Ese Muhoozi azavuga ryari ko ariwe uyobora u Rwanda ? Kuri we FARDC na UPDF ni abanzi kuko barwanya M23 !

Kagame na Muhoozi ntibavuga rumwe na Gen.Félix Kulayigye ku kibazo cya M23.

Mu cyumweru gishize, abasilikare ba RDF –Inkotanyi bateye abasilikare ba Congo FARDC bambaye umwambaro w’inyeshyamba za M23. Mu mirwano yabereye mu ntara ya Rutshuru mu turere twa Chanzu na Runyonyi, ingabo za Congo FARDC zashoboye gufata abasilikare babiri ba RDF. Ntabwo byahagarariye aho kuko izo ngabo za RDF mu izina rya M23 zateye n’igihugu cya Uganda, imirwano  n’ingabo z’icyo gihugu ikaba yarabereye hafi y’umupaka wa Bunagana uhuza Uganda na Congo  nk’uko byemezwa n’umuvugizi w’ingabo za Uganda Gén.Felix Kulayigye.

Leta ya FPR-Inkotanyi yahakanye amakuru avuga ko hari abasilikare bayo bari muri M23 bafatiwe mu mirwano yabereye ku butaka bwa Congo; mu bisobanuro byayo, iyo leta ivuga ko abantu bose bavuga ururimi rw’ikinyarwanda atari Abanyarwanda. Ibyo bisobanuro ariko ntabwo bihagije kuko bizwi neza ko abarwanyi ba M23 bacumbikiwe mu Rwanda, leta ya FPR  ikaba ikoresha abo barwanyi muguhungabanya umutekano wa Congo. Ikindi kimenyetso kigaragaza ko leta  ya FPR ariyo igaba ibitero ku butaka bwa Congo mu izina rya M23, ni uko abo basilikare ba RDF bagiye bafatirwa ku butaka bwa Congo bari mu mutwe wa M23 kuva mu mwaka w’2012 kugeza ubu. Ikindi cyagaragaye ni uko Inkotanyi zikomeje ubugome bwazo bwo kwica abana b’Abanyarwanda bo mu bwoko bw’Abahutu ; abo bicanyi ba FPR bafata abana b’Abahutu bakabinjiza mu mutwe wa M23 kugirango bajye kwicirwa muri Congo. Urugero ni urw’uyu mwana witwa UFITIMANA Vénuste ukomoka muri Rutsiro (Kibuye) wafatiwe muri Congo ari mu barwanyi ba M23.

Igitangaje kandi gikomeje gutera urujijo ni uko Muhoozi Kainerugaba, umuhungu wa Perezida Museveni yateye hejuru akavuga ko nta ngabo z’u Rwanda ziri ku butaka bwa Congo! None se ko Muhoozi ari umugaba mukuru w’ingabo zirwanira ku butaka z’igihugu cya Uganda, yabaye umuvugizi w’ingabo z’u Rwanda ryari ? Ese ko yemera ko Kagame ari nyirarume kandi bikaba bizwi ko Kagame ari umunyarwanda wuzuye ni iyihe mpamvu ituma Muhoozi adataha mu Rwanda kandi bigaragara ko nawe ari umunyarwanda wuzuye ? Ku rubuga rwe rwa twitter, Muhoozi yagize ati :«Buri gihe mbwira abasirikare banjye kutizera icengezamatwara ry’umwanzi. Ndahamya nta shidikanya ko nta musirikare n’umwe w’Ingabo z’u Rwanda wari mu bitero bya M23 hafi y’agace ka Bunagana. Uku niko Ingabo z’u Rwanda zisa. » Ikirushijeho gutera urujijo ni uko umuvugizi w’ingabo za Uganda Gen.Felix Kulayigye yabwiye BBC ko abarwanyi b’umutwe wa M23 bateye n’igihugu cya Uganda banyuze ku mupaka wa Bunagana.

Kulayigye yagize ati : «Bateye (M23) ku mupaka bafite umugambi wo kotsa ibyuma byo gukora imihanda, ariko tukaba twari twamenye ko baza n’uko barashe muri Uganda ingabo zacu zirabasubiza. Icyakurikiyeho ni uko twafashe abarwanyi 14 abandi bagwa ku rugamba, twafashe n’imbunda zabo n’umusilikare wacu yicirwa kuri urwo rugamba undi agwa mu bitaro kubera ibikomere… » Fungura hasi aha wumve ikiganiro Gén. Félix Kulayigye yagiranye na radiyo mpuzamahanga BBC Gahuzamiryango :

Iyo ikurikiye imvugo y’umuhungu wa Museveni ubona yuzuye urujijo rwinshi cyane! Kuriwe, M23 si umwanzi, kuyirwanya (M23) bingana no kurwanya u Rwanda na Uganda! Ingabo za Congo FARDC zisanzwe zifatanya n’ingabo za Uganda UPDF mu kurwanya imitwe yitwaje intwaro iri mu Burasirazuba bwa Congo. Mu gihe umutwe wa M23 wagabaga ibitero ku ngabo za Congo, icyo gihugu (Congo) cyavuze ko abo barwanyi bashyigikiwe n’u Rwanda ndetse bakaba barafashemo abasilikare 2 b’Inkotanyi. Umuvugizi w’ingabo za Uganda Lt.Gen Felix Kulayigye akaba yemeza ko abo barwanyi ba M23 bishe abasilikare ba Uganda 2 ndetse bakaba bari bafite gahunda yo kwangiza imashini za Uganda zikora imihanda muri Congo. Iyo Muhoozi avuga ko abwira abasilikare be kutizera icengezamatwara ry’umwanzi abashaka kuvuga iki ? None se Ingabo za Congo n’ingabo za Uganda nibo banzi Muhoozi aba ashaka kuvuga?

Abanyarwanda benshi bavuga ko Museveni avuka mu Rwanda i Butare, icyo gihe akaba yaritwaga Nyandwi, iyo akaba ariyo mpamvu Perezida Juvénal Habyarimana yateye inkunga ikomeye yo kurwana urugamba rwa gisilikare mu gihe yari inyeshyamba yarwanyaga ubutegetsi bwa Uganda. Museveni amaze kubuhoza igihugu cya Uganda mu mwaka w’1986, yahise ategura urugamba rwo kubohoza u Rwanda aricyo gihugu cye cy’amavuko yifashishije abarwanyi bo mu ngabo ze bakomoka ku mpnzi z’Abanyarwanda bo mu bwoko bw’Abatutsi bahungiye muri Uganda kuva mu mwaka w’1959 kimwe n’abagande bavuga ururimi rw’ikinyarwanda. Ingabo za Museveni zabohoje u Rwanda mu mwaka w’1994 nyuma y’umuvu w’amaraso menshi yari amaze gutemba mu Rwanda bitewe n’urupfu yateje rwa Habyarimana Juvénal.

Nyuma yo kubohoza igihugu, Pasteur Bizimungu niwe wahawe umwanya wa perezida wa repubulika. Mu mwaka w’2000 Paul Kagame wari ufite ipeti rya Major akaba yari ashinzwe iperereza mu gisilikare cya UPDF yahiritse Bizimungu ku butegetsi aranamufunga maze yigira perezida w’igihugu cy’u Rwanda. Muri iki gihe Paul Kagame atangiye kugaragaza intege nke mu kuyobora igihugu cy’u Rwanda, Museveni yohereje umuhungu we w’imfura  Muhoozi Kainerugaba gutangira kwitoza kuyobora u Rwanda asimbuye nyirarume Paul Kagame. Aho ibintu bigeze muri iki gihe akaba ari uko uyu Muhoozi atagishobora gutandukanya u Rwanda na Uganda, kuriwe ibyo bihugu byombi byahindutse igihugu kimwe atarabonera izina! Muhoozi akaba yaratangiye guhigisha uruhindu abanyepolitiki b’Abanyarwanda batavuga rumwe n’ubutegetsi bwe (leta ya nyirarume Paul Kagame) akabirukana k’ubutaka bwa  Uganda nk’uko aherutse kwirukana umunyamakuru uvuka muri Uganda Robert Mukombozi wirukanywe muri icyo gihugu mu cyumweru gishize ubwo agiye gusura umuryango we, agasubizwa muri Australia huti huti !

Iminsi iri imbere ikaba iduhishiye udushya twinshi two ku ngoma ya Muhoozi ugiye kuyobora u Rwanda na Uganda !

Veritasinfo

10 Comments

  1. I don’t need to tell you how important it is to optimize every step in your SEO pipeline. But unfortunately, it’s nearly impossible to cut out time or money when it comes to getting good content. At least that’s what I thought until I came across Article Forge… Built by a team of AI researchers from MIT, Carnegie Mellon, Harvard, Article Forge is an artificial intelligence (AI) powered content writer that uses deep learning models to write entire articles about any topic in less than 60 seconds. Their team trained AI models on millions of articles to teach Article Forge how to draw connections between topics so that each article it writes is relevant, interesting and useful. All their hard work means you just enter a few keywords and Article Forge will write a complete article from scratch making sure every thought flows naturally into the next, resulting in readable, high quality, and unique content. Put simply, this is a secret weapon for anyone who needs content. I get how impossible that sounds so you need to see how Article Forge writes a complete article in less than 60 seconds! order here.

  2. Ibinyamakuru byegereye Kagame nabyo byaranditse maze bishyira amabanga menshi bari babikiye Museveni. Museveni ni umunyarwanda waje Uganda hamwe na nyina umubyara wakworaga akazi kuburaya kugeze aho abyaranye n’abasariyama umwana uziw kw’izina rya Salim Saleh. Saleh kubera SIDA aononnye uruhu rwe ntabwo bigaragara ko ari imvange y’abasaliyama n’umututsikazi.

    Mueveni amaze gufata ubutegetsi niho izina rye bwite yarijugunye maze yiyita Kaguta abeshya abagande ko ari umunyankole w’ umuhima. Ariko Abahima b’abanyankole bo bazi ukuri ndetse ngo benshi ntibamukunda kubera imyifatire ye yo kwiyita icyo atari cyo.

    Abagande benshi bazi ukuri ariko basa nkababyemeyi kuko bazi ko akri cyera uyu muva Ntara azagenda ariko Uganda et son peuple bagasigara!

    Ibyo Muhozi arimo ni kimwe nibyo SE, Kagame arimo, kubeshya no kurangaza abantu mu gihe barimo bategura ibyo batavuga ariko bizagaragara. Umwe muri bo azahitana undi. Ariko njye mbona ari Kagame uzahitana Museveni kuko amurusha UBUNYENZI

  3. I visited many websites, but yours is probably the most interesting I found, and your article "Ese Muhoozi azavuga ryari ko ariwe uyobora u Rwanda ? Kuri we FARDC na UPDF ni abanzi kuko barwanya M23 !" is very interesting ! Keep going 🙂 Let me introduce my new website wordpress online https://www.annuairedunet.fr/ that is listing some other interesting websites that worth keeping an eye on.

  4. Njye narumiwe! None se Abagande bo bemera ko Museveni cyangwa Muhoozi ari abagande? Buriya M7 yongoroye umuhungu we Muhoozi amubwira ko bakomoka i Butare mu Rwanda niyo mpamvu yita Kagame nyirarume! Ahubwo Abagande nibareba nabi bazashira! Umubare munini w’abasilikare b’abagande biciwe i Kisangani bikozwe n’inkotanyi ku kagambane k’abanyarwanda 2 aribo Kagame na Museveni , none kandi barongeye, bakomeje kwica abasilikare b’abagande bikozwe na M23 ku kagambane ka Kazura na Muhoozi ! Yewe akarere k’ibiyaga bigari gafite akaga gakomeye ko kurwana n’amashitani yitwa Inkotanyi na M7!! Mu myaka yashize Kagame yishe abasilikare ba Tanzaniya barenga 15 bikozwe n’ADF, abarundi bo Kagame abica buri munsi kandi ubwo bwicanyi bwose bwa Kagame Museveni aba abuzi! Abibwira ko Museveni ashobora kurwana na Kagame baribeshya cyane kuko ibyo bakora byose aba ari ukujijisha!

  5. Umva nawe ibi bitagaragasi muba muvuga biba biteye isesemi uziko umuntu ashaka icyo mushatse kuvuga akacyibura muracabiranya mwihinduranya nkuruvu iki kinyamakuru nuburozi neza neza ntaho gitandukaniye naya Radio yanyu RTLM

Les commentaires sont fermés.