Perezida w’Uburundi Petero Nkurunziza yitabye Imana ku buryo butunguranye!

Perezida Petero Nkurunziza yitabye Imana

Leta y’Uburundi iratangaza ko kuri uyu wa mbere taliki ya 8/06/2020 Perezida w’Uburundi ucyuye igihe Nyiricyubahiro Petero Nkurunziza yitabye Imana azize indwara y’umutima. Perezida Nkurunziza akaba yitabye Imana ari mu bitaro bya Karuzi.

Mu ijoro ryo kuwa gatandatu rishyira ku cyumweru nibwo Perezida Nkurunziza yumvise atameze neza mu mubiri we ahita yihutira kujya mu bitaro bya Karuzi kugirango yivuze. Nk’uko itangazo ryashyizwe ahagaragara rikomeza ribivuga, ku cyumweru Nkurunziza yari atangiye koroherwa ariko ku buryo butunguranye mu gitondo cyo kuwa mbere taliki ya 8/06/2020 umutima we wahise uhagarara , yitaba Imana mu masaha ya nyuma ya saa sita.

Abaganga batandukanye muri ibyo bitaro bya Karuzi bakoze ibishoboka byose ngo barengere ubuzima bwa perezida Nkurunziza birananirana.  Dukomeje kubakurikiranira amakuru kuri iyi nkuru ibabaje cyane y’urupfu rwa perezida Pierre Nkurunziza.

Imana imwakire mubayo kandi ikomeze kwihanganisha abarundi bose ndetse n’umuryango we ku buryo bw’umwihariko.

Veritasinfo

S’abonner
Notifier de
guest
0 Commentaires
Inline Feedbacks
View all comments