Ese kuba Hitler na Léopold II bataragejejwe imbere y’ubutabera, bivuze ko Paul Kagame nawe ari uko azisazira ?

Aba nibo ba jenosideri 3 isi yamenye kugeza ubu

Abicanyi ruharwa 3 bamamaye ku isi yose kubera ubugome bwabo na jenoside zikomeye bakoze, harimo umwami w’Ububiligi Léopold II wari warigaruriye Congo, agashobora kwica abakongomani bari hagati ya miliyoni 5 na miliyoni 10. Umwicanyi ruharwa wa kabiri ni Adolph Hitler washoboye kwica miliyoni 6 z’abayahudi. Abo bicanyi 2 ba mbere barapfuye, umwicanyi wa gatatu usigaye kandi ukomeje kwica ni Paul Kagame umaze kwica abanyarwanda n’abacongomani barenga miliyoni 6 ! Ubwo bwicanyi Kagame akora akaba abushyigikirwamo n’ibisambo by’abazungu bidakunda abirabura batuye Afurika ahubwo bigashishikazwa no gusahura umutungo wayo.

Intore zishyigikiye umwicanyi Kagame zivuga ko ari umwere kuri ubwo bwicanyi ashinjwa ngo bitewe n’uko nta rukiko na rumwe ruramuhamya icyaha ! Abo bavuga ko Kagame ari umwere kuko ataragezwa imbere y’inkiko,  twabafata nk’abantu bataye ubumuntu kandi badatekereza neza, kuko biramutse ariko bimeze, Adolph Hitler n’Umwami Léopold II nabo baba ari abere ku bwicanyi bakoze kuko batigeze bagezwa imbere y’ubutabera  ngo bubahamye icyaha!

Kuba abo ba jenosideri batarashoboye kugezwa imbere y’ubutabera ntibibahanaguraho icyaha bakoze cyangwa se ngo biteshe agaciro abo bahemukiye. Kuba Hitler na Léopold II bombi baritabye Imana batagejejwe imbere y’ubutabera bigomba kudutera imbaraga no kuduha uburyo bwo gukurikirana Paul Kagame ku bwicanyi yakoreye abanyarwanda n’abacongomani akagezwa imbere y’ubutabera atarapfa !

Nk’uko Hitler yafashijwe na Goebbels, Himmler n’abandi benshi mu gukora ubwicanyi bwe, Paul kagame nawe yafashijwe n’abasilikare bakuru b’inkoramaraso mu kurimbura imbaga aribo : James Kabarebe, Kayumba Nyamwasa, Jack Nziza, Charles Kayonga, Fred Ibingira, Patrick Nyamvumba, Dan Munyuza, Karenzi Karake, Jean Bosco Kazura, Emmanuel Gasana n’abandi benshi. Abo bose baracyariho kandi bakomeje kwidegembya, nyamara bagomba kugezwa imbere y’ubutabera bakaryozwa amaraso y’inzirakarengane bamennye kandi n’ubu bakomeje kumena.

Mu ntego twihaye y’uko « BITAZONGERA KUBAHO UKUNDI », abacitse ku icumu ry’abo bicanyi kimwe n’ababakomokaho ndetse n’abandi bantu bose baharanira ubutabera, twiyemeje kubwira isi yose amahano y’ubwicanyi izo nkoramaraso zakoze. Tuzakomeza kandi gusaba ubutabera bwo kurenganura inzirakarengane zambuwe ubuzima n’abo bicanyi kimwe n’ibikomere bifitwe n’abarokotse ayo mahano batewe n’abo bagome.

Ubutabera kandi bugomba kugera no kubandi ba jenosideri bose barimo kuzerera kuri iyi si bakingiwe ikibaba kuburyo bumwe cyangwa ubundi bakaba bakomeje kwiberaho mu buzima bw’imburagihana. Tugomba twese gusaba ubutabera kugirango abahohotewe bose barenganurwe.

 

Source : Ubu ni ubutumwa bwo kuri facebook ya Claude Gatebuke bwashyizwe mu kinyarwanda na « veritasinfo »

S’abonner
Notifier de
guest
0 Commentaires
Inline Feedbacks
View all comments