Rwanda: Ese Abatutsi bazakomeza kwemera ko FPR ikomeza guhindanya isura yabo yo kwitwa « Ababeshyi babivukanye »?

Nyuma y’aho komisiyo yashyizweho na perezida w’Ubufaransa Emmanuel Macron,  iyobowe n’umuhanga mu mateka Bwana Vincent Duclert itangarije raporo yayo ku ruhare leta y’Ubufaransa yagize muri jenoside yabaye mu Rwanda mu w’1994; na nyuma y’itangazwa rya raporo leta ya FPR yadodewe n’abanyamategeko bo muri Amerika (USA) ku ruhare rw’Ubufaransa mu Rwanda, izo raporo zombi zikaba zaragaragaje ko nta bufatanyacyaha mu gutegura no gukora jenoside mu Rwanda leta y’Ubufaransa yagize; ubu noneho ikigezweho n’icyemezo cy’ubushinjacyaha bw’Ubufaransa cyo gahagarika burundu iperereza ku byaha byo kugira uruhare muri jenoside bishinjwa abasilikare bakuru 5 b’Ubufaransa bari bayoboye « Opération Turquoise  » mu mwaka w’1994 mu Rwanda kuko nta bimenyetso bibahamya icyo cyaha byagaragaye.

Mu mwaka w’2005, nibwo Paul Kagame na FPR bahagurukije amashyirahamwe ya Ibuka ( mu Rwanda) na Survie mu Bufaransa) kimwe n’andi mashyirahamwe ayashamikiyeho, batanga ikirego mu butabera bw’igihugu cy’Ubufaransa, aho bareze abasilikare bakuru 5 b’igihugu cy’Ubufaransa ibyaha byo kugira uruhare muri jenoside yabaye mu Rwanda mu mwaka w’1994 kuko bari bayoboye ingabo z’Ubufaranzamu Rwanda mu gikorwa cyo gutabara Abanyarwanda bari bibasiwe n’ubwicanyi bw’interahamwe za MRND n’Inkotanyi za FPR. Abo basilikare bakuru b’Abafaransa barezwe ibyaha byo kudatabara ku bushake Abatutsi bari barahungiye mu Bisesero, guha intwaro interahamwe zo kwica Abatutsi no kuzifasha guhunga igihugu kizajya muri Zaïre; abo basilikare kandi bashinjwe ibyaha byo gusambanya abagore b’Abatutsikazi ku ngufu.  Kuri ibi byaha byose byashinjwe ingabo z’Abafaransa, Paul Kagame na FPR bakoze ibishoboka byose bashakisha Abatutsi n’Abatutsikazi bacitse ku icumu bashoboye kujya gushinja ibyo byaha abo basilikare bakuru b’Abafaransa mu bushinjacyaha bw’icyo gihugu!

Général Lafourcard wari uyoboye Opération Turquoise mu Rwanda mu 1994 (photo internet)

Nyuma y’iperereza ryakozwe, ubushinjacyaha bw’Ubufaransa bwagaragaje ko ntabimenyetso bigaragaza ko bariya basilikare bakuru b’Ubufaransa bakoze ibyaha bashinjwa. Raporo zumvikanweho na leta zombi ku ruhare rw’Ubufaransa muri jenoside yabaye mu Rwanda nazo zemeje ko nta ruhare igihugu cy’Ubufaransa cyagize mu itegurwa no mu ishyirwa mu bikorwa rya jenoside yabaye mu Rwanda mu mwaka w’1994, ahubwo zigaragaza ko « Opération Turaquoise » yakoze igikorwa cyiza mu Rwanda cyo gutabara abahigwaga. Nyuma y’izo raporo, amahanga yahise afunguka amaso amenya ko ibyaha byose Kagame na FPR bashinja abantu ko bagize uruhare muri jenoside ari ibihimbano! Imiryango nka Ibuka na Survie ndetse n’abashinjabinyoma b’Abatutsi bakoreshejwe na FPR mu gushinja ibinyoma Abafaransa, bafite ipfunwe n’isoni zo gusobanura uburyo bahimbira abantu ibyaha bya jenoside batakoze. Ibi bikaba bishimangira ubuhamya bwatanzwe n’umusaza Antoine Nyetera wavuze ko abana b’Abatutsi batozwa umuco wo kubeshya kuva bakivuka!

Ese Abatutsi bazakomeza kwemera ko basigwa icyasha cyo kuba ababeshyi karemano kugeza ryari (inkuru ya VOA)? Niba Abatutsi bakomeje kumira bunguri ibinyoma by’agatsiko ka FPR byo kubagira ibikoresho mu nyungu zako, amaherezo amahanga yose azakomeza kwemera ko Abatutsi ari ababeshyi karemano. Abanyarwanda bazi neza uburyo FPR yakoresheje Abatutsi mu nkiko za Gacaca mu gikorwa cyo guhimbira Abahutu ibyaha by’ubwicanyi kugirango bamburwe ubuzima n’imitungo yabo; ayo mahano Inkotanyi zakoresheje kandi zikomeje gukoresha Abatutsi imbere mu gihugu yo guhimbira Abahutu ibyaha, yamaganwa n’Abatutsi bacye cyane kuburyo bigaragara ko Abatutsi bashyigikiye ikinyoma cya FPR-Inkotanyi cyo guhindanya isura yabo! Ikibabaje kurushaho ni uko amahanga atangiye nayo kwemera ko Abatutsi ari ababeshyi muri kamere yabo kubera ibinyoma bya FPR!  Urugero rwo gukoresha Abatutsikazi mu kubeshyera ingabo z’Abafaransa ko zabasambanyije ku ngufu byateye icyasha Abatutsi mu maso y’Abafaransa kuko babafashe nk’ababeshyi ruharwa, ikibabaje ni uko umuryango wa Ibuka uvuga ko wita ku nyungu z’abacikacumu b’Abatutsi nawo wafatiwe muri icyo kinyoma cyo kubeshya!

Urugero rwa kabiri ruteye isoni ni urwa Madame Béatrice Munyenyezi wabeshyewe na FPR ubwo yari yarasabye ubuhungiro muri Amerika (USA), FPR ikaba yaravugaga ko yigaga muri kaminuza i Butare mu mwaka w’1994 bityo akaba ari nawe wayoboye ubwicanyi muri kaminuza kandi atarigeze akoza ikirenge muri kaminuza y’u Rwanda (Inkuru ya BBC Gahuza). Imbere y’urukiko rwa FPR kuri uyu wa gatatu taliki ya 5/05/2021, Ubushinjacyaha bwa FPR  bwavuzeko ko urukiko rwo muri leta ya New Hampshire (USA) rwahamije Munyenyezi icyaha cyo « kugira uruhare muri jenoside akabihisha inzego z’abinjira n’abasohoka za Amerika« . Madamu Munyenyezi yavuze ko ibyaha byose aregwa atabyemera, yavuze ko abatanze ubuhamya bumushinja bamubeshyeye ko yigaga muri kaminuza kandi ngo we atarigeze anarangiza amashuri yisumbuye.

Madame Béatrice Munyenyezi yavuze ko nta jambo yari afite i Butare kuko yari mushya muri uwo mujyi avuye iwabo i Byumba, ko yahageze mu kwa karindwi 1993 aje gukora ubukwe kandi ko yari atwite inda y’amezi abiri, nyuma akabyara impanga. Madame Béatrice yagize ati : « Nk’umuntu wari ufite abana batoya b’impanga kandi ntwite nari gushobora gute kujya mu bwicanyi kandi nkabuyobora nk’uko babinshinja? » Ibinyoma nk’ibi bya FPR bibonwa n’Abanyarwanda ndetse n’amahanga, ariko FPR ikaba ibigereka ku bwoko bw’Abatutsi ikoresha mu nyungu zayo; nyuma Abatutsi akaba aribo bazagerwaho n’ingaruka z’ibibi byakozwe na  FPR bitewe n’uko batatinyutse kwitandukanya nayo mu mahano ibakoresha! Abatutsi bazima bagomba gushishoza bakamagana hakiri kare uyu mugambi mubisha wa FPR wo guharabika izina ryabo aho bafatwa nk’ Ababeshyi babivukanye! Kugirango iharabika rya FPR rirangire ku Batutsi ni ngombwa ko Abatutsi bacitse ku icumu rya jenoside bashishoza bashyiraho umuryango ubahuza ugomba kwitandukanya na FPR ndetse na IBUKA! Abatutsi nibakomeza guceceka bazaba basigiye umurage mubi abana babo ndetse n’umuryango nyarwanda muri rusange kuko ubumwe n’ubwiyunge nyabwo Abanyarwanda bifuza budashobora kuzagerwaho!

Baca umugani mu kinyarwanda ngo « umuheto ushuka umwambi bitari bujyane »; FPR ntabwo izahoraho, ariko Abanyarwanda mu moko yabo ‘Hutu-Tutsi-Twa bazahoraho kandi bagomba kuzabana mu gihugu kimwe mu mahoro cyangwa mu mvururu. Aho kugirango FPR ikomeze gukwiza uburozi bw’amacakubiri mu Byanyarwanda nk’uko yabitangije kuva mu mwaka w’1990 kugeza bitugejeje kuri jenoside, Abanyarwanda  bagomba kwishyira hamwe bakamagana FPR ikomeje kubashyiramo umwiryane ariko cyane cyane Abatutsi bitirirwa amafuti ya FPR bakaba bagomba kwigobotora umutego batawemo na FPR wo kubashora mu bikorwa bukurura mu rwango rutagira iherezo no guhindanya isura yabo mu maso y’amahanga.

FPR yashutse Abatutsi bari imbere mu gihugu irabicisha abandi ikaba ikomeje kubiyicira ubwayo muri iki gihe, yashutse Abanyamulenge ibateranya n’andi moko y’abacongomani none bari kwicwa idahari,  ubu itangiye gahunda yo kwanduza izina ry’Abatutsi ko ari ababeshyi, ingaruka zicyo kinyoma zikazabageraho FPR idahari ! Abatutsi bagomba guharira ikinyoma agatsiko kari ku butegetsi ka FPR aho kwanduza izina ryabo. Ubwo Biruta yakoreraga uruzinduko mu gihugu cy’Ububiligi yagiranye ikiganiro n’Umunyamakuru wa televiziyo mpuzamahanga ya « France 24 » kuwa 27/04/2021; uwo munyamakuru yabajije Biruta niba Kagame yemera ibyavuye muri Raporo zombi ku ruhare rw’Ubufaransa muri jenoside yabaye mu Rwanda, akaba yiteguye kubwira amahanga ko yivuguruje akaba yarabeshyeye Abafaransa, Biruta yabuze icyo asubiza, avuga ko amagambo yavuzwe  mbere y’izo raporo agomba kwibagirana! None se n’Abatutsikazi bivugiye ubwabo ko basambanyijwe ku ngufu n’ingabo z’Ubufaransa bazabyibagirwa? Ni ukuvuga ko bazahorana ipfunwe n’ikimwaro cyo kwitwa Abebeshyi FPR yigaramiye!

Veritasinfo

Soyez le premier à commenter

Poster un Commentaire

Votre adresse de messagerie ne sera pas publiée.