Leta y’u Rwanda n’igihugu cya Danemariki byinjiye mu bucuruzi bw’impunzi ku mugaragaro!

Abicanyi b’Inkotanyi bagomba kuba bageze mu bihe byavuzwe byo kurya akataribwa! Nyuma yo gucuruza jenoside ku bazungu, ubu noneho abicanyi ruharwa b’Inkotanyi bageze ku icuruzwa ry’abantu ! Mu byumweru 2 bishize, imiryango mpuzamahanga irengera uburenganzira bwa muntu yashyize ahagaragara amasezerano ya rwihishwa leta y’abicanyi b’Inkotanyi yagiranye n’igihugu cya Danemariki kiri ku mugabane w’Uburayi yo kohereza impunzi zisaba ubuhungiro muri icyo gihugu mu Rwanda ! Leta y’abicanyi b’i Kigali yagize isoni yigurutsa ayo masezerano ivugako ntayabayeho,nyamara abadepite ba Danemariki baremezako ayo masezrano ariho!

Kubeshya bigira aho bigarukira, n’ubwo Kigali yavuze ko ntamasezerano yagiranye na Danemariki ya rwihishwa yo kwakira impunzi zihungira muri icyo gihugu, ikinyamakuru « Le monde » cyo mu gihugu cy’Ubufaransa cyashyize ahagaragara amakuru yemeza ko nyuma y’aho leta y’igihugu cya Danemariki imariye kugirana amasezerano na leta y’abicanyi ya Kigali yo kwakira impunzi zisaba ubuhungiro muri Danemariki, muri iyi minsi, inteko ishingamategeko y’igihugu cya Danemariki iri gusuzuma umushinga w’itegeko ryemerera leta ya Danemariki kohereza mu Rwanda abantu bose b’abanyamahanga basaba ubuhungiro muri icyo gihugu.

Muri gahunda yo guca intege abanyamahanga bifuza gusaba ubuhungiro mu gihugu cya Danemeriki, ishyaka riharanira imibereho myiza na demokarasi riri ku butegetsi muri Danemariki ryiyemeje gushyira mu bikorwa icyifuzo cy’ishyaka ry’abahezanguni ritsimbaraye ku matwara yo kwanga abanyamahanga (Extrême droite), cyo kohereza umunyamahanga wese usaba ubuhungiro muri Danemariki mu Rwanda kuko ari igihugu kitari ku mugabane w’Uburayi kandi kikaba kizwiho guhohotera ku buryo bukabije uburenganzira bw’ikiremwamuntu. Let aya Danemariki ikaba isanga kujya mu Rwanda biteye ubwoba cyane ku buryo nta munyamahanga utanyika gusaba ubuhungiro mu gihugu cyabo kugirango atoherezwa mu Rwanda !

Imwe mu nteruro iri muri uwo mushinga w’itegeko rigomba kwemezwa n’abadepite ba Danemariki igira iti «Danemariki izaha ubuhungiro umunyamahanga wese uzemera koherezwa mu gihugu kiri hanze y’umugabane w’Uburayi (Rwanda) akaba ariho dosiye isaba ubuhungiro bwe bwo kuba muri Danemariki yigirwa. Mu gihe uwo munyamahanga azaba yimwe ubuhungiro, igihugu yashyizwemo (u Rwanda) nicyo kizafata icyemezo cyo kumwirukana ku butaka bwacyo ». Imiryango mpuzamahanga irengera uburenganzira bwa muntu ikaba yaramaganye ku buryo bukomeye uyu mushinga w’itegeko rikumira abanyamahanga muri Danemariki. Iyo miryango ivugako ibyo byo kohereza abasaba ubuhungiro mu kindi gihugu binyuranyije n’amategeko mpuzamahanga arengera impunzi ku buryo igihugu kizemera kwakira impunzi Danemariki izacyoherezamo gishobora kuzajyanwa mu nkiko !

Let aya Danemariki ivugako nta munyamahanga usaba ubuhungiro uzasubizwa mu gihugu yahunze, ni ukuvuga ko nk’Umunyarwanda usabye ubuhungiro muri Danemariki atazoherezwa mu Rwanda kugirango yubahirize itegeko mpuzamahanga rigenga impunzi. Leta ya Danemariki kandi ivugako itazohereza abarwayi mu Rwanda kuko rudafite ubushobozi bwo kubavura. Leta y’agatsiko k’abicanyi mu Rwanda izajya ihabwa amafaranga menshi na Danemariki kuri buri mpunzi yakiriye ku butaka bw’u Rwanda kandi ibihugu by’Uburayi bikazakomeza gufata abicanyi b’Inkotanyi mu mugongo kuko bazaba babakijije ikibazo cy’impunzi z’Abanyamahanga (cyane cyane Abanyafurika) badashaka iwabo.

Ese ayo mafaranga Inkotanyi zizahabwa hari aho ataniye n’amafaranga ava mu bucuruzi bw’abantu (akataribwa)? Abanyafurika bibwiraga ko Inkotanyi zibakunda bagiye kubona aho zibera akaga, ubwo zitangiye kubacuruza mu bazungu !

Veritasinfo

Veritas

5 Comments

  1. Ariko abantu baragwira! waba wabuze aho ushyira abantu bawe kubera ubucucike ukacyira impunzi zivuye ahandi?

    • yemwe abakurikira ibyo bise ingabo z,urwanda FAR zatewe zitunguwe?
      aho uwitwa MUSANGAMFURA SIXIBERT yavuze kubijyanye nivangura turere ibyobintu niba mugifite mu mitwe yanyu KIGA -NDUGA ndakurahiye urwishe yanka ruracyayirimo ubwo se wazabana nand

  2. Kagame n’accueille pas les étrangers immigrés non pas parce qu’il a la compassion à leur égard mais parce qu’ils rapportent gros pour lui à savoir des millions de dollars alloués par certains Etats encaissés sans aucun effort.

  3. Une fois obtenu le maximum de gains escomptés, Kagame les remet aux dirigeants, membres du club de ses amis et sponsors que ce sont le Danemark et les Pays-Bas. Ceux-ci ont financé les Gacaca, tribunaux d’épuration des Hutu.

  4. Le ministre danois qui, semble-t-il est venu ici au Rwanda pour fiinaliser le commerce des misérables émigrés entre Kagame( différent du Rwanda) et Danemark aurait dû faire un saut dans les caniveaux de Kigali pour voir le Rwanda réel.

Leave a Reply