Rwanda : «Amnesty International » irasaba ko abapolisi bishe impunzi z’Abakongomani mu mwaka w’2018 bashyikirizwa ubutabera.

Impunzi z'Abakongomani zo mu nkambi ya Kiziba

Kugeza ubu ntabwo leta ya FPR-Inkotanyi yari yashobora gukoresha iperereza ryo kumenya abapolisi ba leta y’u Rwanda bishe impunzi nibura 12 z’Abakongomani zari mu nkambi za Karongi na Kiziba. Ibi bikaba bitangazwa n’umuryango mpuzamahanga wita ku burenganzira bwa muntu « Amnesty International » ; uwo muryango ukaba usaba ko abo bapolisi bishe izo mpunzi bashyikirizwa ubutabera. Ibikorwa by’ubwicanyi Inkotanyi zikomeje gukora zimenye ko bitazahera, byaba mu bihe bya vuba cyangwa se ibya cyera, ubwo bwicanyi zikora zizabubazwa!

Ku italiki ya 22/02/2018, abapolisi bakuru ba leta y’u Rwanda barashe amasasu menshi mu kivunge cy’impunzi z’Abakongomani zari mu myigaragambyo imbere y’ibiro by’umuryango wa Loni wita ku mpunzi UNHCR biherereye i Karongi, mu ntara y’Uburengerazuba. Izo mpunzi zo mu nkambi ya Kiziba zikaba zarinubiraga igabanuka ry’imfashanyo y’ibiribwa zahabwaga. Iyo nkambi ikaba yazi imaze imyaka irenga 22 izo mpuzi ziyibamo. Ayo masasu yarashwe muri izo mpunzi akaba yarahitanye zimwe murizo zigera kuri 11 zaguye i Karongi naho izindi mpunzi 3 zikaba zararasiwe mu nkambi ya Kiziba.

Nyuma y’ubwo bwicanyi, nibura impunzi z’Abakongomani zirenga 63 zatawe muri yombi zijya gufungwa zishinjwa icyaha cyo « gutegura no kwitabira imyigaragambyo itemewe n’amategeko » muri gahunda yo « gukwiza ibihuha bigamije kwangisha leta  y’u Rwanda mu muryango mpuzamahanga » ; izo mpunzi kandi zashinjwe « gukora ibikorwa by’urugomo byibasiye abayobozi b’igihugu ». Ku italiki ya 01/05/2018, indi mpunzi y’umukongomani nayo yiciwe mu nkambi ya Kiziba bikozwe n’abapolisi b’u Rwanda nyuma y’ibikorwa by’ubushyamirane byahuje icyo gipolisi n’impunzi ziba muri iyo nkambi.

Kugeza kuri uyu munsi, nta perereza ryari ryigera ribaho rigomba kwerekana abo bapolisi ba leta y’u Rwanda bishe izo mpunzi. Amaperereza yakozwe na Komisiyo y’igihugu yita ku burenganzira bwa muntu , andi agakorwa n’igipolisi cy’u Rwanda yibanze gusa mu kumenya impunzi zakoze ibikorwa by’urugomo byibasiye abashinzwe umutekano ariko ayo ma perereza ntiyigeze ashaka kumenya uwatanze itegeko ryo kurasa izo mpunzi ngo hanagaragazwe abapolisi bagize uruhare mu kwica izo nzirakarengane uko ari 12 ngo bagezwe imbere y’ubutabera.

Umuryango mpuzamahanga w’«Amnesty International » uratanga impuruza, aho uhamagarira buri wese kwifatanya nawo mu gusaba perezida w’u Rwanda Paul Kagame ko agomba gukoresha amaperereza no kugeza imbere y’ubutabera abapolisi ba leta ayoboye bishwe impunzi i Karongi no mu nkambi ya Kiziba. Niba ushaka kwitabira iyo mpuruza y »Amnesty International kanda kuri iyi nteruro iri hasi aha :

Demandez au président Paul Kagame d’ouvrir des enquêtes sur les homicides de réfugiés congolais à Karongi et dans le camp de réfugiés de Kiziba.

Soyez le premier à commenter

Poster un Commentaire

Votre adresse de messagerie ne sera pas publiée.