Ministre w’intebe wa Côte d’Ivoire “Amadou Gon Coulibary” wari n’umukandida ku mwanya wa perezida yitabye Imana ku buryo butunguranye!

Ministre w'Intebe wa Côte d'Ivoire Amadou Gon Coulibary witabye Imana

Kuri uyu wa gatatu taliki ya 8/07/2020 nyuma ya saa sita, nibwo inkuru mbi y’urupfu rutunguranye rwa Ministre w’intebe wa Côte d’Ivoire “Amadou Gon Coulibary” yashyizwe ahagaragara. Ministre w’intebe wa Côte d’Ivoire akaba yishwe n’indwara y’umutima. Ku italiki nk’iyi ya 8/06/2020 nyuma ya saa sita  nibwo Perezida w’Uburundi Petero Nkurunziza nawe yitabye Imana ku buryo butunguranye azize indwara y’umutima! Iyi taliki abanyafurika bakaba bagiye kuyigira indahiro!!

Bwana Amadou Gon Coulibary yahabwaga amahirwe yo kuzatorerwa kuba perezida wa Côte d’Ivoire mu matora ateganyijwe muri icyo gihugu mu kwezi kwa cumi uyu mwaka turimo. Akaba yari umukandida w’ishyaka riri ku butegetsi. Umukuru w’igihugu cya Côte d’Ivoire akaba yabwiye abaturage bigihugu cye inkuru y’urupfu rwa ministre w’intebe Amadou Coulibary muri aya magambo: “Mu gihe twari mu nama ya guverinema, ministre w’intebe yumvise atameze neza mu mubiri we, ako kanya akaba yahise ajyanwa mu bitaro aho yagezeyo agahita yitaba Imana“.

Ministre w’intebe wa Côte d’Ivoire Amadou Coulibary yabazwe umutima mu mwaka w’2012, ku italiki ya 2 z’uku kwezi nibwo yari avuye mu Bufaransa aho yari yagiye kongera gukoresha ibizamini byo kureba uko umutima we umeze; abaganga baho bakaba barasanze umutima we umeze neza nta bibazo ufite. None ku italiki ya 8/07/2020 umutima we ukaba wahise uhagarara, yitabye Imana afite imyaka 61. Imana imwakire mubayo.

Ministre w’intebe witabye Imana yari umuntu wa hafi cyane ya perezida Alassane Ouattara wa Côte d’Ivoire kuburyo perezida yari yarimeje kutazongera kwiyamamaza kugirango amuharire umwanya. Nyuma y’urupfu rwe, amakuru menshi yatangiye guhihiswa muri Côte d’Ivoire avuga ko Alassane Ouattara agomba kongera kwiyamamaza, gusa rero ikibazo kirimo ni uko amashyaka yo muri icyo gihugu yari yumvikanye ko mu gihe Laurant Gbagbo (wafungiwe i La Haye na CPI nyuma akaza kuba umwere), nawe wayoboye Côte d’Ivoire ataziyamamaza Ouattara anwe ataziyamamaza kandi nawe akaba yarabyemeye abaturage ba Côte d’Ivoire mu ruhame!

Biragaragara ko urupfu rwa ministre w’intebe wa Côte d’Ivoire rubaye ihurizo kuri Alassane Ouattara! Ni ukuzakurikiranira hafi politiki ya Côte d’Ivoire kuko irimo amacenga menshi!

Veritasinfo

S’abonner
Notifier de
guest
0 Commentaires
Inline Feedbacks
View all comments