Rwanda : Abanyamategeko bunganira Paul Rusesabagina bagejeje ikirego mu muryango w’Abibumbye wa ONU !

Rusesabagina yerekwa abanyamakuru taliki ya 31/08/2020

Babiri mu banyamategeko bashyizweho n’umuryango wa Paul Rusesabagina ngo bamwunganire bandikiye umuryango w’abubimbye (ONU/UN) basaba ko ukora iperereza ku kibazo cye.

Aba banyamategeko baregeye Dr. Nils Melzer, intumwa idasanzwe ya UN ishinzwe kugenzura iyicarubozo n’ibikorwa by’ubugome, ibitari ibya kimuntu cyangwa gufata nabi no guhana kuburyo bubi, nk’uko bivugwa n’ishyirahamwe Hotel Rwanda Foundation. Aba banyamategeko bavuga ko Rusesabagina “yashimuswe, akabura, akoherezwa mu Rwanda aho afungiye mu buryo butazwi, akaba adasurwa cyangwa ngo avugane n’abe.”

Perezida w’u Rwanda Paul Kagame yavuze ko Bwana Rusesabagina, uregwa ibyaha by’iterabwoba, “ari we ubwe wagize uruhare mu kwizana mu Rwanda kurusha undi uwo ari we wese“. Abo banyamategeko be bavuga ko uwo bunganira yimwe “uburenganzira bwo kwitwa umwere” nk’uko UN isanzwe “isaba abategetsi kwirinda kuvuga amagambo aca urubanza mbere y’iburanisha“.

Bakavuga ko imvugo ya Perezida Paul Kagame imuhamya “kuyobora imitwe y’iterabwoba yishe abantu“, iyo mvugo ikaba ihonyanga uburenganzira bw’uregwa bwo kwitwa umwere mu gihe atarahamwa n’icyaha. Rusesabagina ni umukuru wungirije w’ihuriro ry’amashyaka ya politiki atavuga rumwe na leta MRCD-Ubumwe, rifite umutwe wa gisirikare wa FLN wigambye ibitero ku butaka bw’u Rwanda mu 2018, ibitero byaguyemo abantu.

Mu nyandiko yasinyweho n’abanyamategeko Jared Genser na Brian Tronic bo muri Amerika bari muri barindwi bashyizweho kunganira Bwana Rusesabagina, bavuga ko kuva tariki 31 z’ukwezi gushize kwa munani yerekwa abanyamakuru “leta y’u Rwanda nta kimenyetso irerekana ko akiriho“. Bemeza ko umugore wa Rusesabagina yahamagaye stasiyo ya polisi ya Remera aho afungiye asaba ko bamumuha bakavugana, bakamwangira, ndetse ko abahagarariye leta y’u Bubiligi, igihugu afitiye ubwenegihugu, nabo bangiwe kumusura.

Aba banyamategeko bavuga ko uko yafashwe akagezwa mu Rwanda n’uko afunze nta wumugeraho cyangwa ngo amuvugishe “bimushyize mu kaga k’iyicarubozo n’ubugome, gufatwa nabi no guhanwa mu buryo bubi“. Aba banyamategeko bagaragaza ibimenyetso bavuga ko Bwana Rusesabagina yazanwe mu Rwanda n’indege bwite isanzwe ikoreshwa na leta y’u Rwanda, bityo atazanywe ku bushake bwe. Mu kiganiro kuri Televiziyo y’u Rwanda ku cyumweru, Bwana Kagame yavuze ko uko Rusesabagina yazanywe ari nko “guha umuntu amakuru y’ibyo asanzwe yizeye ashaka, akisanga yageze aha”. Aba banyamategeko, bo banditse ko mu ifatwa rye, Rusesabagina “yashimuswe akaburirwa irengero” mu gihe cy’iminsi mu buryo bumwambuye uburenganzira bwe.

Kanda kuri iyi nteruro isome iyi nkuru yose ku rubuga rwa BBC

Hasi aha mu rumva ikiganiro cya radiyo Ubumwe gisesengura ku buryo burambuye ishimutwa rya Rusesabagina.

S’abonner
Notifier de
guest
1 Commentaire
le plus ancien
le plus récent le plus populaire
Inline Feedbacks
View all comments
kalisa
kalisa
9 septembre 2020 9 h 29 min

Aho bucyera Kagame arabisasira dore na Ndereyehe Charles abaholandi bamufashe. Harya bafite iyihe mitungo mu karere.Kubaka gereza no kugemura ba Mugimba J .B. Muzarebe niba nta za multinationales zabo zirimo kwiba muri RDC.