Rwanda: Amakuru n’ibitekerezo bishya ku ishimutwa ry’Visi-prezida wa MRCD Bwana Paul Rusesabagina na Leta ya Paul Kagame.

Nyuma y’aho leta ya Kigali yifashishije ikigo cyayo cya RIB gishinzwe guhiga no kurimbura abatavuga rumwe nayo kigaragarije ko cyashimuse Bwana Paul Rusesabagina kikamwereka itangazamakuru kuri uyu wa mbere taliki ya 31/08/2020, amakuru ajyanye n’iryo shimutwa akomeje kuba menshi cyane. “Veritasinfo” ikaba yageneye iyi paji amakuru y’ingenzi ari kuvugwa kuri iryo shimutwa. Twabibutsa ko Bwana Paul RUSESABAGINA ari umuyobozi wa PDR-Ihumure akaba n’umuyobozi wungirije wa MRCD-UBUMWE.

UMURYANGO WA RUSESABAGINA N’UMWUNGANIZI WE BAVUGA KO BATARASHOBORA KUVUGANA NAWE!

Nk’uko aya makuru tuyakesha radiyo mpuzamahanga y’Abanyamerika VOA abivuga, umukobwa wa Rusesabagina avuga ko aheruka kuvugana n’umubyeyi we ari i Dubaï kandi ko atari afite umugambi wo kujya mu Rwanda akaba asanga kuba yarerekanywe ari muri icyo gihugu bigaragaza ko yashimuswe. Uyu mukobwa akaba yihanganisha umubyeyi we muri ibi bihe bikomeye arimo kandi akaba asaba leta y’Ububiligi gukora ibishoboka byose umubyeyi we akagaruka mu rugo mu Bubiligi. Umwunganizi wa Rusesabagina mu mategeko nawe avugako u Rwanda rwasabwe ibisobanuro n’igihugu cy’Ububiligi ku ishimutwa rya Rusesabagina kugeza ubu rukaba rutarasubiza, uwo munyamategeko avugako Rusesabagina adashobora kugezwa imbere y’urukiko ngo aburane kuko nta cyaha aregwa kigeze gishyikirizwa inkiko zo mu Bubiligi, akaba asaba ko agomba kurekurwa vuba na bwangu (mu nsi y’ifoto urumva iyi nkuru mu majwi ku buryo burambuye).

Ifoto ya Rusesabagina yo ku italiki ya 3/09/2020 ari mu kasho i Kigali

MERIKA (USA) YAGANIRIYE N’AMBASADERI W’U RWANDA KU ISHIMUTWA RYA RUSESABAGINA.

Tibor Nagy umunyamabanga wungirije ushinzwe ibiro birebana n’Afurika muri Ministeri y’Ububanyi n’Amahanga ya leta Zunze Ubumwe z’Amerika yaganiriye n’ambasaderi w’u Rwanda muri Amerika Madame Mathilde Mukantabana ku kibazo cya Bwana Paul Rusesabagina washimuswe akoherezwa mu Rwanda akaba ariho afungiye.

Nta makuru menshi yashyizwe ahagaragara kubyo baganiriyeho uretse ko Tibor Nagy yabwiye itangazamakuru ko yizeye ko u Rwanda ruzafata kimuntu Bwana Rusesabagina kandi agahabwa ubutabera buciye mu mucyo. Umuryango we n’impuzamashyaka MRCD abereye umukuru wungirije bavuga ko “yashimuswe”, ko bamuheruka bwa nyuma ageze i Dubai muri Emira Zunze Ubumwe z’Abarabu (UAE).

Nk’uko BBC ibitangaza, igitangazamakuru CNN cyo muri Amerika, cyatangaje ko amakuru cyahawe n’umutegetsi kitavuze amazina wo muri UAE yemeje ko Bwana Rusesabagina ku wa kane “yageze kandi akanava” muri icyo gihugu ku wa gatanu “mu buryo bwemewe n’amategeko”.

Tibor Nagy Umunyamabanga wungirije wa Amerika ushinzwe ibiro by’ibirebana na Afurika muri ministeri y’ububanyi n’amahanga

ESE ARABIA SAOUDITE, CNRD NA LETA ZUNZE UBUMWE Z’AMERIKA BAVUGA IKI KURI IRYO SHIMUTA?

Inkuru dukesha urubuga “Hirya Yejo” narwo rukesha televiziyo y’Abanyamerika cya CNN yemeza ko igihugu cy’Arabia Sawudite cyemeza ko Paul Rusesabagina yanyuze i Dubai kuwa kane taliki ya 27/08/2020, akahava yerekeza muri Afurika, icyo gihugu kikaba gihakana ko ntaruhare gifite mu ishimutwa rya Paul Rusesabagina cyane ko Arabia Sawudite nta masezerano ifitanye n’u Rwanda yo guhererekanya abashakishwa (soma iyo nkuru aha).

Hagati aho Umuyobozi w’agateganyo wa CNRD Madame Francine Umubyeyi yamaganye ishimutwa rya Bwana Rusesabagina, akaba yizerako amahanga agomba kumufasha kubona ubutabera nyabwo kandi ayo mahanga akabona isura nyayo y’ubutegetsi bw’igitugu bwa Kigali, ibyo akaba yabivugiye kuri Radiyo VOA. Umunyamakuru w’iyo radiyo kandi yabajije ubutegetsi bw’Amerika icyo butekereza ku ishimutwa rya Bwana Rusesabagina, umuyobozi mukuru muri ministeri y’Ububanyi n’amahanga y’Amerika akaba yagize ati:

Twamenye ihagarikwa rya Paul Rusesabagina kandi turakurikiranira hafi icyo kibazo.Twabasaba ko mwakwegera guverinema y’u Rwanda kuyandi makuru mwaba mukeneye”

Ikiganiro kirambuye Bwana Faustin Twagiramungu umuvugizi wa MRCD yagiranye na radiyo Ubumwe:

Kuri iyi taliki ya 01/01/2020 Bwana Faustin Twagiramungu yagiranye ikiganiro na Madame Espérance Mukashema kuri radiyo Ubumwe maze asobanura ku buryo burambumbuye  ikibazo k’ishimutwa rya Bwana Rusesabagina. Faustin Twagiramungu yavuze ko leta ya Kigali igomba gufungura mu maguru mashya Bwana Paul Rusesabagina, iyo leta yaba itabikoze MRCD igasaba igihugu cy’Ububiligi Paul Rusesabagina abereye umwene gihugu gukora ibishoboka byose agafungurwa, ibyo byaba bidashobotse MRCD igahamagarira abanyarwanda gufatanya n’Imana mu guhagarika ubutegetsi bw’igitugu n’abicanyi bwa FPR. Kanda aha wumve ikiganiro cyose cya Twagiramungu na radiyo ubumwe : “Gushimuta Paul Rusesabagina ni ihurizo kuli leta ya Kagame“.

Rwandan government accused of abducting Paul Rusesabagina

The family of Paul Rusesabagina, a businessman whose role in saving more than 1,000 lives inspired the film Hotel Rwanda, have accused the east African country’s authorities of kidnapping the 66-year-old from Dubai.

On Monday, Rusesabagina, who is an outspoken critic of President Paul Kagame, was paraded in handcuffs by Rwandan investigators before media in the capital, Kigali, accused of terrorism-related crimes.

Rusesabagina was the general manager of a luxury hotel in Kigali during the 1994 genocide, in which an estimated 800,000 people were killed with knives, clubs and other weapons. The vast majority of the victims were from the Tutsi minority, though some Hutu moderates also died.

The 2004 film told the story of how Rusesabagina, a middle-class Hutu married to a Tutsi, used both his influence and bribe ry to save the lives of 1,200 people who sheltered at the Mille Collines hotel in the capital during the worst of the massacres.

Umuryango w’Abanyamerika “Santos Family Fondation” uremeza ko Paul Rusesabagina ari gukorerwa iyicarubozo mu Rwanda:

Ayo ni amakuru yatanzwe na radiyo mpuzamahanga y’abanyamerika “VOA Radiyo yacu”. Umunyamakuru w’iyo radiyo yaganiriye n’umwe mu bayobozi b’umuryango wahaye igihembo cy’amahoro Bwana Paul Rusesabagina, uwo muyobozi akaba yemeje ko Rusesabagina ari gukorerwa iyicarubozo mu Rwanda, akaba yatanze ibisobanuro byinshi byerekana ko ifatwa rye ridakurikije amategeko mpuzamahanga ko ahubwo ko yashimuswe akaba ari guhimbirwa ibyaha. Prof. Charles Kambanda nawe yemeje ko Rusesabagina yashimuswe kandi abitangira ibisobanuro biramubuye, ni mwumve uko babisobanuye kuri radiyo VOA (munsi y’ifoto):

Mu kiganiro Padiri Thomas Nahimana yagejeje kubanyarwanda n’abandi bamukurikira kubyerekeranye n’ishimutwa rya Paul Rusesabagina, avugamo amakuru y’aho Rusesabagina yashimutiwe n’uburyo yageze i Kigali ariko akongeraho ko ishimutwa rya Paul Rusesabagina ari ikigeragezo kuri leta y’agatsiko y’i Kigali kuko iyo leta igiye guhura n’igitutu gikomeye cy’amahanga kigomba kuyishegesha ku buryo bukomeye cyane, ibyo bikaba byarahanuye n’umupasteri wo mu gihugu cya Zimbabwe witwa Dr. Lan Ndlovu; Paridi akaba asobanura ubuhanuzi bwe yavuze ku Rwanda . Ushobora kumva ikiganiro cyose cya Thomas Nahimana ukanze kuri iyi nteruro yagihaye: Interpol yataye Paul Rusesabagina muri yombi ntabwo izura Paul Kagame.

Incamake y’ikiganiro cya Thomas muarayisanga munsi y’iyi foto:

 

S’abonner
Notifier de
guest
4 Commentaires
le plus ancien
le plus récent le plus populaire
Inline Feedbacks
View all comments
kalisa
kalisa
3 septembre 2020 10 h 43 min

Uriya muhungu wo ku Muremera yaragakoze. Tekereza kurinda amashuri 2 ya secondaire ntihagire upfa! Makuza wavukanye akayiko ka zahabu mu kanwa ngo Rusesabagina nta butwari bwe! ngo yabagaburiraga bikeya!i abandi batangaga amafaranga ngo babarase!!!

NYONINYINSHI
NYONINYINSHI
4 septembre 2020 19 h 49 min

Abantu bo mu NYENZI INKOTANYI baransetsa cyane! Ngo Muzehe RUSESABAGINA ngo yabaciye amafranga! Niba wawe wagize amahirwe yakira amafranga, arakingura urinjira. Hari ababuze uwo bayaha ngo babakire. Shimira Imana kuko yayakiriye akagukiza.

NYONINYINSHI
NYONINYINSHI
4 septembre 2020 19 h 54 min

Kuvuga ni ugutaruka! “Kagome Pilato BARUSHYIHAMBA” azatabarizwa he? “NYIRAMONGI” yibuke ko, ibyo bakoreye “Dominiko MBONYUTWA” nabo bishobora kuzabageraho! BAZABYAKIRE neza. Icyo utifuza ko, bagukorera, ntukagikorere abandi.

NYONINYINSHI
NYONINYINSHI
4 septembre 2020 23 h 06 min

Uyu “Bernard MAKUZA” ibi bugambo biteye “ISHOZI” avuga, atoneka abantu mu gisebe! Agombe azajyane na “SHEBUJA Kagome Pilato BARUSHYIHAMBA”. Aho uzajya hose ku ISI, tuzagukurikira tubkubaze! Ntaho uzaducikir, kimwe nabandi bigize ibyo ntazi.