Rwanda: Agatsiko ka FPR-Kagame karimo kifashisha Covid-19 mu kurindagiza abasikale ba RDF batagihembwa!

Abanyarwanda bari ku ngoyi ya FPR-Kagame bamenyereye imvugo igira iti: “Intore ntiganya ahubwo ishaka ibisubizo”! Mu byukuri iyo mvugo ntabwo igenewe rubanda ahubwo ni uburyo agatsiko ka FPR-Kagame gakoresha mu gusobanurira abasilikare ba RDF ko ntamushara bazigera babona cyangwa se ngo bashyirwe mu bigo bya gisilikare nk’uko ingabo z’ibindi bihugu byiyubashye zibibamo! Kubura kwa Kagame no kudahembwa kw’abasilikare b’inkotanyi bitangiye gutera ikibazo gikomeye mu gatsiko ka FPR kuburyo ibisubizo biri gushakirwa muri Covid-19!

Ubuzima bumeze nk’ubwahagaze ku bantu benshi batuye mu mujyi wa Kigali kubera amabwiriza yo kuguma mu rugo yashyizweho na Agatsiko ka leta ya FPR-Kagame kugirango hubahirizwe ingamba zo kwirinda icyorezo cya Covid-19!  Muri iki gihe umuntu wese urwaye malariya mu Rwanda, agatsiko k’inkotanyi katanze amabwiriza avuga ko uwo muntu azajya ahita abarurwa mu barwayi barwaye Covid-19, kugirango umubare w’abarwayi bafite icyo cyorezo wiyongere! Igihugu cy’u Rwanda kiri hagati y’ibihugu 4 aribyo : Uburundi,  RD Congo, Uganda na Tanzaniya, muri ibyo bihugu byose nta na kimwe kiri gufata ibyemezo byo kwirinda Covid-19 nk’uko u Rwanda ruri kubifata! Kuki u Rwanda ruri gukabiriza icyo cyorezo mu gihe ibihugu biri mu karere kamwe bituje?

Amakuru “Veritasinfo” ihabwa na bamwe mu bantu begereye agatsiko ka Kagame kari gufata ibyemezo bikomeye by’ubuyobozi bw’igihugu; agaragaza ko leta y’agatsiko ka Kagame ifite ibibazo bikomeye cyane byo kubona amafaranga, kuburyo mu minsi micye abakozi ba leta bose bashobora kutazongera guhembwa, akaba ari nayo mpamvu amashuri amwe ya leta ari gufungwa umusubizo bikitirirwa Covid-19. Ikibazo gikomeye cyane iyo leta ifite akaba ari uko abasilikare b’inkotanyi bamaze imyaka 27 nta mushahara bahabwa, ahubwo bakaba bagenerwa amafaranga y’intica ntikize yo kugura ibiribwa byo kubatunga aho baba boherejwe hirya no hino mu gihugu ariko ayo mafaranga y’iposho nayo akaba yatangiye kubura! Ubwoba ni bwinshi cyane mu bagize agatsiko ka FPR ko abasilikare b’inkotanyi bashobora kwivumbagatanya kubera icyo kibazo cy’imibereho yabo itoroshye!

Kugirango iyi myaka 27 ishire inkotanyi zidahembwa kandi ntizivumbure, byatewe nuko Kagame yakoze uko ashoboye ko ateza intambara z’urudaca muri Congo bityo abasilikare bakaba bamaze icyo gihe cyose barwana intambara zidashira ; izo ntambara zikaba zigatuma nta musilikare numwe ushobora kwivumbura cyangwa se gusaba umushahara kandi ari ku rugamba mu mashyamba ya Congo! Abasilikare bari imbere mu gihugu nabo Kagame ntiyatumye bicara hamwe kuko bahora bazerera mu giturage n’imbunda ku rutugu ngo bari guhiga abacengezi b’abahutu bashobora kubanyura mu rihumye bakabagabaho ibitero.

Amabuye y’agaciro Kagame yagiye asahura muri Congo niyo yagiye akuramo ibiribwa n’intwaro byo gutunga inkotanyi ziri ku rugamba andi akayashyira kuri konti ze yafunguye mu bihugu by’amahanga. Abenshi mu basilikare b’inkotanyi bakaba baragiye bicirwa ku rugamba batarahabwa umushahara, ayo mafaranga akaba yaragiye mu mufuka wa Kagame n’agatsiko basangiye ubutegetsi. Abandi basilikare bagiye bakomerekera ku rugamba, Kagame yagiye abasezerera mu gisilikare cya RDF hutihuti, buri wese akaba yaragiye amuha ibihumbi 100 by’amafaranga y’u Rwanda bise imperekeza, naho umushahara yagombaga guhembwa mu gihe cyose yabaye mu gisilikare cya RDF ugahita wibagirana kandi nyirubwite ntashobore kuwubaza kuko yabaga yarangije gusezererwa mu gisilikare!

Ubu rero abasilikare benshi bakaba baramaze kumenya ayo mayeri yo gutakaza imishahara yabo, bakaba bifuzako bahabwa ibirarane byabo by’imishahara batarasezererwa mu gisilikare. Hejuru y’icyo kibazo cy’ibirarane by’imishahara y’abasilikare hiyongereyeho n’ibindi bibazo by’uko igice kinini cy’umutongo wa Kagame cyafatiriwe mu mabanki yo mu gihugu cya Panama (paradis fiscaux), andi mafaranga ye akaba yaratwawe na Eugène Gasana wayamucungiraga, asigaye akaba adashobora nayo kuyakoraho kubera ko yafashweho ingwate (mu ibanga) na ONU kubera ibyaha by’ubwicanyi Kagame ashinjwa gukora muri Congo (mapping report)!

Ubusanzwe Kagame akaba ariwe wakoraga ku mutungo we akihembera abasilikare ba murinda, none ubu nabyo ntibigishoboka kubera ko atakiboneka. Kugirango icyo kibazo cy’imishahara y’abasilikare b’inkotanyi cyorohe, agatsiko katangiye gushakisha ibisubizo kanyuze mu nzira zose zishoboka: kongera imisoro n’amahoro byakwa Abanyarwanda, amande y’umurengera n’ubundi busahuzi bwinshi ariko ntacyo byatanze, ibindi bisubizo agatsiko kari kugerageza twavuga ni ibi bikurikira:

1.Leta y’agatsiko ka FPR-Kagame yagiye gushakisha ibiraka by’abasilikare bayo mu ngabo z’umuryango w’abibumbye ONU ziri hirya no hino ku isi; ibyo ariko ntabwo bihagije kuko umubare w’ingabo agatsiko kohereza mu ngabo za Loni aba ari muto cyane ugereranyije n’umubare w’abasilikare Kagame afite.

2.Agatsiko kashakiye abasilikare b’inkotanyi ibiraka byo kurinda abandi ba perezida b’Afurika, ibyo biraka nabyo ntibihagije kubera umubare munini w’inkotanyi kuburyo n’abasilikare boherejwe muri Centrafrique ari nk’igitonyanga mu nyanja ukurikije umubare w’abasilikare b’inkotanyi. Twabibutwa ko muri Nyakanga 1994, ubwo inkotanyi zabohozaga u Rwanda, FPR yari ifite abasilikare ibihumbi 30, mu mwaka w’1996, ubwo Kagame yateraga Zaïre ariyo Congo y’iki gihe FPR yari ifite abasilikare ibihumbi 100; muri iki gihe FPR ifite abasilikare ibihumbi 80! Abahanga mu by’ubukungu bakaba bemeza ko u Rwanda rufite ubushobozi bwo gutunga abasilikare ibihumbi 5 gusa!

Igisubizo cyo kubona ubushobozi kizatangwa na Covid-19

Kugirango leta y’agatsiko ka Kagame ishobore guhangana n’ikibazo cy’imishahara n’imibereho y’abasilikare b’umurengera ifite, byabaye ngombwa ko leta y’agatsiko igirana amasezerano y’ibanga n’ikigo cy’abanyamerika kitwa “Pfizer; icyo kigo kikaba giherutse gukora urukingo rwa Covid-19 ruri guhabwa abaturage bo mu bihugu bikize (Amerika n’Uburayi). Icyo kigo cya “Pfizer” kikaba kiri gukora ubushakashatsi ku rukingo rwa Covid-19 ruzahabwa abanyafurika gusa ndetse icyo kigo kikaba cyaratangiye gukora ubushakashatsi bwo kubona umuti wa Covid-19.

Leta y’agatsiko mu Rwanda ikaba yaremereye icyo kigo cya “Pfizer” kuzakorera ubushakashatsi by’urukingo n’umuti bya Covid-19 ku banyarwanda, ariko icyo kigo nacyo kikaba cyaremeye kuzaha leta y’agatsiko mu Rwanda amafaranga angana na miliyoni 500 z’amadolari y’Amerika kubera iryo soko ryo gukorera ubwo bushakashatsi ku banyarwanda. Leta y’agatsiko ikaba itegenyako ayo mafaranga izahabwa na “Pfizer” ariyo izakemuza ibibazo by’imishahara ifitanye n’abasilikare bayo b’umurengera ifite. Mbere y’uko ayo masezerano ashyirwa mu bikorwa leta y’agatsiko mu Rwanda ifite ubwoba ko “Pfizer” ishobora kwisubiraho bityo ikaba iri gukora ibishoboka byose kugirango yereke amahanga ko Covid-19 yaciye ibintu mu Rwanda bityo amahanga nayo ayifashe gusobanurira “Pfizer” ko igomba gutanga igice kimwe cy’amafaranga bumvikanyeho mu bushakashatsi izakorera mu Rwanda n’ubwo uwo mushinga utaratangira!

Mu gihe ayo mafaranga ya “Pfizer” ataraboneka, leta y’agatsiko mu Rwanda yashakiye ikiraka abasilikare b’inkotanyi cyo kugenzura ko abatuye umujyi wa Kigali bari kubahiriza amabwiriza ya “Guma mu rugo” mu rwego rwo kubarangaza kugirango bativumbura. Leta y’agatsiko kandi irateganya ko mu bantu ba mbere bazakorerwaho ubushakashatsi bwo guhabwa urukingo rwagenewe abanyafurika rwakozwe na “Pfizer” harimo abasilikare b’inkotanyi, umusilikare uzanga guhabwa urwo rukingo azahita yirukanwa mu gisilikare cya RDF ntanimperekeza ahawe!

Kugirango Abanyarwanda bazakorerwaho ubushakashatsi bw’umuti n’urukingo bya “Pfizer” bazabyemere nta mananiza, leta y’agatsiko mu Rwanda irateganya gukaza cyane ingamba zo kwirinda Covid-19 bityo uwemeye gukingirwa abe ariwe uzajya yemererwa kubaho mu buzima busanzwe, kuba ubwo bushakashatsi bushobora kugira ingaruka mbi ku buzima bw’Abanyarwanda, ibyo ntacyo bibwiye agatsiko, ikingenzi ni uko kabona amafaranga!

Imana izafashe abanyarwanda ibahe imbaraga zo gushira ubwoba bwo kwiboza ubutegetsi bw’agatsiko ka FPR-Kagame gakomeje kubicira ku rwara nk’inda!

Veritasinfo

Veritas

Leave a Reply