Rwanda: Félix Tshisekedi yiyemeje gukura Paul Kagame mu ndaki yihishemo!

Hashize amezi ageze kuri 7 Bwana Paul Kagame ari mu bwihisho; Kagame akaba aheruka kugaragara mu ruhame ku italiki ya 16/02/2020 ubwo yafunguraga umwiherero wa 17 w’abayobozi bakuru i Gabiro. Nyuma yaho Kagame yagaragajwe ku mashusho mu muhango wo gukaraba intoki muri gahunda yo kwirinda icyorezo cya Coronavirus.

Kagame yongeye kugaragara ku mashusho ku italiki ya 09 Gicurasi 2020, aho bivugwa ko yari ayoboye inama y’abasirikare bakuru (Senior Officers) mu ngabo z’u Rwanda “RDF”,  iyo nama ikaba yarabereye mu Ishuri rya Gisirikare rya Gako mu Karere ka Bugesera, hari amakuru atangwa na bamwe mu basilikare b’inkotanyi yemezako muri iyo nama ariho Kagame yaherewe uburozi. Kagame ariko yakomeje kugaragara ku mashusho aho yagiranye ibiganiro n’abanyamakuru akoresheje ikoranabuhanga! No kuri iki cyumweru taliki ya 06/09/2020 Kagame azongera kugaragara ku mashusho ari kugirana ikiganiro n’abanyamakuru ba radiyo na televiziyo by’u Rwanda.

Kugeza ubu iyo mikorere mishya ya Kagame yo kwihisha inyuma y’ikoranabuhanga abanyarwanda batangiye kuyikemanga. Padiri Thomas Nahimana we yarangije gufata umwanzuro w’uko ubuzima bwa Kagame bwarangiye, akaba yarashiririye ubwoko bityo akaba abitse mu bitaro byo muri Israyeli. Nahimana akaba yemeza ko igihugu kiyobowe n’agatsiko k’abasilikare gashyigikiye umuryango wa Kagame, abaministre bakaba baragiye mu bwihisho, ibyo akaba aribyo biri gutera akajagari mu gihugu.

Abakuru b’ibihugu bya hafi ndetse n’ibya kure ntabwo bashobora kubona Kagame kuri telefone ngo bavugane nk’uko byakorwaga mbere; gusa Bwana Félix Tshisekedi wahawe ubuyobozi bwa Congo akaba yiyemeje gukuraho urujijo. Amakuru “Veritasinfo” ikesha urubuga “7sur7.cd” yemezako Bwana Tshisekedi Thilombo yamenyesheje abaministre be ko yatumije inama izahuza abakuru b’ibihugu bya: Congo, Uganda, u Rwanda, Uburundi na Angola, iyo nama ikaba izabera i Goma ku italiki atabamenyesheje.

Ubwo iyi nama itazakorwa ku buryo bw’ikoranabuhanga azaba ari umwanya mwiza kuri Kagame wo kwigaragariza intore ze imbonankubone; gusa rero iyi nama nayo irashidikanywaho kuko nta muntu uzi niba ishobora kuzaba kuko Tshisekedi nta taliki yavuze izaberaho; abakurikirana politiki yo mu karere k’ibiyaga bigari bakaba bemeza ko Tshisekedi ategereje igisubizo cya Kagame cyemeza ko azitabira iyo nama koko, icyo gisubizo cyaba kitabonetse inama igasubikwa ubugiraherezo!

Ikigaragarira buri wese muri iki gihe ni uko Kagame yaba ariho cyangwa se yaba atakiriho, nta gushidikanya ko ntabushobozi agifite bwo kuyobora igihugu! Ubu akajagari, ubwoba, inzara , kurasa abaturage n’ubukene bukabije nibyo byugarije abanyarwanda ku buryo mu maso yabo Kagame ntacyo akimaze! Nta mpaka zagombye kugibwa ku ikoranabuhanga riri gukoreshwa muri iki gihe ryo kubeshya abanyarwanda ko Kagame akiriho kandi babona ntacyo akimaze!

Ikibazo kiri mu mitwe y’abanyarwanda benshi akaba ari ukumenya inzira bizacamo kugirango igihugu kive mu mage kirimo muri iki gihe!

S’abonner
Notifier de
guest
1 Commentaire
le plus ancien
le plus récent le plus populaire
Inline Feedbacks
View all comments
Karolus
Karolus
6 septembre 2020 18 h 33 min

Chers freres congolais
Je compatis avec vous /avec le peuple congolais
Je dis ceci
Vos autorites ont trahi votre peuple
En effet depuis Kabila pere
Vos gouvernants ont pactise avec le diable kagame…et ce qui vs arrive nest que le fruit de ce pacte.