RDC: Ese ni ukuri ko Amerika (USA) igiye kohereza abasilikare bayo 10000 mu burasirazuba bwa Congo?

14 octobre 2020 Veritas Kinyarwanda 40

Abanyeshuri b'abasilikare ba Congo i Kinshasa bari kumwe n'abarimu babo b'abanyamerika.

Kuwa kabiri taliki ya 6/10/2020 Ambasaderi Kelly Craft uhagarariye igihugu cya Leta Zunze Ubumwe z’Amerika mu muryango w’Abibumbye ONU, yavugiye ijambo imbere y’akanama gashinzwe amahoro ku isi akoresheje uburyo bw’ikoranabuhanga mu itumanaho (visioconférence). Muri iryo jambo, Craft yavuko umutwe udasanzwe w’ingabo za ONU uri muri Congo FIB (Force de Brigade d’Intervention) ugiye kongererwa ubushobozi kugirango ushobore kurwanya imitwe yose yitwaje intwaro iri mu burasirazuba bwa Congo. Nyuma y’iryo jambo, imbuga nkoranyambaga zavuze ko Amerika (USA) igiye kohereza abasilikare bayo bagera ku bihumbi 10 mu burasirazuba bwa repubulika iharanira demokarasi ya Congo. Ese iyo nkuru ni ukuri?

Kuri facebook, uwitwa David Beylard, yanditse inkuru igira iti: » (…) Umuryango w’abibumbye uritegura gushyiraho undi mutwe mushya ugomba gutabara aho rukomeye ugizwe n’abasilikare ibihumbi 10; uwo mutwe mushya ukaba ugomba gutera ingabo mu bitugu umutwe udasanzwe w’ingabo za Loni MONUSCO (FIB) mu kugarura umutekano mu gice cy’uburasirazuba bwa Congo, uhereye mu karere ka Ituri, Kivu y’amajyaruguru na Kivu y’amajyepfo. uwo mutwe mushya ukaba ugomba kuba warangije gushyirwaho muri iki gihembwe cya nyuma y’umwaka w’2020 nk’uko byemejwe n’uhagarariye Leta zunze Ubumwe z’Amerika mu muryango w’Abibumbye (…)« .

Iyo nkuru y’uko Amerika igiye kohereza abasilikare ibihumbi 10 mu burasirazuba bwa Congo yatumye abantu benshi bagira amatsiko yo kumenya niba iyo nkuru ari ukuri koko! Amakuru « veritasinfo » ikensha ibinyamakuru binyuranye bikurikirana politiki yo mu gihugu cya Congo kimwe n’amakuru atangwa n’abakozi bakora muri ambasade zinyuranye ziri i kinshasa yemeza ko iyo nkuru y’uko Amerika (USA) igiye kohereza abasilikare bayo ibihumbi 10 mu burasirazuba bwa Congo ari ikinyoma! Umuvugizi wa MONUSCO muri Congo Mathias Gilmann yabwiye itangazamakuru ko iyo nkuru atariyo , yagize ati:

« Ayo makuru ni ibihuha ndetse akaba n’ikinyoma gikomeye cyane, nimushobora kubibaza abahagarariye Amerika mu bihugu binyuranye, barabasobanurira kuburyo busobanutse neza icyo ijambo Uhagarariye Amerika mu muryango w’abibumbye yagejeje ku kanama gashinzwe amahoro ku isi risobanura. Birumvikana neza ko Amerika ititeguye kohereza abasilikare bayo muri Congo bagera ku bihumbi 10. Iyo nkuru ikaba yatangajwe n’abantu batifuriza ineza  Amerika ».

Ambasaderi w’Amerika muri ONU yavuze ko Leta y’Amerika (USA) izatanga inkunga ya gisilikare mukongerera ubushobozi FIB ;aho biteganyijwe ko izongerwamo imitwe 3 y’abasilikare bashya ariko ntibisobanuye ko abo basilikare bazongerwamo ari abanyamerika kandi nta n’amakuru yemeza ko abo basilikare bashya bazongerwamo bazaba bageze ku mubare w’ibihumbi 10.

Veritasinfo

40 Comments

  38. Abanyamerika nibohereze aka 25000 solders in Congo bace imihanda muli congo region cagier ogre amahoro kandi bazahamare imyaka 100 , naba congomani barunguruke kumajyambere !!
    Aliko bagombye kuza urwanda rumaze gusubiramo ikibazo cyimipaka abadage

    Répondre

  39. Dans la république bananière bannyahe dont le président Kagonyori bagorihamba ibintu bigeze mu rwenya gusa gusa!! URUMOGI rubaye imari ishyushye. Uwapfuye yarihuse atabonye imiyoborere myiza y’intore.

    Répondre

  40. Bajye bakora ibyo bashaka byose, ariko bagire umutima wa kimuntu.

    Le Hutu, qu’est-ce qu’il a fait contre les intérêts des USA? Est-il une menace contre les intérêts américains dans la région?

    Barabisoma ndabizi.

    C’est tout de même incroyable!!!

    Répondre

Poster un Commentaire

Votre adresse de messagerie ne sera pas publiée.