Rwanda : Abunganizi ba Paul Rusesabagina bakomeje gutitiza inkotanyi kugeza aho zijya mu bwihisho nka Paul Kagame!

[Ndlr : Gushimuta Paul Rusesabagina byoroheye inkotanyi cyane ndetse ziranabyigamba, ibyo zikaba zarabikoze nk’uko zigambye ihanurwa ry’indege ya perezida Habyarimana Juvénal, ariko kwirengera ingaruka z’icyaha cyo gushimuta Rusesabagina byateye ubwoba inkotanyi kugeza ubwo abayobozi b’urugaga rw’abavoka mu Rwanda bihisha abanyamategeko bunganira Rusesabagina ! Inkotanyi zizihisha kugeza ryari ?]

Umunyamategeko Vincent Lurquin uvuga ko asanzwe yunganira Paul Rusesabagina mu Bubiligi yavuze ko aheruka mu Rwanda gusaba kubonana no kunganira umukiliya we akabyangirwa. Mu kiganiro n’abanyamakuru kuwa kane, Lurquin yavuze ko Rusesabagina aho afungiye yanditse ibaruwa avuga ko abunganizi ashaka ari Me Gatera Gashabana na Lurquin.

Mu rubanza, Rusesabagina afite abunganizi babiri ubushinjacyaha bw’u Rwanda bwemeje ko ari abo yihitiyemo mu rugaga rw’abavoka mu Rwanda. Mu ntangiriro z’uku kwezi, urukiko rwategetse ko Rusesabagina akomeza gufungwa by’agateganyo iminsi 30 mbere y’urubanza rwe mu mizi. Aregwa ibyaha 13 bishingiye ku bitero byiciwemo abantu byakozwe n’umutwe w’inyeshyamba wa FLN, ibyaha mu rukiko atigeze yemera cyangwa ngo ahakane.

Lurquin yavuze ko yibaza impamvu leta y’u Rwanda itinya ko Rusesabagina yunganirwa mu mategeko n’abunganizi basanzwe bamwunganira. Peter Robinson, Vincent Lurquin na Philippe Larochelle bari mu banyamategeko barindwi bashyizweho n’umuryango wa Rusesabagina bari muri iki kiganiro n’abanyamakuru.

Urubanza rwatangiriye mu Bubiligi

Lurquin avuga ko hashize imyaka ibiri ubucamanza bw’Ububiligi bwiga ku kirego cy’ibyo u Rwanda rurega Rusesabagina – utuye kandi ufite ubwenegihugu bw’Ububiligi . Ati: “Kuva icyo gihe ni njyewe umwunganira, none kuki banga ko mureba aho afungiye kandi n’ibyo mwunganiraho mu Bubiligi ari iki kirego cyatangijwe na leta y’u Rwanda?

Yavuze ko aherukana na Rusesabagina ubwo yabazwaga n’ubugenzacyaha bw’Ububiligi, kandi ko icyo gihe hari n’umushinjacyaha wo mu Rwanda, bakaba baramubazaga  bose ngo nubwo Rusesabagina yanze gusubiza ibibazo by’uwo mu Rwanda. Ati: “Ni ukuvuga ngo, uru ni urubanza rwahereye mu Bubiligi, niyo mpamvu nagiye i Kigali gusaba uburenganzira bwo kumureba aho afungiye no kumwunganira. Twategereje iminsi itandatu ngo urugaga rw’abavoka mu Rwanda ruduhe ubwo burenganzira, ariko bageze aho batwihisha, gusa hagati aho hari ibintu byiza twagezeho…

Ibaruwa ya Rusesabagina muri gereza

Lurquin wafashe umwanya munini muri iki kiganiro yavuze ko ubucamanza bw’u Rwanda bwoherereje ubw’Ububiligi dosiye ya Rusesabagina. Avuga ko nubwo kuri iki cyiciro iyo dosiye iba ari ibanga ry’ubucamanza, yabashije kuyibona ayihawe n’abayohererejwe bo mu Bubiligi. Yavuze kandi ko Me Gatera Gashabana – uri muri barindwi bashyizweho n’umuryango we – yagiye kuri gereza akabonana na Rusesabagina.

Ati: “Yamwandikiye ibaruwa yasinyeho we ubwe, yemeza ko Gatera nanjye Lurquin aribo bunganizi be yemera.” BBC ntiyabashije kugenzura ukuri kw’ibivugwa n’uyu mwunganizi kuri izi ngingo, yagerageje kandi kuvugisha Me Gashabana, kugeza ubu ntibirashoboka.

Nyuma y’ibi?

Philippe Larochelle, yavuze ko bari gusaba ubutegetsi bw’Ububiligi na Amerika gushyira igitutu ku bw’u Rwanda ngo “Rusesabagina yunganirwe n’abo yifuza. Lurquin yavuze ko anenga urugaga rw’abunganizi mu mategeko mu Rwanda, kuba barimye uburenganzira mugenzi wabo wo mu Bubiligi ngo yunganire umukiliya we.

Ati: “Turi kwitegura ngo dusubireyo mu byumweru bibiri turi kumwe na ‘commission rogatoire’ twongere dusabe kubona Rusesabagina no kumwunganira nk’uko abishaka.” Mu by’amategeko ‘Commission rogatoire’ ni igihe abanyamategeko batumwe na leta kuyihagararira basaba cyangwa barega, abanyamategeko bo mu kindi gihugu, igikorwa runaka mu bucamanza. Kugeza ubu ntiharamenyaka igihe urubanza mu mizi rwa Paul Rusesabagina ruzatangirira.

Iyi ni inkuru ya BBC Gahuzamirango

S’abonner
Notifier de
guest
1 Commentaire
le plus ancien
le plus récent le plus populaire
Inline Feedbacks
View all comments
Phil
Phil
17 octobre 2020 3 h 43 min

Izi bannyahe zumva nta soni zifite?:
Evode, Uwizeye Kagonyori, Gov. Gatabazi Jmv, amb.Olivier Nduhungirehe mwene Ngurube wa Gasamunyiga. Bose si ukuyicuranga bayiciye umurya ngo barashima Kagonyori diiii.