Rwanda: Agatsiko k’abicanyi bo muri FPR gafite umugambi wo kwica Madame Adeline Rwigara!

Mu gihe igihugu cy’Ubufaransa kinjiye mu mukino w’umwicanyi ruharwa Paul Kagame wo kuvuga ko ari umucunguzi w’abatutsi, ibyo bikaba bigaragazwa n’uko uyu munsi taliki ya 9/04/2021 Umufaransa witwa Vincent Duclert yasuye Kagame i Kigali amushyiriye raporo igaragaza ukwicuza kw’Abafaransa kuko batamufashije mu mwaka w’1994 mu kwica Abanyarwanda, nibwo umugambi wo kwica Madame Adeline Rwigara wahise ujya ahagaragara. None se ko Abafaransa bicuza ko bakoranye na leta ya Habyarimana Juvénal yangaga Abatutsi nk’uko babivuga, bazongera kwicuza y’uko bashyigikiye leta ya Paul Kagame igiye kurimbura Abatutsi bacitse ku icumu ryo mu w’1994? Twizereko Abafaransa batazavuga ko batari bazi ko Kagame ari kwica abacitse ku icumu!

Amakuru agera kuri “Veritasinfo” aturuka muri bamwe mu bagize urwego rw’ubutasi bwa leta ya Paul Kagame amenyeshako ku mugoroba wo kuri uyu wa gatanu bamwe muri ba maneko b’inkotanyi bari gukwiza inkuru y’igihuha ku mbuga nkoranyambaga aho bemeza ko Madame Adeline Mukangemanyi Rwigara agiye kwiyahura niba leta y’inkotanyi itamuhaye urupapuro rwe rw’inzira (passepport) kugirango ahungire mu mahanga hamwe n’abana be!

Abo ba maneko bemeza ko Kagame n’agatsiko k’abicanyi kamugaragiye biyemeje byanze bikunze kwica Adeline Rwigara nyuma yaho atangarije ko atazitaba abicanyi ba RIB muri iki gihe cy’icyunamo. Kongera gufunga Adeline Rwigara abicanyi ba FPR babona ari ikindi kibazo cyabaremerera, ibyiza bakaba bahisemo kumwica nka Kizito Mihigo bakavuga ko yiyahuye. Nyamara ntabwo Adeline Rwigara ashobora kwiyahura kuko ni umukristu wemera Imana udakozwa ibyo kwiyahura kandi mu biganiro byose yatanze mu binyamakuru binyuranye nta hantu na hamwe yavuze ko ashobora kwiyahura, ahubwo yavuze ko igihe cyose agihumeka atazaceceka ukuri azi kandi ko azakomeza kurwana ku muryango we.

Mu izina rya leta y’Ubufaransa, Vincent Duclert yagiye gupfukamira Paul Kagame, amushyiriye raporo imugira umucunguzi w’Abatutsi!

Impamvu yo kwica Adeline Rwigara yaturutse ku buhamya yatanze ubwo yari mu muhango wo kwibuka umufasha we Assinapol Rwigara wishwe n’inkotanyi ku mabwiriza ya Paul Kagame mu mwaka w’2015, mu ijambo Adeline yavuze muri uwo muhango ntabwo yariye iminwa , dore uko yabivuze (fungura ijwi):

Ayo magambo akimara gusohoka ku rubuga rwa Youtube, ku italiki ya 06/04/2021 bucya hatangizwa icyunamo, abicanyi bo muri RIB bahise bahamagaza madame Adeline Rwigara (convocation) ngo ajye guhatwa ibibazo muri gahunda yo kumutesha umutwe. Nk’uko yabitangarije radiyo mpuzamahanga y’Abanyamerika VOA, Madame Adeline Rwigara yavuze ko atazitaba RIB mu gihe cyose akiri mu cyunamo cy’umuryango we wishwe muri génocide. Muri icyo kiganiro kandi Adeline yavuze ku buryo burambuye uburyo umugabo we Assinapol Rwigara yishwe n’inkotanyi abireba ubwe. Umva icyo kiganiro (fungura amajwi):

Nyuma yaho umugambi wo kwica Adeline Rwigara ugiriye ahagaragara , Madame Espérance Mukashema , kuri RTV – UBUMWE, yatanze impuruza yo gutabariza Madame Adeline Rwigara kandi aramushinganisha, akaba yahamagariye Abanyarwanda kuba maso bakarengera Abacikacumu inkotanyi zigiye kurimbura kandi zarabeshye isi yose ko zaje kubarengera.

Kanda aha wumve ikiganiro cya RTV UBUMWE cyo gutabariza Madame Adeline Rwigara.

Veritas

2 Comments

  1. Ariko madame wa Rwigara yibuka Solidarite Kibuye yarimo ba Assiel Kabera,ba Ben Rutabana,ba Rugema Donatien, ba Sebarenzi…amarorerwa bakoze ku Kibuye twe turacyayibuka.Nareke kurira ayingona!

  2. Nimugambanirwa cyangwa mukicirwa mujye mwibuka uko mwagambaniye umwungura wabagabiye akatsi ko munsi na ruguru y’inzira… Mwibuke abo ibifaranga no kumena amaraso mwahaye izo mpyisi byicishije bikanagira impfubyi mubone kwababa. Uwiteka yabavumye.

Leave a Reply