Afurika y’epfo iranenga uburyo ingabo z’u Rwanda zoherejwe muri Mozambique hutihuti mbere y’uko iza SADC zihagera!

Minisitiri w’ingabo w’Afurika y’epfo Nosiviwe Mapisa-Nqakula yavuze ko ingabo z’u Rwanda zitagombaga kugera mu ntara ya Cabo Delgado mu majyaruguru ya Mozambique mbere yuko ingabo z’ibihugu byo mu karere zihagera.

Madamu Nosiviwe yavuze ko uko kuhagera mbere kutemeranyijweho n’abakuru b’ibihugu byo mu muryango w’ubukungu uhuza ibihugu by’amajyepfo y’Afurika (SADC).

Yagize ati: « Birababaje kubona iri yoherezwa riba mbere y’iyoherezwa ry’ingabo za SADC, kuko uko umubano hagati y’u Rwanda na Mozambique waba umeze kose, umuntu yakwiteze ko u Rwanda rujya muri Mozambique hagendewe ku butumwa bwatanzwe n’abakuru b’ibihugu bo mu karere ka SADC ».

Leta y’u Rwanda ivuga ko izo ngabo zagiyeyo hakurikijwe « amasezerano menshi » ibihugu byombi bifitanye yasinywe mu 2018.

Kanda aha usome iyi nkuru ku buryo burambuye ku rubuga rwa BBC