Imyigaragambyo mu bihugu binyuranye yo gusaba irekurwa rya Mme Idamange no kwamagana akarengane mu Rwanda

Nk’uko byari biteganyijwe, uyu munsi taliki ya 20/03/2021 hirya no hino ku isi hari kubera imyigaragambyo igizwe ahanini n’Abanyarwanda bari gusaba leta ya FPR-Inkotanyi kurekura Madame Yvonne Idamange Iryamugwiza, Paul Rusesabagina kimwe n’abandi banyepolitiki banyuranye bafungiye mu magereza y’u Rwanda.

Abari muri iyo myigaragambyo kandi baramagana leta ya FPR-Inkotanyi ikomeje politiki mbi y’igitugu, ikomeje ibikorwa byo guhonyora uburenganzira bw’ikiremwamuntu no gukoresha iterabwoba ryo kubuza Abanyarwanda bari imbere mu gihugu kuvuga akababaro kabo.

Imyigaragambyo nk’iyo yari iteganyijwe mu mujyi wa Paris mu gihugu cy’Ubufaransa ariko ntiyashoboye kuba bitewe n’uko ku mugoroba w’ejo kuwa gatanu taliki ya 19/03/2021 ku buryo butunguranye Leta y’Ubufaransa yafashe icyemezo cyo gushyira umujyi wa Paris wose ndetse n’uturere tuwukikije muri gahunda ya “guma mu rugo” bitewe n’uko icyorezo cya Covid-19 gikomeje kwiyongera muri uwo mujyi.

Ariko impirimbanyi z’Abanyarwanda ntabwo zicaye ubusa zashyizeho uburyo bwo guusangiza Abanyarwanda batashoboye kujya mu myigaragambyo kwifatanya n’abandi bayirimo hakoreshejwe uburyo bw’ikorabuhanga mu itumanaho.

Abanyarwanda bari ku kirwa cya Mayotte cy’Ubufaransa kiri mu nyanja y’Abahinde nabo bigaragambije kuri uyu wa gatandatu taliki ya 20/03/2021 basaba ifungurwa rya Madame Idamange no kwamagana uburenganzira bw’ikiremwaluntu bukomeje guhohoterwa mu Rwanda.

Ku kicara cy’Umuryango w’Ubumwe bw’Uburayi UE i Buruseli mu Bubiligi naho Abanyarwanda bahakoreye imyigaragambyo kuri uyu wa gatandatu taliki ya 20/03/2021 basaba irekurwa rya Madame Idamange.

Mushobora gukurikirana iyo myigaragambyo hasi aha

Subscribe
Notify of
guest
0 Comments
Inline Feedbacks
View all comments