Mbonye ingoma ihirima i Rwanda!

Ubwicanyi bwe ngo bumuri mu maraso!

Umwana w’inkubaganyi yishe inyoni itaribwa. Mukwimakaza ikinyoma, Paul Kagame  yateye urwamubyaye, abeshya abizi neza avuga ko abohoye abenegihugu. Nyamara mwene Rwakagara yari yifitiye izindi ntego, icyari kimushishikaje si ukugarura ubumwe n’ubwiyunge mu banyarwanda. Icy’ibanze kuri we kwari ugufata ubutegetsi akabugundira, agakiza akica ndetse akabyigamba.

Kagame yivugiye ubwe ko kuva ku butegetsi bidashoboka kuko nta nzira abona byanyuramo: yaba inzira y’amatora yayandi yuzuye itekinika cyangwa se inzira y’imbunda yabonaga bitashoboka kumukuraho kuko nta muntu umurusha kugira imbunda nyinshi. Ibyo byose byatumye Kagame yirara maze yimika ingoyi n’ubucakara! Ba Rucagu  bemera guhakwa birengagije ibyakorewe benewabo; abitwa ba Ngirente bahebera urwaje, bigira injiji barize, naho umucukuzi w’imisarani yemera gushyira nyina umubyara kukarubanda!

Abanyarwanda babivuze ukuri koko ; ” ntayiva  mu gihuru ngo yime igihugu, niyo ishoboye kukiba ntikigumana, ivugirizwa induru igahita ihunga“! Intore y’umwega yaturutse i Mubari n’i Murera yaje yica abantu, ndetse nabamuhungiye i Bunyabungo yabasanzeyo irabatsemba! Yanze kunamura icumu bituma atakaza, maze n’ab’uruhu rwera baramuta, atyaza inkota yica Karegeya, yiyibagiza amajoro n’urubunda byo mu birunga yanyuzemo arwanira kumugira icyo aricyo!

Uyu muja w’abazungu Paul Kagame yageze n’aho yica Gasakure wamuvuraga! Yaribeshye cyane yica Rwigara kandi yaramukamiye, afata umupfakazi asize n’imfubyi ze arabafunga, umutungo wa Rwigara arawusahura, ndetse naya Hoteli ye arayisenya! Ubugome bwa Kagame ntabwo  ntibwihishira kugeza naho yica Alexia Mupende amuziza ko yakundanye n’uwo yaje gutsindagira uwo yabyaye.

Kizito Mihigo yinjizwa muri gereza

Igikoze kuri Kagame si ikindi: ni urupfu yishe umutagatifu w’Imana Kizito Mihigo wavukiye i Kibeho, aho Nyina wa Jambo yigaragarije. Iyo ntungane yakunzwe cyane, yaramuririmbiye mu bitaramo, amuvuga ibigwi n’ubutwari ariko ntiyanyuzwe. Yahisemo kumuvutsa ubuzima, amubuza urushako amuziza ko atavangura. N’ubuswa bwinshi Kagame yabeshye ko Kizito Mihigo yiyambuye ubuzima, ariko yanga ko itohoza mpuzamahanga ritabogamye ribaho ryo kumenya uko yapfuye, none dore isi yose yamaze kumenya ikinyoma cy’iyi ngoma y’ihano n’irondakoko.

Kwica kuri Kagame ntabwo aribyo yize , ahubwo biri mu maraso ye akomora kubamubyaye. Abazi neza ibyo ku Rucunshu bazatubwire ababigizemo uruhare. Mbere twari tuzi ko azira rubanda rugufi rwa rundi rwazanye Demokrasi! Ariko n’abo basangiye isano arabahemura! Ikivugo cye ni Rukarabankaba rwa KIGENZA, Naho iyo mu Bugande bakaba baramuhaye izina rya “PILATO“!

Bariya bamuha amashyi menshi mu nama y’imishyirirano baramubeshya. Bariya bagore batereka amaso bagira ngo abagabire, nabo baramubeshya. Icyo bishakira ni imbehe kuko batayobewe urupfu yishe Aloyiziya Inyumba. Menya Kagame utaramenye ko ugeze ku manga, ngo ugurishe utwawe wizigamire impamba, utaragera aho usaba uwo wimyeDore ijuru ryuzuye urwijiji, bene u Rwanda basigaye barivuga rikijyana, ndetse nabo uhatsweho ntibakikumva!

Kagame, reka nkubwire, biravugwa ko ubuzima buri kugucika, umenye kandi ko za ndege utazazijyana. Niba ugifite akuka pfukamira Rurema uyisabe imbabazi ku bw’amahano menshi wakoreye u Rwanda. Ntakabuza ingoma “Nyega” irahirimye, kuyisagasira ntibigishobotse, ngaho niba wiyumvamo ubutwari Subira indaki wongere ubeshye ko urubohoje!

Ngaho urabeho Mwega w’umwakagara, igendere usize umugani i Rwanda, menya abazavuka batazajya bemera amahano wakoze!

Umusomyi wa “Veritasinfo”

Kalenga Abdelhaman / Uganda

S’abonner
Notifier de
guest
1 Commentaire
le plus ancien
le plus récent le plus populaire
Inline Feedbacks
View all comments
Pierre
5 septembre 2020 14 h 09 min

Twe dusanga inyandiko nk’iyi ari ugutera ikinya abasomyi.
Ahubwo gutera sérum!
Icyo twifuza ni ibikorwa, apana théories nka za zindi z’Abakongomani.
Ibi bintu wanditse, ushobora gutanga réferences? Cyangwa tubishyire muri catégorie y’ibihuha?