Rwanda: mu gihe abantu bakibaza aho Paul Kagame nyawe aherereye, hatangijwe amasengesho yo kwibohora ingoyi z’imyuka yo kwibuka n’ibyunamo.

Nk’uko tubisoma muri Bibiliya (Luka7, 18-23), umuhanuzi Yohani Batisita (Umubatiza) wabatije Yezu Christu, yahuye n’akaga gakomeye ko gufungirwa ubusa no gutotezwa n’umwami Herodi; maze ategereza ko Yezu Christu, umwana w’Imana aza kumutabara, araheba! Ibyo bikaba byaratumye Yohani Batisita yibaza Yezu uwo ariwe, maze ahamagara babiri mu bigishwa be, abatuma kuri Yezu kumubaza bati: «Mbese uri wawundi ugomba kuza, cyangwa se dutegereze undi?»

Uku gushidikanya Yohani Batisita yagize kuri Yezu Christu, guhuye neza n’ugushidikanya Abanyarwanda bafite muri iki gihe kuri Paul Kagame berekwa! Kagame nyawe Abanyarwanda bari bazi yari afite ubushobozi bwo kwica no gukiza, none Kagame berekwa muri iki gihe ntagaciro ahabwa n’Inkotanyi za FPR. Ubushobozi bwo gutekereza neza bwa Kagame wo muri iki gihe burakemangwa cyane cyane ko atazi gutandukanya Ruhengeri na Gitarama (Muhanga) kandi ariho avuka! Mu ngendo zo kubonana n’abaturage yakoreye mu turere twa Muhanga (Gitarama), Nyaruguru (Gikongoro) na Nyamasheke (Cyangugu), ntabwo zitabiriwe n’abayobozi bakuru b’igihugu kuva kuri meya kugera ku ba ministre! Muri izo ngendo, abaturage bagejejeho akarengane kabo kuri uwo Kagame barushijeho kurenganywa barafungwa!

Kubera ibyo byose abantu babonye mu ngendo za Kagame byarushijeho gutera Abanyarwanda urujijo rwo kumenya niba koko ari Kagame nyawe babonye cyangwa se niba ari undi muntu wihinduye Kagame babonye nk’uko bivugwa cyane ku mbuga nkoranyambaga! Abantu benshi bakomeje kuvuga ko ari David Ndahiro wihinduranya, abandi bakavuga ko ari «Igini (sosie) rya Kagame» ryigendera! Muri iki gihe abaturage ba Kangondo na Kibiraro bakomeje guhohoterwa no kwamburwa imitungo yabo, bari kwitabaza Kagame (nyawe) ariko ntibamubona! Bamwe bari kwibaza niba akiriho cyangwa se niba yarahunze igihugu! Umukozi w’Imana Marie Esther Murebwayire nawe aribaza niba igihugu cy’u Rwanda gifite perezida! Murebwayire avugako icyo kibazo cyo kubura kwa Kagame azakivuga uko Imana izakimubwira, abivuga muri aya magambo (fungura amajwi):

Abantu benshi bategereje ko igihugu cy’Ubwongereza kizashyira ahagaragara amabanga akomeye gifite ku buzima bwa Kagame, ariko nta kizere ko ayo mabanga azashyirwa ahagaragara vuba ! Nubwo bimeze gutyo ariko, hateganyijwe amasengesho azamara iminsi 3 yo kwambaza Imana mu nzira yo gusezerera burundu «Kwibuka n’Icyunamo». Ayo masengesho aratangira kuri uhu wa gatanu taliki ya 16/09/2022 guhera saa tatu z’ijoro ku isaha y’i Kigali. Mu itangazo yashyize ku rubuga rwe rwa «Youtube» abantu babishaka bazakurikiraniraho ayo masengesho, umukozi w’Imana Marie Esther Murebwayire aragira ati:

«Aya masengesho y’iminsi 3 azatangira kuwa gatanu itariki ya 16-18/09/2022 tuzajya kandi twiyiriza ubusa ariko dufungure ni mugoroba kandi kwiyiriza bizajya bitangira 06h00 kugeza 18h00 muri iyo minsi 3. Turabibutsa ko muri ayo masengesho tuzajya duhurira hano kuri iyi channel yacu ya youtube 21h00 kw’isaha yo mu Rwanda no mu Burundi. Turasaba umuntu wese tuzabana muri ayo masengesho ko agomba kuba yarasomye inyandiko yo kwitandukanya n’ingaruka zo kwibuka n’ibyunamo bya jenoside, indahiro rupfu ya FPR-Inkotanyi n’izindi ndahiro zose. Kuko intego yaya masengesho ni ukugirango abantu babohoke kandi ku bantu bazabyubahiriza hari ikintu kizakoreka

«Veritasinfo» ikaba ibagezaho imirongo mushobora gufungura kubifuza gukurikirana aya masengesho.

KURI UYU WA GATANDATU MUSHOBORA GUKURIKIRANA AMASENGESHO AHA (21H00 ku isaha y’i Kigali)

Ni ugukanda kuri buri murongo ugahita ufunguka:

1.Itangazo rimenyesha amasezerano yo kwitandukanya na FPR.

2.Inyandiko yo kwitandukanya na FPR.

3.Ibikurikira gukuraho kwibuka n’icyunamo (08/09/2022)

4.Incamake y’inkuru isobanura urugamba rwo gukuraho icyunamo (04/09/2022)

5.Iteka rikuraho kwibuka n’icyunamo

6.Inyandiko ikubiyemo iryo teka

7.Turi mu gihe cyo kwihana amoko HUTU-TUTSI  (09/04/2022)

8.Kwibuka n’icyunamo byasezerewe bizasimburwa n’iki ? (02/04/2022)

9.Ishyirwaho ry’Inkuge y’Ubuhungiro (26/03/2022)

10.Fungura aha (kanda) niba wifuza kwinjira mu Bahishuwe

11.Fungura aha (kanda) niba ushaka gusura urubuga rw’Abahishuwe

 

Veritasinfo