RDC : FCC irahamagarira ONU gutangiza ibiganiro bihuza abanyarwanda n’abagande

Imyigaragambyo ya FCC mu mujyi wa Butembo

Abacongomani bibumbiye mu mutwe wa politiki witwa FCC (Front Commun pour le Congo) bo mu ntara ya Kivu y’amajyaruguru mu mujyi wa Butembo, baratakambira Umuryango w’Abibumbye ONU ko ugomba gutangiza ibiganiro bya politiki mu bihugu by’u Rwanda na Uganda bisangiye umupaka na Congo ; ibyo biganiro bikaba bigomba guhuza Leta  y’u Rwanda n’abanyarwanda batavuga rumwe nayo kimwe n’ibiganiro bigomba guhuza leta  ya Uganda n’abagande batavuga rumwe nayo.

Ubusabe bw’abo bacongomani babushyize mu nyandiko yashyikirijwe abayobozi b’umujyi wa Butembo nyuma y’imyigaragambyo yo gushyigikira inzego z’ubuyobozi bw’igihugu cya Congo ndetse no gushimangira demokarasi muri icyo gihugu. Muri iyo nyandiko, abayoboke ba FCC bavuga ko ibiganiro bya politike basaba Umuryango w’Abibumbye gutangiza mu gihugu cy’u Rwanda na Uganda byafasha gukuraho urwicyekwe ndetse n’urwitwazo bituma igihugu cy’u Rwanda na Uganda bihora bikurura ubushotoranyi n’intambara z’urudaca ku gihugu cya Congo.

Bwana Philémon Matumo, umwe mu bayobozi ba FCC i Butembo yagize ati: «Turatakambira umuryango w’Abibumbye ONU gutegura ibiganiro bya politiki bihuza abanyarwanda kimwe n’ibiganiro bihuza abagande nk’uko uwo muryango wabikoze ku gihugu cya Congo, kugirango hakurweho burundu impamvu zose zigirwa urwitwazo rwo gushotora no guhungabanya umutekano w’igihugu cyacu ».

FCC y’i Butembo yibutsa abayobozi bakuru b’igihugu cya Congo ko bagomba gushyira imbaraga nyinshi mu gikorwa cyo guhagarika ubwicanyi bukomeje gukorwa mu karere ka Beni. Abayoboke ba FCC i Butembo bakaba baragaragaje ko abaturage ba Kivu basaba uburenganzira bwabo bwo kubaho mu mahoro n’umutekano bisesuye kugirango babone uko nabo bahagurukira gukora ibikorwa by’amajyambere . Bwana Philémon Matumo yagize ati :

« Tuzi neza ko ubutaka bwacu ndetse n’ubukungu bw’amabuye y’agaciro bubitse aribyo bikurura barusahuriramunduru, niyo mpamvu FCC yo mu mujyi wa Butembo duhamagarira amasosiyeti mpuzamahanga kimwe n’ibihugu byakataje muri demokarasi gushyigikira no gukorana na leta  ya Congo niba koko bashaka kugira icyo babona ku bukungu bw’igihugu cyacu binyuze mu nzira nyayo aho kunyura ku bihugu bifite umugambi wo gushanyaguza Congo no kuyikururaho ubushotoranyi bw’intambara zidashira ».

Source : radaio Okapi

S’abonner
Notifier de
guest
3 Commentaires
Oldest
Newest Most Voted
Inline Feedbacks
View all comments
CESAR
CESAR
28 juillet 2020 23 h 20 min

In y’a aucun problème entre les Rwandais et les Ougandais mais entre le maître et l’élève, à savoir entre Museveni et Kagame. Celui-ci est une pure création du premier mais ce dernier entend s’autonomiser et il lui fait savoir.

CESAR
CESAR
28 juillet 2020 23 h 25 min

Kagame n’est Président des Rwandais que sur le papier. En fait, il est employé de la mafia internationale ou les multinationales anglo-saxonnes à qui il a cédé le Rwanda. Les Rwandais sont les obligés de Kagame et ce, par le jeu de terreur.

Mwepesi
Mwepesi
29 juillet 2020 23 h 11 min

Ese ibiganiro mushaka ni byifuzo byo kubahanaguraho ibyaha bya genocide mwasize mukoze, ko tuziko uwitwa umwere wese yiturije mu Mahoro my rwanda