Paul Rusesabagina yashimuswe n’inkotanyi zimugeza mu Rwanda aboshye amaguru n’amaboko!

Kuri uyu wa gatanu taliki ya 27/11/2020 Paul Rusesabagina yongeye kugezwa imbere y’ubucamanza bwa leta ya FPR yamushimuse. Paul Rusesabagina akaba uyu munsi yaburanye ikirego yajuririye cy’uko afunzwe mu buryo bunyuranyije n’amategeko. Mu rubanza ry’uyu munsi Rusesabagina yashoboye kunganirwa n’umunyamategeko w’umunyarwanda Me Gatera Gashabana, akaba ari umwe mubagize itsinda ry’abanyamategeko 7 umuryango we wamuhitiyemo, abandi 6 basigaye leta ya Kigali ikaba yaranze ko bakandagiza ikirenge cyabo mu Rwanda.

Paul Rusesabagina yavugiye imbere y’urukiko rwisumbuye  rwa Nyarugenge ko yashimuswe akazanwa mu Rwanda aboshye amaguru n’amaboko; yavuze kandi ko ari mu Rwanda mu buryo bunyuranyije n’amategeko kuko we ari Umubiligi, ndetse ko ibyo yabisobanuye inshuro zirenga eshatu urukiko rw’inkotanyi rukabyirengagiza. Rusesabagina yasabye urukiko rwisumbuye rwa Nyarugenge gusesa icyemezo kimugumisha muri gereza mu gihe ategereje ko urubanza rwe rutangira kuburanishwa mu mizi bitewe n’uko umucamanza wa mbere yirengajie amategeko.

Gatera Gashabana umwunganira mu mategeko yafashe ijambo maze agaragaza uburyo umucamanza wa mbere yirengagije amategeko agafunga Rusesabagina kandi atagomba gufungwa. Amwe mu mategeko yirengagijwe gashabana yagaragaje ni aya akurikira:

1.Mu gihe cy’iperereza, uburenganzira bwa Rusesabagina ntabwo bwubahirijwe cyane cyane ku mategeko ajyanye n’ifatwa n’ifungwa. Kuba Rusesabagina yaracyekwagwaho icyaha, nta rwandiko rumutumira, rumuhamagaza cyangwa se rutegeka ko azanwa ku gahato yigeze abona; ahubwo hagati y’italiki ya 27 na 31 Kanama 2020  Rusesabagina yarashimuswe maze afungirwa ahantu hatazwi.

2.Paul Rusesabagina ntiyigeze amenyeshwa n’ubushinjacyaha icyo yafatiwe yimwa n’uburenganzira bwe bwo kunganirwa n’ubwunganizi yihiteyemo. Ku wa 31 Kanama 2020 saa saba, ngo nibwo  Rusesabagina yagejejwe ku mugenzacyaha, akoreshwa inyandikomvugo, nayo ngo ayikoreshwa atunganiwe, kandi mbere y’ibazwa aba agomba kubazwa niba afite umwunganira, ariko ibyo ntibyakozwe.

3.Ubushinjacyaha bwagombaga gukusanya ibimenyetso bishinja ndetse n’ibishinjura Rusesabagina  kuko arizo nshingano z’abagenzacyaha, ariko ibyo ntibyakozwe. Nyamara  inyandiko y’iperereza igaragaza gusa ku bimenyetso bishinja Rusesabagina. Ibimenyetso by’ibyaha bishinjwa Rusesabagina bikaba bigizwe gusa ni amashusho, ibiganiro  biri muri telefoni ye n’inyandiko yafatanywe; ariko akaba nta kimenyetso na kimwe kimushinjura cyagaragajwe n’ubushinjacyaha!

4.Rusesabagina afite uburwayi burimo umuvuduko w’amaraso, akaba yarakurikiranwaga n’ibitaro byitiriwe St Luc mu Bubiligi. Akaba akwiye gufungurwa by’agateganyo, akavurwa n’umuganga yihitiyemo cyane ko no muri gereza harimo ikibazo cya Covid-19 gituma adashobora gusurwa. Gashabana yatanze urugero rw’uko Hissène Habré wahoze ari Perezida wa Tchad wafunguwe akajya hanze kubera Covid-19 kandi yarakatiwe n’inkiko.

Ubushinjacyaha bwa Kigali bwagerageje kwisobanura ari nako burushaho kwishinja icyaha cyo kwica amategeko! Ubushinjacyaha bwahakanye ugushimutwa kuvugwa na Rusesabagina, buvuga ko yafatiwe i Kigali kandi ko ari we wizanye. Gusa ubushinjacyaha ntibwatanze ibisobanuro bigaragaza uburyo Rusesabagina yageze i Kigali! Ese bwashimuse indege yari arimo? Byagenze gute kugirango Rusesabagina agere i Kigali? Urujijo ruracyari rwinshi kuri ibi bibazo!

Ubushinjacyaha bwongeye kwivuguruza , buvugako Rusesabagina yafunzwe ku wa 28 Kanama aho kuba ku wa 27 Kanama. Ubushinjacyaha buvugako Rusesabagina yivugiye mu itangazamakuru ko ariwe wizanye mu Rwanda! Ubu noneho ubushinjacyaha bugomba kumva ibyo Rusesabagina yivugira ubwe ari mu rukiko ko yashimuswe akagezwa mu Rwanda aboshye amaboko n’amaguru, itangazamakuru rishobora kwivugira uko rishatse. Ubushinjacyaha bwanavuze ko impamvu yo kutunganirwa mu bugenzacyaha kwa Rusesabagina  nayo nta shingiro ifite, kuko mu ibazwa ryo ku wa 31 Kanama, Rusesabagina yemeye gusubiza ibyo abazwa! None se wafashwe n’ibyihebe nk’inkotanyi wakanga gusubiza ibyo bikubaza kandi uba urimo ukorerwa iyicarubozo?

Ku bijyanye n’ibimenyetso, Umushinjacyaha yavuze ko icyagendeweho bajya gusaba ko Rusesabagina afungwa atari ibimenyetso, ahubwo ari impamvu zikomeye, (izo mpamvu ntizivugwa kandi nazo zigomba kugira ibimenyetso) bityo ibimenyetso bimushinjura bikaba bigomba kuzarebwa mu gihe urubanza ruzaba ruburanwa mu mizi yarwo kuko ubu ntabyo bafite! Biragaragara ko Me Gatera Gashabana yaburanye urubanza rwa Rusesabagina akagaragaza ibintu byose byirengagizwa mu ishimutwa rye ! Nubwo inkotanyi zakwirengagiza ukuri Gashabana azaba yakuvuze kandi kwanditse, ubutabera bukazatangirwa ahandi!

Veritasinfo

Veritas

2 Comments

  1. Ibyiza “FPR INYENZI INKOTANYI zavanye mu gihugu cy’ ” BUSAGYA” , ni: KWICA, KWIBA, KUROGA, UBUSAMBANYI ndenga kamere, no KUBESHYA. ” Nibyo twabonye bavanye mu “BUGANDA nako mu BUSAGYA”. kwa “Papa wabo “KAGUTA Yoweri M7”.

  2. Nta rubanza FPR ishobora gutsinda mu nkiko zindi zitari ziriya kangoroo tribunal aho nta séparation de pouvoir:Exécutif, judiciaire,Legislatif ndetse na presse byose bivangitiranye. Byonyine Rusesabagina yageze i Kigali ate?

Leave a Reply