RDC: Kubera iki abaturage ba Beni bashyigikiye iyoherezwa ry’ingabo za Uganda UPDF mu gihugu cyabo?

Nyuma y’ibyumweru bibiri ingabo za Uganda UPDF zinjiye muri Congo kurwanya umutwe w’ibyihebe w’ADF,  igisilikare cy’ibihugu byombi cyashyizeho ubuyobozi bumwe bw’ingabo buhuriweho na Uganda na Congo mu kurwanya ibyihebe muri Ituri na Beni kimwe na Kivu y’amajyaruguru. Bitewe n’ubwicanyi ndetse n’ubuhunzi byibasiye abaturage ba Congo batuye mu burasirazuba bw’icyo gihugu baterwa n’umutwe w’ADF, abenshi mu baturage b’abakongomani bari mu burasirazuba bwa Congo bashyigikiye igikorwa cy’ingabo  za Uganda UPDF kuko babona zifite ubushobozi bwo kugarura umutekano mu gace batuyemo.

Abakongomani benshi batuye mu burasirazuba bwa Congo basanga ingabo za Uganda zishishikajwe cyane no kugarura umutekano mu burasirazuba bwa Congo kugirango ibikorwa byo guhahirana hagati y’ibihugu byombi mu mutekano bitere imbere. Uretse abasilikare Uganda yohereje muri Congo, yoherejeyo n’amasosiyete yo kubaka imihanda igomba guhuza imijyi ikomeye yo mu burasirazuba bwa Congo n’igihugu cya Uganda!  Abo bakongomani ntabwo bifuza ko ingabo z’u Rwanda zikandagiza ikirenge ku butaka bw igihugu cyabo kuko izo ngabo zirangwa n’ibikorwa by’ubwicanyi bw’impunzi z’abanyarwanda ziri muri icyo gice ndetse zikica n’abakongomani bo mu bwoko bw’Abahutu (génocide),  zibahora gushyigikira impunzi z’Abanyarwanda bahuje ubwoko!

Icyo kibazo cy’uko abaturage b’abakongomani bashyigikiye ingabo za Uganda gihangayikishije leta  y’abicanyi ba FPR iri i Kigali kuko Kagame abona ingabo za Uganda zigiye guha ingufu abaturage b’Abakongomani bo mu bwoko bw’Abahutu bafitanye ubushuti bukomeye n’impunzi z’Abahutu b’Abanyarwanda bahungiye muri Congo. Ukurikije iyi mitekerereze ya Kigali, urasanga yo yifuza kujya muri Congo kugirango irimbure impunzi zo mu bwoko bw’Abahutu b’Abanyarwanda zidasize n’inshuti zabo z’Abahutu bo muri Congo, muri macye Kagame n’Inkotanyi barashaka gukomeza génocide y’Abahutu muri Congo!

Ese Kagame yiteguye kugaba igitero muri Congo kugirango yirukaneyo ingabo za Uganda zishyigikiye Abahutu baho nk’uko babivuga? Ni ukubitega amaso. Mu gihe Uganda itekereza iterambere ry’abaturage b’akarere k’ibiyaga bigari, Kagame na Inkotanyi bo barimo batekereza icyarimbura ubwoko bw’Abahutu (génocide) mu karere k’ibiyaga bigari !

Veritasinfo.

24 Comments

Les commentaires sont fermés.