Rwanda: Bwana Paul Rusesabagina yatangiye guhabwa uburozi bwo kumugira igicucu!

Rusesabagina (uri hagati) ntabwo ubuzima bwe bumeze neza kuko ananirwa kuvuga kandi akaba aba ari guhinda imishyitsi.

Ubwo Paul Rusesabagina yajyanwaga mu rukiko rwa Kagame, abantu bamubonye bagaragaje impungenge z’ubuzima bwe bitewe n’uko yarimo agaragaza intege nke cyane; ibyo byagaragajwe n’uko mu gihe yari asabwe guhaguruka ngo yegere abacamanza yashinguye intambwe akadandabirana agashaka kwitura hasi kandi kandi mu gihe cyo kuvuga akaba yarimo ahinda imishyitsi!

Ikindi cyagaragaye kuri Rusesabagina ni uko ibisubizo yatangaga ku bibazo yabazwaga byavuguruzanyaga nk’umuntu utari gutekereza neza, urugera ni nkaho yavuze ko ibikorwa by’ubwicanyi bw’abaturage bigerekwa kuri FLN bigomba kubazwa abari bayoboye urugamba rwayo, kuko ibyo bikorwa by’ubwicanyi bw’abaturage buyivugwaho atarizo nshingano FLN yahawe, nyuma Rusesabagina akongera gusaba imbabazi z’ubwo bwicanyi bugerekwa kuri FLN kandi yari amaze kuvugako ntaho ahuriye nabwo kuko atariwe wari uyoboye urugamba!

Amakuru “veritasinfo” ikesha bamwe mu bapolisi barinda Rusesabagina aho afungiye yemeza ko Rusesabagina arimo gukorerwa iyicarubozo rikomeye (torture morale et psychologique) kugirango yemere ibyaha byose inkotanyi zimushinja bityo igitutu cy’amahanga kigabanuke kurizo kuko uwo zizaba zirimo kuvugako yarenganye azaba arimo yiyemerera ibyaha ashinjwa!

Bwana Herman J. Cohen wabaye umwe mu bayobozi bakomeye w’Amerika (USA) ashinzwe umugabane w’Afurika ndetse akaba yarabaye n’ambasaderi kuri uwo mugabane, yasabye umuryango mpuzamahanga kimwe n’igihugu cya Leta Zunze Ubumwe z’Amerika gukora ibishoboka byose bagakura Bwana Paul Rusesabagina mu maboko y’inkotanyi; Cohen avugako Rusesabagina azwiho kuba yarakoze ibikorwa byo gukiza abatutsi n’abahutu bahigwaga muri jenoside yo mu Rwanda mu mwaka w’1994, bityo akaba atari umuntu wo kujugunywa gutyo gusa!

Ibi Cohen avuga nanibyo imiryango myinshi y’abayahudi iri muri Amerika ivuga kuri Rusesabagin, iyo miryango ikaba isaba igihugu cy’Amerika n’Ububiligi gukora ibishobora byose bakavana Paul Rusesabagina mu Rwanda. Bamwe mu bacurabwenge b’inkotanyi bategetse abagaburira Rusesabagina gutangira kumuha uburozi bumuhindura igicucu bityo ejo atazagera mu maboko y’abazungu akabasobanurira ibibi yakorewe n’inkotanyi dore ko amakuru atangwa na CNN avuga ko Rusesabagina yashimutiwe i Dubaï bakamutera imiti imusinziriza nyuma akisanga i kigali!

Mu rubanza rufifitse inkotanyi zirimo ziburanisha Rusesabagina, ikibazo cy’uburyo yageze mu Rwanda ntabwo kigeze gihingutswa ndetse n’abavoka inkotanyi zahaye Rusesabagina ntabwo bahingutsa icyo kibazo kandi ariryo pfundo ry’urubanza rwe! Rusesabagina yashimuswe na leta ya Kigali, bityo icyo cyaha cyo gushimuta akaba ari igikorwa cy’iterabwoba gihanwa n’amategeko mpuzamahanga; ntabwo kandi inkotanyi zishobora kubeshya ko ziri guha Rusesabagina ubutabera kandi zaramushimuse!

Ngiyo imikorere y’ubutegetsi bw’inkotanyi Bill Clinton yatuzaniye mu Rwanda!

veritasinfo

Subscribe
Notify of
guest
2 Comments
Oldest
Newest Most Voted
Inline Feedbacks
View all comments
kalisa
kalisa
17 September 2020 9 h 36 min

Inkotanyi zigira impuhwe nki iza Bihehe.Bamuhe ba avocats bahiswemo n’umuryango kuko ikibazo cya mbere ari gusobanura uko yageze i Kigali, bitabaye ibyo bazakoresha inzira zose zishoboka kugira ngo yemere ibyaha.Ubuzima bwe buri mu marembera.

Ikibasumba
17 September 2020 17 h 13 min

Komisiyo ya ONU ishinzwe icukumbura kw’ihonyorwa ry’Uburenganzira bwa Muntu mu Burundi, iti, nta cyahindutse ku bijyanye n’iyubahirizwa ry’uburenganzira”.

Selon que vous serez puissant ou misérable, les jugements de cour vous rendront blanc ou noir