Rwanda: Aimable Karasira yiteguye gusaba Paul Kagame uburenganzira bwo guhunga igihugu, azabumuha?

Aimable Karasira ntabwo yibona mu batutsi kandi nta nubwo yibona mu bahutu

Aimable Karasira umwarimu muri Kaminuza y’u Rwanda akaba umuhanzi ndetse n’umunyamakuru kuri interineti (youtubeur), aherutse kwandikirwa ibanuwa imumenyeshako agiye kwirukanwa ku kazi kubera ibitekerezo bye! Mu minsi micye ishize, umunyepolitiki Barafinda Sekikubo Fred wafungiwe mu bitaro by’abarwayi bo mu mutwe biri i Ndera aho yatewe imiti y’uburozi kugirango ahinduke igicucu, aherutse kuvuga ko umuganga w’umwicanyi wo mu bitaro by’i Ndera yabwiye abicanyi bo muri RIB ko na Mwarimu Karasira Aimable nawe bagomba kuzamuzana agafungirwa muri ibyo bitaro kugirango bamutere inshinge z’uburozi!

Mu kiganiro Bwana Aimable Karasira yagiranye na Madame Mukashema Espérance kuri radiyo Ubumwe yasobanuye ku buryo burambuye impamvu ubutegetsi bwa FPR-Kagame bushaka kumwica! Mu gihe ibitekerezo bya Kizito Mihigo byashyizwe mu gitabo yanditse kigasohoka amaze kwicwa, Bwana Aimable Karasira we yashyize hanze impamvu zose FPR-ishaka kumwica. Karasira yatanze ibitekerezo bye muri iki kiganiro uko abyumva kandi avugira ku mugaragaro ibyo abanyarwanda benshi bavugira mu bwihisho! Karasira ntabwo ashaka kuzicwa ngo bizitwe ko yiyahuye cyangwe se ngo bavuge ko yari yashatse guhunga igihugu agiye kwifatanya n’abarwanya ubutegetsi bwa Kagame nk’uko byagenze kuri Kizito Mihigo! Karasira yavuye imuzi ikibazo afitanye na FPR kandi akaba yiteguye gusaba Kagame uburenganzira bwo gusohoka mu gihugu agahunga u Rwanda ku mugaragaro! Ni mwumve uko Karasira abisobanura:

Mu kiganiro kirambuye Karasira yakoreye kuri radiyo Ubumwe (murakibona hasi y’iyi nyandiko), yavuze ko igihugu cy’u Rwanda kigarurirewe n’agatsiko k’intagondwa z’abatutsi kadashaka ubumwe n’ubwiyunge mubanyarwanda. Karasira kandi asanga abatutsi bari imbere mu gihugu aribo bagomba kwiyunga n’abahutu bari mu gihugu kuko aribo bahemukiranye kandi ayo moko yombi akaba ariyo azi neza abantu bahemikiye abandi naho abatutsi bari hanze y’igihugu bakareka kwivanga muri icyo kibazo kuko batari bari mu gihugu. Karasira avuga kandi ko uburezi bw’u Rwanda bwangizwa kubushake kugirango abana b’abanyarwanda b’abakene bakomeze kuba ibicucu bityo bazayoborwe buhumyi n’abana b’abatutsi bari mu gatsiko ka FPR biga mu mashuri akomeye ndetse no hanze y’igihugu! Ese Karasira avuga iki ku kibazo cy’uko Paul Kagame ashaka kuba umwami? Fungura ikiganiro kiri hasi aha wumve ibitekerezo byose bya Aimable Karasira!

Ushobora kandi gufungura iyi ntero kugirango utabarize  Aimable Karasira kubera akarengane akomeje gukorewa na leta ya Kagame : Gutabariza Aimable Karasira (mu gifaransa).

Ikiganiro cya Aimable Karasira na radiyo Ubumwe: “Aho kwica Gitera ni mwice ikibimutera”!

S’abonner
Notifier de
guest
2 Commentaires
le plus ancien
le plus récent le plus populaire
Inline Feedbacks
View all comments
CESAR
CESAR
8 août 2020 12 h 18 min

Je remercie Karasira pour non seulement pour son courage mais également pour sa sincérité et son honnêteté intellectuelle incontestables. La Vérité blesse celui qui n’est pas en état de l’affronter tout droit.

CESAR
CESAR
8 août 2020 15 h 17 min

Au regard des dires de Karasira, Etre Tutsi, Hutu et Twa est un état d’esprit individuel et nullement une marque identitaire global. C’est-à-dire, il n’existe pas d’éléments fondamentalement distinctifs entre les Hutu, Tutsi et Twa.