RDC: Ese aho ibihugu byose byo mu karere k’ibiyaga bigari ntibyaba bigiye guhuriza hamwe imbaraga zo kurwanya M23 n’u Rwanda?

Félix Tshisekedi wa RDC yabonanye na Sassou Nguesso wa Congo Brazza

Kuri uyu wa mbere taliki ya 06/06/2022, imirwano ikomeye ihanganishije ibyihebe byo mu mutwe wa M23 n’ingabo za Congo FARDC yongeye kubura muri Kivu y’Amajyaruguru. Mu masaha ya saa cyenda n’igice za mu gitondo, umuvugizi w’ibyihebe bya M23 yavuze ko ingabo za Congo FARDC aribwo zatangiye kugaba ibitero bikomeye mu birindiro byazo biri  i Jomba mu karere ka Rutshuru. 

Hari hashije icyumweru ingabo za Congo FARDC zirukanye ibyo byihebe bya M23 muri teritwari ya Rutshuru na Nyiragongo maze bihungira mu turere twegereye umupaka w’u Rwanda na Congo. Nk’uko bitangazwa na BBC, umuvugizi w’ingabo za Congo FARDC « Colonel Ndjike Guillaume Kaiko« , yatangaje ko ibyihebe bya M23 aribyo byagabye ibitero ku ngabo za Congo FARDC ziri mu karere ka Shangi. Mu masaha ya nyuma ya saa sita, ibinyamakuru byinshi byo muri Congo byashyize ahagaragara ubutumwa bw’umuvugizi w’ingabo za Congo FARDC wemezaga ko izo ngabo zirukanye ibyihebe bya M23 i Shangi bigahungira mu kirunga cya Mikeno.

Ejo ku cyumweru, Perezida wa Congo Antoine Félix Tshisekedi yagiriye urugendo mu gihugu cy’abaturanyi cya Congo Brazza aho yabonanye n’umukuru w’icyo gihugu « Bwana Denis Sassou Nguesso« ; muri urwo rugendo Tshisekedi yavuze ku mugaragaro ko u Rwanda rutera inkunga igaragara umutwe w’iterabwoba wa M23 mu kugaba ibitero ku ngabo za Congo FARDC muri Kivu y’amajyaruguru! Tshisekedi yagize ati: « Mbona dukwiye kubaka ibiraro aho kubaka inkunta. Ariko noneho nimurebe aho turi, ntabwo ibihugu by’abaturanyi bacu bigomba kwibeshyako ubushake dufite bwo gushaka amahoro bigomba kubaha uburyo bwo kuza kudushotora. Ndizerako u Rwanda rwahawe isomo; kuko biragaragara neza nta gushidikikanya ko muri iki gihe u Rwanda ruha inkunga igaragara M23 yo kuza kugaba ibitero mu gihugu cyacu cya RDC ».

Leta ya Kigali ikomeje gushinjwa n’amahanga guha inkunga ibyihebe bya M23 mu guhungabanya umutekano wa Congo; Umuryango wa bibumbye ONU ubinyujije ku muvugizi w’ingabo zawo ziri muri Congo Monusco, uwuga ko ibyihebe bya M23 bigomba gushyira intwaro hasi nta kindi bisabye kandi ko ingabo zawo zizakomeza guha inkunga ishoboka yose ingabo za Congo mu kurwanya M23. Ingabo z’igihugu cya Uganda UPDF nazo zivugako zigomba kwifatanya na FARDC mu kurwanya imitwe yose yitwaje intwaro ihungabanya umutekano w’icyo gihugu! Uretse ONU na Uganda, muri Congo hari ingabo za Kenya, Tanzaniya, Afurika y’epfo, Ubufaransa ndetse n’Uburundi kandi izo ngabo zose zikaba zariyemeje gufasha Congo kugarura umutekano mu gice cy’Uburasirazuba bwayo! U Rwanda na M23 se bizatinyuka guhangana n’izi ngabo zose? 

Gén.Muhoozi Kainerugaba aherutse kuvugako Uganda izifatanya n’u Rwanda bakajya kurwanya FDLR muri Congo mucyo bise « opération Rudahigwa »; nyuma yo kuvuga ibyo, uwo Muhoozi yaje kwivuguruza,avuga ko ibyo yatangaje yibeshye , ko ingabo za Uganda zigomba gufatanya na FARDC nk’uko yabibwiwe na se  Museveni! Leta ya Kigali nayo yakomeje gutanga impamvu z’uko ONU na Congo bafatanyije na FDLR mu kurwanya ibyihebe bya M23; ariko Congo ivuga ko FDLR yatsinzwe cyera, akaba nta kibazo iteye u Rwanda cyangwa Congo! Umusesenguzi kuri iki kibazo Prof. Charles Kambanda yabisobanuye neza mu kiganiro yagiranye na Serge kuri radio Itahuka! Kambanda asanga iyo Kagame ari kuvuga ko agiye kurwanya FDLR ,amahanga amufata nk’umuntu uri gutera izasabwe za karahanyuze!

Munsi y’iyi foto ni mwumve neza uko prof. Charles Kambanda agaragaza ibibazo Kagame n’inkotanyi bafite muri Congo kubera M23! Ese aho akarere kose ntikaba kagiye guhuza imbaraga mu kugaba igitero ku Rwanda?

Veritasinfo