RDC: FARDC yashoboye guhagarika igitero cya mbere cya « Opération Rudahigwa » i Bunagana! Ingabo z’u Rwanda n’iza Uganda zafatiwe muri M23!

Ingabo za Congo FARDC zirerekana ku ikarita ibihugu ibyihebe bya M23 bitera Congo biturutsemo

Iryavuzwe na Gén.Muhoozi Kainerugaba umuhungu wa Museveni, riratashye! Kuri iki cyumweru taliki ya 12/06/2022, umutwe w’ibyihebe wa M23 ugizwe n’ingabo z’u Rwanda RDF n’iza Uganda UPDF wagabye igitero gikomeye ku birindiro by’ingabo za Congo FARDC biri i Bunagana, ku mupaka uhuza icyo gihugu na Uganda. Kuri iki cyumweru, imirwano yatangiye saa kumi n’imwe za mu gitondo ihagarara saa kumi n’ebyiri z’umugoroba! Nubwo ingabo za Congo FARDC zagabweho igitero ku buryo butunguranye zashoboye gusubiza inyuma ibyihebe bya M23 ndetse zifata n’abasilikare b’u Rwanda RDF n’aba Uganda UPDF,  bari mu mirwano ku ruhande rw’ibyihebe bya M23!

Amakuru « Veritasinfo » ikura muri bamwe mu bayobozi ba Uganda, yemeza ko igitero ibyihebe bya M23 byagabye ku ngabo za Congo FARDC cyaturutse muri Uganda. « Veritasinfo » ifite amakuru yizewe yemeza ko ku mugoroba wo kuwa gatandatu taliki ya 11/06/2022 habaye inama yabereye mu nkengero z’umujyi wa Kisoro muri Uganda; iyo nama ikaba yari iyo gutegura igitero ku ngabo za Congo ziri i Bunagana. Iyo nama yari irimo bamwe mu bakuru b’ingabo za Uganda UPDF, abasilika b’u Rwanda RDF n’umukuru w’ibyihebe bya M23  Makenga. Iyo nama ikimara gutangira  amatara yarazimijwe mu mujyi wa Kisoro kugirango abasilikare benshi b’u Rwanda n’aba Uganda bashobore kwikusanyiriza hamwe muri uwo mujyi abaturage batababonye. 

Inama y’i Kisoro yarangiye hemejwe ko « opération Rudahingwa » yo gushyiraho ubwami bw’Abahima n’Abatutsi mu karere k’ibiyaga bigari itangiye nk’uko yavuzwe na Muhoozi (Empire Hima-Tutsi), nyuma yo gufata u Rwanda , ubu igice cy’uburasirazuba bwa Congo (RDC) nicyo kigiye gukurikiraho! Kugirango ingabo za Congo ziri i Bunagana zitungurwe,  izo ngabo zari i Kisoro zibumbiye mu mutwe w’ibyihebe wa M23 (RDF+UPDF), zagabye igitero zinyuze ahitwa Mukibaya ku mupaka uhuza Congo na Uganda, kure cyane y’umupaka w’u Rwanda na Congo. Kuri iki cyumweru mu rukerera, nibwo ingabo za Congo FARDC zatunguwe n’icyo gitero cy’ibyihebe bya M23 kuko zitatekerezaga ko ibyo byihebe bishobora kugaba ibitero biturutse muri Uganda binyuze Mukibaya ku mupaka wa Uganda na Congo!

Byabaye ngombwa ko ingabo za Congo FARDC ziva mu birindiro byazo biri i Bunagana, zisubira inyuma maze zirisuganya zigota ibyihebe bya M23 byari bimaze kugera mu mujyi wa Bunagana hagati. Bitewe n’uko FPR-Inkotanyi ariyo yihinduye ibyihebe bya M23, akaba ariyo igaba ibitero kuri Congo, amakuru yose y’ibitero by’uwo mutwe w’iterabwoba atangazwa bwa mbere na Kigali  kuko aba ariyo iba yabiteguye mu gihe n’abacongomani ubwabo baba bataramenya ayo makuru! Nko mu gitero cy’uyu munsi, intore Albert Rudatsimburwa, niyo yatangaje ko ibyihebe bya RDF/M23 byigaruriye Bunagana ndetse yerekana n’amashusho ibyo byihebe byamugezagaho.

Ntabwo ibyihebe bya RDF/M23 byatinze muri Bunagana kuko ingabo za Congo FARDC zagarukanye imbaraga nyinshi zirukana ibyo byihebe muri Bunagana. Ibyo byihebe byatakaje abarwanyi benshi,abindi barafatwa. Ikintu cyaje gutangaza ingabo za Congo FARDC, ni uko muri ibyo byihebe byafashwe harimo abasilikare ba Uganda UPDF n’ab’u Rwanda RDF, ibi bikaba bishimangira imvugo ya Gén.Muhoozi Kainerugaba, umugaba mukuru w’ingabo zirwanira ku butaka za Uganda wavuze ko Uganda n’u Rwanda bizafatanya mu kurwanya ingabo za Congo FARDC ngo kuko zifatanyije na FDLR (Abahutu) , ibyo bigakorwa mucyo bise opération Rudahigwa! Nyuma yo gutsindwa i Bunagana kuri iki cyumweru taliki ya 12/06/2022, ibyihebe byo  muri M23/RDF/UPDF byongeye kwikusanyiriza mu mujyi wa Kisoro (Uganda), amatara y’uwo mujyi akaba yongeye kuzimywa kugirango abandi basilikare b’u Rwanda na Uganda bakomeze kwikusanyiriza muri uwo mujyi kuko ubu batangije ikindi gitero ku ngabo za Congo FARDC  hafi y’umujyi wa Bunagana, imirwano ikaba iri kubera ahitwa « Kavange« .

Ibyo bitero byose u Rwanda na Uganda biri kugaba ku ngabo za Congo FARDC  mu izina ry’ibyihebe bya M23, bikaba bigamije guca intege ingabo za Congo FARDC, kugirango Leta y’icyo gihugu yemere ku ngufu kugirana ibiganiro n’ibyihebe bya M23 . Ibyo byihebe birashaka  kongera kwinjizwa mu ngabo za Congo FARDC kuko ibyarimo (M23) bikomeje kuvamo kubera ubusaza n’izindi mpamvu zinyuranye. Uganda n’u Rwanda kandi birashaka gutegeka Tshisekedi kwemera ko ibyo bihugu byombi byigabanya intara ya Kivu mu izina rya M23 kugirango bikomeze gusahura umutungo kamere w’icyo gihugu! Mu biganiro umuhungu wa Museveni Kainerugaba aherutse kugirana na Kenyatta perezida wa Kenya yabisobanuye neza nk’uko yabitangaje ku rukuta rwe rwa twitter, yagize ati :

« Ndashaka kubumvisha ko igitekerezo cyo gushaka kumena amaraso y’Abahima n’Abatutsi bari mu burasirazuba bwa RDC ari kibi cyane. Twebwe (Abahima n’Abatutsi) ntabwo tujya twibagirwa kandi nta n’ubwo tugira imbabazi. Uburyo bumwe bafite (Abacongomani) bwo gusohoka muri ibi bibazo ni ukugirana ibiganiro (n’ibyihebe bya M23) bigendeye ku byifuzo numvikanyeho na Perezida Kenyatta »!

Iyi ntambara yo kurwanira ubwoko bw’Abahimana n’Abatutsi yazanywe na Kagame na Museveni ku Rwanda guhera mu 1990 none umuhungu we Muhoozi akaba ayishyize no mu karere kose. Iyi ntambara yatumye abaturage bose baturiye akarere k’ibiyaga bigari bahaguruka! Mu myigaragambyo yabereye mu Bubiligi, Bwana Faustin Twagiramungu wabaye ministre w’intebe mu rwanda (1994-1995) yamaganye imyitwarire mibi ya Kagame ufatanya n’abazungu b’ibisambo mu kwica abaturage baturiye akarere k’ibiyaga bigari no gusahura umutungo kamere wa Congo. Mu Burundi naho habaye imyigaragambyo yo kwamagana iyi ntambara y’ubwoko bw’Abahima n’Abatutsi iyobowe na Kagame na Muhoozi. Abatutsi n’Abanyamulenge bo muri Congo bamaganye Muhoozi na Kagame babashora mu ntambara zo kubicisha no kubateranya n’andi moko aturiye icyo gihugu!

Museveni na Kagame bakoresheje iturufu y’ubwoko bituma bigarurira u Rwanda ku ruhembe rw’umuheto hamaze kumeneka amaraso menshi none barabona iyo turufu y’ubwoko bashobora kuyikoresha no muri Congo kugirango bigarurire icyo gihugu, nibamara kugifata bazakurikizaho Uburundi noneho baheruke Tanzaniya! Umenya ariko ubu bwami bwa Hima -Tutsi buzagerwaho hasigaye Abatutsi mbarwa niba badahagurutse ngo bamagane Muhoozi na nyirarume Kagame!

Iyi ntambara ya Congo irareba abaturage bose b’akarere k’ibiyaga bigari kuko byanze bikunze ingaruka yazo zizabageraho bose !

Veritasinfo