tukabona ukuri.

Veritasinfo ibifurije Noheli Nziza muri ibi bihe bigoye ikaba  ibasaba kuzirikana ubutumwa bwa Kizito Mihigo.

Imana ibarinde.

Veritas

2 Comments

  1. Ibyiza FPR INYENZI INKOTANYI zavanye mu gihugu cy’ BUSAGYA ni: 1). KWICA, 2). KWIBA, 3). KUROGA, 4). GUKONA, 5). KUBESHYA, 6). UBUSAMBANYI ndenga kamere. IMICO MIBI GUSA: Nibyo twabonye bavanye mu BUSAGYA. kwa Papa wabo KAGUTA Yoweri M7.

Leave a Reply