RDC : Paul Kagame yatangiye intambara yo kwigarurira Kivu zombi akoresheje abarwanyi be ba M23!

Abarwanyi ba M23 bageze muri Rutshuru

Mu cyumweru gishize, urwego rwa ONU rukurukira uko igipimo cy’umutekano cyifashe mu burasirazuba bwa Congo, rwavuze ko abahoze ari abarwanyi ba M23 bubuye imirwano. Abo barwanyi bakaba baragabye igitero ku ngabo za Congo FARDC zikambitse muri Kivu y’amajyaruguru mu karere ka Rutshuru, abasilikare ba Congo 3 bakaba baraguye muri icyo gitero naho umusilikare umwe agakomereka. Nyuma y’aho ayo makuru agiriye ahagaragara, umwe  mu bayobozi ba M23 Bwana Bertrand Bisimwa akaba yarahakanye ayo makuru yo kugaba igitero ku ngabo za Congo ; akaba yaravuze ko abarwanyi ba M23 bari mu Rwanda no muri Uganda, ahubwo bakaba bari gusaba leta  ya Kishasa kugirana ibiganiro n’ibyo bihugu abo barwanyi baherereyemo kugirango bashobore gutahuka muri Congo mu mahoro.

Kuri uyu wa Kane taliki ya 23/07/2020, Bwana Bisimwa yahaye itangazamakuru indi nkuru ivuguruza ibyo yavuze mbere yemeza ko abarwanyi ba M23 bari ku butaka bwa Congo mu karere ka Rutshuru. Bertrand Bisimwa yagize ati : « Ni ukuri kw’impamo ngiye kubabwira,abahoze ari abarwanyi bacu bari mu karere ka Rutshuru. Nubwo abo barwanyi bacu bahari ariko nta mugambi numwe bafite wo kurwanya umuntu uwo ariwe wese, ntabwo bashobora kurasa ku bavandimwe babo b’ingabo za Congo FARDC. Abarwanyi bacu bari muri ako karere kuko ari igihugu cyabo kandi bakaba bategereje ko amasezerano y’amahoro yashyizweho umukono ku italiki ya 12/12/2013 i Nairobi ashyirwa mu bikorwa».

Bisimwa avuga ko impamvu amasasu menshi yumvikanye mu karere ka Rutshuru ndetse abaturage bakava mu byabo, byatewe n’amakuru y’ibihuha akwirakwizwa ku mbuga nkoranyambaga aharabika umutwe wa M23 bikaba byaratumye ingabo za Congo FARDC zirasa amasasu menshi mu kirere kugirango zereke abarwanyi bacu ko ziri muri ako karere. Bisimwa yagize ati : «abavandimwe bacu ba FARDC bagomba kwirindi kubeshya abaturage kuko ibyo bishobora gutera urujijo rushobora gukurura akajagari ndetse n’abantu bakaba bahasiga ubuzima».

Bertranda Bisimwa umuyobozi wa M23

Raporo z’impuguke z’umuryango w’abibumbye zo mu mwaka w’2013 zerekanye ko uyu mutwe wa M23 uterwa inkunga ku buryo bukomeye n’u Rwanda, icyo gihugu kikaba aricyo giha imyitozo abarwanyi ba M23, kibaha ibikoresho by’intambara, kikabashakira abarwanyi bashya binjira muri uwo mutwe ndetse kikohereza n’abasilikare bacyo RDF kujya gufasha uwo mutwe mu mirwano.

Bizwi neza ko abarwanyi ba M23 batsinzwe intambara mu mwaka w’2013 bagahungira mu gihugu cy’u Rwanda na Uganda kandi na Bisimwa ubwe yemeje ko barimo gusaba leta ya Kinshasa kugirana ibiganiro n’abayobozi b’ibyo bihugu byombi kugirango abo barwanyi basubizwe mu gihugu cyabo, none se niba binjiye ku mbaraga muri Congo, Kagame ashobora guhakana ko atariwe waboherejeyo? Kagame ashobora kuba yaracunze amakimbirane ari hagati ya Tshisekedi na Kabila ndetse n’akajagari kari i Kinshasa akaba agiye kwigarurira ku mugaragaro intara za Kivu zombi !

Kuba Kagame yongeye kubura imirwano ku mugaragaro, birerekana ko ibyo yabiherewe umugisha na bashebuja ba mpatsibihugu kugirango babone amabuye y’agaciro menshi yo kuziba icyuho cy’ubukungu cyatewe n’icyorezo cya COVID-19

Tubitege amaso.

Veritasinfo.

S’abonner
Notifier de
guest
1 Commentaire
Oldest
Newest Most Voted
Inline Feedbacks
View all comments
CESAR
CESAR
27 juillet 2020 18 h 31 min

Kagame fait toujours ce qu’il dit. Après avoir constaté que la RDC n’a pas de Président digne de ce nom mais un Président pour les cérémonies et les voyages à l’étranger, Kagame entend terminer son projet. Il n’y a personne en RDC pour l’arrêter.