Burundi – Rwanda: Mu gihe abarundi bategereje umukuru w’igihugu mushya, Kagame we ari gutegura kubatera!

Kagame yavuye mu bwihisho yambara agapfukamunwa maze ajya gukoresha inama igisilikare cye yo gutera Uburundi.

Kuri uyu wa gatanu taliki ya 8/05/2020 mu masaha ya nyuma ya sasita ingabo zirwanira mu mazi z’igihugu cy’Uburundi zarasanye n’ingabo za Paul Kagame RDF mu kiyaga cya Rweru kiri ku mupaka uhuza ibihugu byombi,impande zombi zikaba zemeza ko zatakaje abasilikare muri uwo mushyamirano.

Amakuru “Veritasinfo” ikesha abaturage bo ku mpande zombi yemeza ko abasilikare ba Kagame RDF bari mu bwato bwa gisilikare bwihuta cyane (vedette) binjiye mu mazi ku ruhande rw’Uburundi maze barasa amasasu ku ngabo z’Uburundi zari ku mupaka. Ingabo z’Uburundi nazo nahise zifata ubwato bwa gisilikare zikurikira ingabo za Kagame RDF,  maze zirasa amasasu menshi  cyane kuri ubwo bwato bwa RDF burangirika cyane. Radiyo mpuzamahanga y’abafaransa RFI ivuga uko umusilikare umwe w’Uburundi yishwe n’ayo masasu y’ingabo za Kagame RDF nk’uko byemezwa n’inzego zishinzwe umutekano mu Burundi.

Ku ruhande rw’u Rwanda, abategetsi ba Kigali bemeza ko ingabo zabo zarashweho n’abaraundi ziri mu mazi y’u Rwanda, ingabo z’Uburundi zikaba zarishe abasilikare ba Kagame (RDF) 3 abandi batazwi umubare barakomereka bikomeye. Nibwo bwa mbere ubutegetsi bwa Kagame bwemeye ko bwatakaje abasilikare mu mirwano naho ubundi abantu bose bari baziko nta nkotanyi ipfa! Abayobozi b’Uburundi bemeza ko ingabo za Kagame zagiye mu mazi y’Uburundi zishaka gufata amato y’abarobyi b’abarundi bari muri icyo kiyaga cya Rweru, noneho RDF irasa ku ngabo z’Uburundi mu rwego rw’ubushotoranyi nk’uko inkotanyi zisanzwe zibigenza maze ingabo z’Uburundi zirasa inkotanyi zitazibabariye!

Muri iki gihe igihugu cy’Uburundi kirimo kitegura amatora y’umukuru w’igihugu ndetse n’aya makomine azaba taliki ya 20 Gicurasi uyu mwaka. Abakandida 2 akaba aribo bari ku isonga muri ayo matora hakurikijwe umubare w’abantu bitabira inama zo kwiyamamaza (meeting), abo akaba ari Evariste Ndayishimiye watanzwe n’ishyaka riri ku butegetsi rya CNDD FDD na Agathon Rwanda w’ishyaka rya CNL ritavuga rumwe n’ubutegetsi bw’Uburundi. Amakuru aturuka mu nzego z’ubutasi bw’igihugu cy’ u Rwanda n’Uburundi akaba yemeza ko Paul Kagame yagerageje gutera Uburundi anyuze ku butaka bwa Congo kugirango aburizemo amatora mu icyo gihugu.

Agathon RWASA (ibumoso) na Evariste NDAYISHIMIYE (iburyo) bari ku isonga mu bakandida bashobora gusimbura Nkurunziza

Abayobozi b’Uburundi bahise bamenya amakuru y’uwo mugambi mubisha wa Kagame wo kubagabaho ibitero anyuze muri Congo maze bafata ingamba zo kubiburizamo. Ayo makuru kandi akomeza yemeza ko igitero ingabo za Kagame RDF zagabye ku ngabo z’Uburundi mu kiyaga cya Rweru cyari kigamije gutata ngo kirebe ko Uburundi bwiteguye. Kuba ingabo z’Uburundi zararashe ingabo za Kagame zitazibabariye byatumwe Kagame asohoka mu bwihisho yambara agapfukamunwa n’impuzangano ya gisilikare maze ajya gukoresha inama abakuru b’ingabo ze i Gako mu Bugesera hafi y’Uburundi kugirango ategure ku buryo bwihutirwa igitero gikomeye cyo gutesha agaciro ibizava mu matora y’Uburundi maze igihugu kikongera kugwa mu mvururu n’ubwicanyi.

Kagame akaba acunze ko nyuma y’amatora mu Burundi hashobora kuzavuka imvururu zishingiye ku mukandida uzavugako yibwe amajwi maze akaboneraho kwinjira muri ako kavuyo agafata Bujumbura mu gihe gito cyane! Abarundi ariko nabo si abana kuko ibyo byose barabizi bakaba bashobora kuzabyitwaramo neza nk’uko basohotse mu mvururu zo mu mwaka w’2015! Hagowe umurundi uzavuga ko ashyigikiwe na Kagame kuko azahita amutera umwaku nk’uko yawuteye abantu bose yagiye ashyigikira mu matora yagiye aba mu bihugu binyuranye,  maze uwo Kagame ashyigikiye agatsindwa ruhenu.

Imana ifashe abarundi bakomeze inzira biyemeje ya demokarasi no guhererekanya ubutegetsi mu mahoro maze batange isomo rya demokarasi ku banyagitugu n’abicanyi bakomeje kuyogoza akarere k’Afurika y’ibiyaga bigari.

Veritasinfo

avatar
250
  S’abonner  
Notifier de