Leta y’Uburundi ikomeje kwirukana Abanyarwanda bari guhunga urukingo rwa Covid-19 bari guhabwa ku ngufu!

Abanyarwanda bahungiye i Burundi urukingo rwa Covid-19 bari kugarurwa mu Rwanda ku ngufu

Leta y’abicanyi b’abavantara ya FPR yabohoje igihugu cy’u Rwanda ikomeje gukaza umurego mu bikorwa byo kugirira nabi Abanyarwanda batemera gahunda n’imikorere byayo.  Kimwe mu bikorwa bigaragaza ko FPR-Inkotanyi ari abavantara, ni uko ishyira mu bikorwa buhumyi gahunda n’imigambi z’ibihugu bikomeye by’amahanga ititaye ku mibereho n’umuco by’Abanyarwanda; urugero rutari kure ni uburyo Abanyarwanda bakomeje guhungetwa n’Inkotanyi kubera icyorezo cya Covid-19!

Kugirango Inkotanyi zishimishe abazungu bazishyize ku ngoma no kugirango bakomeze guhabwa amafaranga, Inkotanyi ziyemeje gutangaho Abanyarwanda ibitambo kugirango bakorerweho ubushakashatsi bw’ubwoko bwose mubyerekeranye n’ubuzima. Nibyo koko icyorezo cya Covid-19 kiriho mu bihugu byose byo ku isi, ariko iyo urebye ibyemezo Inkotanyi zifata mu kwirinda icyo cyorezo, ubona zigambiririye kugera kuyindi migambi itandukanye no kwirinda Covid-19!  Muzitegereze neza, ibyemezo leta y’Ubufaransa iba yafashe mu kwirinda icyorezo cya Covid-19, ibyo byemezo by’Abafaransa nibyo leta y’abicanyi ba FPR ihita ifata ikabishyira mu bikorwa ititaye ku mibereho y’Abanyarwanda!

Abafaransa bafashe icyemezo cya guma mu rugo , bahita bashyiraho n’uburyo Abafaransa bazabona ibibatunga muri icyo gihe; Inkotanyi nazo zahise zifata gahunda yo gufungira Abanyarwanda mu nzu zitabahaye uburyo bagomba kubaho! Abafaransa bashyizeho gahunda yo kugenzura abantu batakingiwe (pass sanitaire); Inkotanyi zo zihita zitegeka Abanyarwanda gukingirwa ku ngufu! Amakuru atangwa n’Abanyarwanda bari mu turere tunyuranye, yemeza ko abashinzwe ubuzima baherekejwe n’abasilikare bagota abaturage b’akagari kose maze bakingira buri muntu wese ku ngufu uri muri ako kagari! Ikibabaje kurushaho ni uko urwo rukingo rwa Covid-19 Inkotanyi zitera Abanyarwanda rutemewe Iburayi!

Abanyarwanda batemera guhabwa urukingo rwa Covid-19 kubera imyemerere yabo cyangwa se kubera kudasobanurirwa bihagije, bahisemo gufata inzira y’ubuhungiro bagana i Burundi! Ikibazo gikomeye abo Banyarwanda bahunze bagize ni uko « guhungira Inkotanyi i Burundi ari nko guhungira ubwayi mu kigunda« ! Uburundi buri gufata izo mpunzi z’Abanyarwanda zabahungiyeho zikabasubiza mu Rwanda butitaye ku mpamvu zatumye bahunga! Si ubwa mbere ariko Uburundi bwirukana Abanyarwanda babuhungiyemo bahunze ubutegetsi bubi bw’Inkotanyi kuko n’Abanyarwanda bahunze Gacaca ndetse n’ubwicanyi bwo mu nkambi z’i Kibeho , Uburundi bwarabafashe bubagemurira Inkotanyi!

Hasi aha , umunyamakuru wa Radiyo mpuzamahanga y’Abanyamerika VOA mu ishami ry’ikirundi n’ikinyarwanda aratugezaho ku buryo burambuye uburyo impunzi z’Abanyarwanda ziri kwirukanwa i Burundi!

Veritasinfo.

9 Comments

  1. 111499 973642Hi there, just became alert to your blog via Google, and identified that its truly informative. Im gonna watch out for brussels. Ill be grateful should you continue this in future. Lots of folks will likely be benefited from your writing. Cheers! 188333

  2. Iyo mituelle urata se ikora iki? Hari imiti ibaha?bavurwa ari bangahe? Uzajye uganda cg kenya ubaze icyo bita NIH,hose uvurirwa ubuntu 100%,utarigeze utanga n urupfumuye nta n uwigeze akwirukaho kandi na prive zimwe zirakorana,kuko abanyarwanda bababujije gusohoka kugirango mutareba aho isi igeze mufata u Rwanda rwa 1974 habyarimana yabasigiye mukarugereranya n aho isi igeze mukumva ko mwateye imbere kandi babiba,barangiza bakababuza gusohoka ngo mutabona ko babiba. Ndetse kugeza ubu n ubwo inkotanyi zahawe amafr menci birazwi neza ko nta kintu na kimwe zamariye igihugu,imihanda yose main cg ibitaro ntimwabisanze mu gihugu? Izo convention murata ni iz aba private, ibigo bya leta byose byarariwe nta kintu na kimwe cyabisimbuye, reba aho kwa makuza ntihari i posita yarariwe,shari radio rwanda,ORTPN,ahari kigali height,urukiko rw ikirenga, ikintu mutararya ni ikihe?ibyo bigo anafr yabigurishijwe arihe?yaguze iki?

  3. None se wowe urata kwikingira wavuga icyo urukingo rwakumariye? U Rwanda mu karere sicyo gihugu kigiye kwicwa n inzara kubera za guma mu rugo?ntimwirirwa muvuza induru ngo covid-19 yazamutse?bakabashyira mu rugo,ko mwikingiye mwese,mukaba mufite covid nyinci ibyo bivuze iki?injiji gusa,icyo mutazi ni uko abanyarwanda bari gukorerwaho igerageza ry imiti,kamdi inganda ziba zatanze amafr menci,ikibabaje ni uko mu Rwanda n abize batazi gusesengura.kubera ubwoba ibyemezo bifatwa ntawe uvuguruza,abandi bari kurekura ubuzima mwe muri kugora ubuzima,kandi nta cyo kurya mufite musanzwe mufungiranye ubwo se muraganahe? Kubera kudasohoka kw abanyarwanda nta n umwe uzi isi aho igeze,wowe uvuga na confidence n ubujiji bwinci ngo mushaka kuba aba mbere kurwanya corona,nimuba aba mbere se bigende bite? Inkotanyi zitwara nk aho arizo isi izarangiriraho ariko muribeshya,nyuma yany7 hazaza abandi hongere haze abandi hongere abandi mushatse mwaha abanyarwanda amahoro namwe ubwanyu kuko namwe ntimuruhuka.murababaje

  4. Wa muzindaro wa Kigali Igihe .com wagarutse kuri Falcon 50.Izabavugisha amangambure! ninde watindije inama kugira ngo indege igende bwije? ninde wanze gucumbikira Habyarimana yitwaje protocol? Lieutenant Lotin yajyaga gukora iki muri park ya Kagera nta ruhushya rw,abamukuriye? Byose bizamenyekana! Muzi wa wundi witwaga Sendashonga Seth? burya yari yarenze umurongo utukura.Byatangajwe nÍngangurarugo Yiyemeje kuba Ingenzi.Nábahinde ngo ntibakibeshywa bafite embassy i Kigali.

  5. Jyewe wandika iyi nyandiko narikingije.Kubona hari abagomba guhunga urukingo bisobanura byinshi.1.Inyenzi (ntimwongere guhakana izina mwihaye) zishaka gukoresha ingufu muri byose akenshi zishaka guhatanira imyanya ya mbere ngo zerekane ko abaturage bose bakingiwe bityo ba mukerarugendo baze.2 Gufata icyemezo cyo guhunga si ikintu cyoroshye.3.Ibirebana nímyemerere byo ni ubuhumyi ababyitwaza wasanga nta na primaire bize.4.Uko byamera byose si ngombwa gukingira utabishaka!!!

  6. Ariko muri injiji kweri,nonese no gukingira bibaye ikibazo,ndibuka muvuga ngo bari kwaka abaturage ubwisungane mu kwivuza,NGO si ibintu byi Rwanda,none mwabonye bibyaye umusaruro mujya kwihisha. Nonese wamugabo we,leta ireke gukingira abaturage? Mujye mushaka indi article mwandika. Ngo inkingo ntizemeweuuuuu sha umuntu akoze ubusesenguzi yibyo mwandika asanga muri injiji mbi cyane.

Les commentaires sont fermés.