«Nimwitegure impinduka ziteye amatsiko z’ubutegetsi bwo mu Rwanda no mu Burundi»!

Umukozi w’Imana Marie Esther Murebwayire, uba mu buhungiro mu gihugu cy’Ubuholandi, yemeza ko yahawe n’Ijuru ububasha bwo gukuraho ibigomba kuvaho no gushyiraho ibigomba kujyaho, kugira ngo mu Rwanda, mu Burundi no mu Burasirazuba bwa Kongo, ingoma zihindure imirishyo, maze hajyeho ubutegetsi bushya bwubaha Imana kandi bwumvira Abahanuzi bayo.

Mu butumwa bunyuranye amaze iminsi atambutsa kuri «YouTube», yumvikanishije ko ingoma ya FPR-Inkotanyi mu Rwanda n’iya CNDD-FDD mu Burundi zigiye kurimbuka, zikazasimburwa n’Ubutegetsi Imana ubwayo yishyiriyeho, kugira ngo yisubize icyubahiro yambuwe n’Abanyapolitiki n’abafatanyabikorwa babo b’Abanyamadini. Ku byerekeye u Rwanda by’umwihariko, Marie Esther yemeza ko Imana irakariye cyane Ubutegetsi bw’Inkotanyi n’Umufatanyabyaha wabwo IBUKA, kubera amaraso menshi bamennye, bakagerekaho no kuyisuzugura, kugeza ubwo batangaza ku mugaragaro ko bayirasiye ku Murindi, kandi ko ngo Inkotanyi zizajya zisingizwa nk’Uhoraho Imana!

Ubutumwa bwa vuba Umukozi w’Imana «Marie Esther Murebwayire» aherutse gutanga ku Rwanda ni ubwahise kuri «YouTube» tariki ya 01/09/2022. Bwatunguye benshi kubera uburemere bwabwo, kuko bwaje bwitwa «ITEKA RIKURAHO KWIBUKA NO GUKORA ICYUNAMO CYA JENOSIDE YAKOREWE ABATUTSI.» Inyandiko ikubiyemo iryo teka iboneka ku rubuga (website) rw’Ishyirahamwe riyobowe na Marie Esther ryitwa «ABAHISHUWE». Fungura iyi website (kandaho) «abahishuwe.org» hanyuma wisomere iryo teka mu Kinyarwanda, mu Gifaransa cyangwa mu Cyongereza.

Kagame n’umufashawe bacana urumuri rwo kwibuka ku nshuro ya 26

Iryo teka risobanura mu buryo burambuye amakimbirane ari hagati y’Abanyarwanda ashingiye ku moko no ku cyaha rusange, rikerekana mu buryo butomoye inzigo iri hagati y’Abatutsi bahungutse muri 1994 n’abandi Banyarwanda bari basanzwe imbere mu gihugu. Havugwamo kandi, mu buryo busesenguye, inyungu Leta ya FPR ifite mu kwanika amagufa y’abazize jenoside no mu guhoza Abacikacumu mu Cyunamo ngo cyo kwibuka ababo : «mu by’ukuri, umugambi wa FPR ni uwo guhahamura Abanyarwanda, kugira ngo babe ibisenzegeri, bityo bayoborwe mu gitugu nta n’umwe ukopfora.»

Muri iyo nyandiko, harimo kandi ibisobanuro kw’ihame ry’uko «amaraso ahamagara ayandi», ari nayo mpamvu amaraso yamenwe mu Rwanda agiye guhorerwa, mu buryo hafi 1/3 (kimwe cya gatatu) ari bo bonyine bazarokoka amahano agiye kwitura ku Rwanda n’u Burundi. Mu mwanzuro w’iryo Teka, hakubiyemo ingingo remezo z’urugamba Marie Esther ayoboye. Kugeza ubu urwo rugamba ruri gukorwa mu buryo bw’Umwuka, ariko ngo ruzasozwa mu gihe kidatinze n’urugamba rugaragarira amaso, ari narwo ruzimika impinduka zitegerejwe.

Dore zimwe mu ngingo z’umurongo urwo rugamba rushingiyeho, ibindi muzabyisomere kuri website abahishuwe.org :

01.Twanze guhora twibuka abapfuye kandi twe turi bazima, ntacyo tubatezeho, twitandukanije n’ingaruka zose twatewe no kubibuka.

02.Twanze gukomeza kumvira leta ya FPR y’abicanyi muri gahunda yo gucuruza amagufa yise ay’abatutsi ikavangamo n’ay’abahutu kugirango iyatubure.

03.Dusohotse munsi y’ubwo buyobozi budakunda abo buyoboye, bwuzuye ubugome n’ubwicanyi, kandi bwubakiye ku kinyoma.

04.Dusheshe amasezerano yose batugizeho ubwo badutangagaho ibitambo nk’abanyarwanda twese.

05.Duhagaritse ingaruka zose zatewe n’ubutegetsi bubi bwa FPR kuri twebwe n’abacu.

06.Twanze kwifatanya na gahunda zose zigendera kandi zigakorera mubyo FPR yise IBUKA. Twanze gahunda za IBUKA yaba jenoside yakorewe abatutsi yaba iy’abahutu biyemereye ubwabo, n’indi miryango ifite kwibuka ababo bapfuye, tubivuyemo twe n’imiryango yacu yose mw’Izina rya Yesu Kristo.

07.Dusohotse muri izo gahunda zo kwibuka abatutsi cyangwa abahutu, twebwe ntaho bizadufatira, tubyiyambuye ku mugaragaro mu mvugo no mu nyandiko mw’Izina rya Yesu Kristo.

08.Koko rero, twanze buri mikorere ijyanye no kwibuka abapfuye, iyo myuka tuyisubije aho yaturutse kwa se w’imyuka mibi Satani. Iyo myuka yose tuyohereje ikuzimu iwayo mw’Izina rya Yesu Kristo, turasigarana amateka meza, atakirimo imbaraga z’ubugome n’inzika z’inzigo byatuzahaje.

Amagufa y’abazize jenoside ari mu nzibutso ziri mu Rwanda

09.Abashyizeho imihango yo kwibuka, bayobowe na Sekibi mu mvugo no mu nyandiko, none natwe tubyiyambuye mu mvugo no mu nyandiko mw’Izina rya Yesu Kristo, Mwuka Wera abishyire mu bikorwa.

10.Twitandukanije kandi na gahunda zose zo kwibuka abapfuye kuko turatanguranwa n’igihe cyashyizweho cyo guhoora k’Uwiteka kuje mu Biyaga Bigali. Satani agiye kongera kwiyongeza imbaga y’abahutu n’abatutsi benshi kubera uburenganzira abafiteho, cyane cyane abakoranye na FPR amasezerano mu ndahiro cyangwa mu bindi. Twe tuvuye muri iyo mikorere yose, tuvanyemo abacu n’ibyacu tubyimuriye mu maboko y’Uwiteka Imana yacu, Se w’Umwami wacu Yesu Kristo, twishyize mu burinzi bw’Ijuru, muri Zaburi ya 91.

11.Kugirango dusezerere burundu iyo mikorere yo kwibuka n’ibyunamo, bityo tubohoke mu buryo bwuzuye, biduheshe kwinjira mu Bihe Bishya bidusatiriye, twateguye IMINSI ITATU Y’AMASENGESHO NO KWIYIRIZA UBUSA, tuzakora mu minsi imbere. Buri wese aratumiwe. Kizaba ari igikorwa cyo kwitandukanya mu buryo budasubirwaho n’imihango yose irebana n’ibyunamo no kwibuka abapfuye. Abazabyubahiriza, ni bo tuzinjirana mu Mugambi w’Imana ku Biyaga Bigari.

Nubwo Abanyarwanda bamwe bemera ubuhanuzi bwatanzwe n’abantu banyuranye ku ihinduka ry’ubutegetsi mu Rwanda, twasanze uru rugamba ruyobowe na Marie Esther Murebwayire ruteye amatsiko abantu benshi, dore ko Abanyarwanda batari bacye batamenyereye intambara zikorerwa mu Mwuka nyuma  zigasorezwa mu Bifatika kandi bigaragarira amaso.  Dukomeje kubikurikiranira hafi, cyane cyane ko Nyirubwite yigeze gutangaza ko nta shyaka rya politiki na rimwe rizacyura impunzi mu butumwa yatanze kuri iyi Youtube!

Veritasinfo