RDC: ONU iremeza ko Sendugu Museveni yashinze umutwe mushya w’inyeshyamba muri Kivu y’amajyaruguru. (update)

Sendugu Museveni washinze umutwe wa PPH, aha akaba yarari i Kampala nyuma yo gutsindwa kwa M23 mu mwaka w'2013

Amakuru atangwa n’ingabo za Loni  Monusco ziri mu gihugu cya  Repubulika iharanira Demokarasi ya Congo,  aremeza ko mu  burasirazuba bw’icyo gihugu mu ntara ya Kivu y’amajyaruguru,  havutse umutwe mushya witwaje intwaro witwa PPH ( Protection du Peuple Hutus). Uwo mutwe ukaba ufitse inshingano zo kurengera abaturage bo mu bwoko bw’abahutu b’abacogomani n’impunzi z’abanyarwanda zahungiye muri icyo gihugu.

Uwo mutwe mushya wa PPH ukaba warashinzwe na Sendugu Museveni kandi akaba ari nawe muyobozi wawo. Bwana Sendugu Museveni yari umurwanyi w’umutwe wa M23 ariko nyuma akaba yaraje kwirukanwa muri uwo mutwe. Umutwe wa PPH uri mu karere ka Rutshuru na Masisi kandi ukaba ugizwe ahanini n’abarwanyi bava mu mitwe inyuranye nka FDLR -FOCA, RUD na MAÏ MAÏ NYATURA.

Umutwe mushya wa PPH ufite inshingano zo kurengera abahutu b’abacongomani n’impunzi z’abanyarwanda zahungiye muri icyo gihugu nk’uko bitangazwa n’urubuga rw’abacongomani rwa “rcongonews.com“. Abacongomani bo mu bwoko bw’abahutu n’impunzi z’abanyarwanda bakaba bamaze imyaka irenga  24 bicwa n’ingabo za Paul Kagame RDF zifatanyije n’ingabo za Congo FARDC nazo zigizwe ahanini n’abasilikare ba Kagame, abo bicanyi ba Kagame n’ingabo za Congo bakaba bakingirwa ikibaba n’ingabo za Monusco (ONU) ziri muri Congo kandi zibeshya ko zaje kurengera abaturage b’icyo gihugu.

Kuba umuryango mpuzamahanga warakomeje kurebera ubwo bwicanyi bw’abaturage akaba ari imwe mu mpamvu itumye abaturage b’abahutu muri Congo nabo bashyiraho umutwe wo kwirengera ubwabo. Sendugu Museveni washinze uwo mutwe wa PPH akaba yarirukanywe mu mutwe wa M23 mu kwezi kwa cumi na kumwe 2013  akaba yari umwe mubayobozi b’uwo mutwe wa M23 ashinzwe ibibazo by’imiyoborere yawo (Secrétaire aux affaires intérieures du M23).

Sendugu Museveni aravuga iki ku makuru yamuvuzweho yo gushinga umutwe witwaje intwaro?

Nyuma y’aho inkuru ikwiriye hose ko Sendugu Museveni yashinze umutwe witwaje intwaro, yahise ajya mu biro bishinzwe umutekano abeshyuza ayo makuru amuvugwaho. Sendugu Museveni yagize ati:

“Guhera kuwa gatandatu ushize, amakuru yakwiriye ku mbuga nkoranyambaga yemeza ko Sendugu Museveni yashinze umutwe witwaje intwaro ushingiye ku bwoko bw’abahutu.  Ayo makuru yandakaje cyane, bitewe n’uko ibyo bihuha byavuzwe ari kuwa gatandatu bikaba byatumye kuri uyu wa mbere nza mu biro bishinzwe umutekano kugirango mbeshyuze ibyo bihuha. Ndabamenyeshako Sendugu Museveni yubaha kandi akurikiza amategeko agenga igihugu cya Congo, kandi uwakwije ayo makuru y’ibihuha kuri radiyo na televiziyo ndamuzi, akaba yarashatse ku ntera urubwa abigambiriye kandi abishaka. Ntabwo nshobora gushinga umutwe w’inyeshyamba ugomba kundwanya ubwanjye, byaba ari nko gutema ishami ry’igiti wicayeho….

Ikibazo gisigaye gusobanurwa ni uko amakuru y’ishingwa ry’uyu mutwe yemezwa n’ingabo za Monusco, hakaba hasigaye kumenyekana niba uwo mutwe wa PPH ubaho koko no kumenya uwuyobora uwo ariwe no kumenya imbaraga zihishe inyuma y’iharabikwa rya Sendugu Museveni mu ishingwa ryawo.  Mu rurimi rw’igifaransa Sendugu Museveni arabeshyuza amakuru yamuvuzweho hasi aha:

Veritasinfo

S’abonner
Notifier de
guest
0 Commentaires
Inline Feedbacks
View all comments