Rwanda: FPR-Inkotanyi yacyuye izihe mpunzi z’abanyarwanda?

Uko imyaka ishira indi igataha niko ikinyoma cya Paul Kagame na FPR-Inkotanyi kigenda gishonga nk’urubura ruhuye n’ubushyuhe mu maso y’amahanga! Imwe mu mpamvu inkotanyi zabeshye amahanga ubwo zafataga intwaro zikarimburaga imbaga mu Rwanda, ni uko zabeshyaga ko ubutegetsi bwa Habyarimana Juvénal bwanze ko abanyarwanda bari mu bihugu by’amahanga bataha mu gihugu cyabo cy’u Rwanda! Ese abo banyarwanda inkotanyi zakotaniraga zarabacyuye?

Kuwa Gatandatu taliki ya 12 Ukuboza 2020, Perezida wa Kenya, Bwana Uhuru Kenyatta yahaye abanyarwanda barenga 1300 ubwenegihugu bwa Kenya kuko bari babayeho igihe kirekire nk’abantu batagira igihugu. Umuhango wo guha ubwenegihugu abo banyarwanda wabereye mu birori byo kwizihiza imyaka 57 Kenya ibonye ubwigenge.

Mu kinyoma cyazo cyazokamye cyo kubeshya amahanga , Inkotanyi zabohoje ubutegetsi i Kigali zivuga ko abo banyarwanda Kenya yahaye ubwenegihugu bashatse gutaha mu Rwanda mu mwaka w’1980, ubutegetsi bwa Habyarimana bubangira gutaha ngo kuko bwavugaga ko butabazi! Abo banyarwanda bakaba barajyanywe mu gihugu cya Kenya n’abakoloni b’ababiligi bagiye gukora mu mirima y’icyayi mu myaka y’1930, 1945 n’1957!

Igiteye isoni ni uko ambasaderi wa leta ya Kagame uri muri Kenya Bwana Masozera Richard yavuze ko leta y’u Rwanda yafashije abo banyarwanda mu rugendo rwabaganishije muguhabwa ubwenegihugu bwa Kenya, aho kubafasha gutaha mu gihugu cyabo cy’u Rwanda! Ese nta soni Inkotanyi zigira? Ni gute zijya kwinginga Kenya ngo ihe ubwenegihugu abanyarwanda zivugako zarwaniye kugirango babone igihugu cyabo bavuga ko Habyarimana yababujije kujyamo?

Mu byukuri impunzi yari hanze y’u Rwanda mbere ya 94 itarambaye ibitenge by’interahamwe ngo iteme abatutsi bari mu gihugu, ntabwo yatashye!

Niba mu mwaka w’1980, leta ya Habyarimana yaranze ko abo banyarwanda bataha, ni iki Inkotanyi zabuze ngo zibacyure guhera mu mwaka w’1994 ubwo zari zimaze kubohoza u Rwanda mu muvo w’amaraso? Ayo maraso zayameneye iki niba zigiye kwinginga ibihugu by’amahanga ngo bihe ubwenegihugu abanyarwanda zavugaga ko aribo zirwanira ngo zibacyure mu gihugu cyabo?

Hakenewe isesengura ryimbitse ryo kumenya abanyarwanda bari mu bihugu y’amahanga inkotanyi zacyuye abo aribo mubyukuri. Ese aho u Rwanda ntirushobora kuba rwarabohojwe n’agatsiko k’abicanyi n’amabandi kiyita impunzi z’abanyarwanda kandi ntaho gahuriye nazo? Impunzi nyinshi z’abanyarwanda zavuye muri Uganda nyuma y’umwaka w’1994, inyinshi murizo zarongeye zirahunga zisubira muri Uganda, izindi zikwira imisharo mu bihugu binyuranye, izisigaye ziricwa, none se impunzi Kagame na FPR bacyuye ni izihe?

Niba inkotanyi zitaragiriye impuhwe impunzi zatanze imitungo yazo n’abana bazo bakagwa ku rugamba rwazo kugirango zitahe mu Rwanda, none ubu izo nkotanyi zikaba ziri gusabira izo mpunzi guhera ishyanga; izo nkotanyi zagirira izihe mpuhwe abatutsi basigaye mu gihugu cy’u Rwanda bari babayeho mu mutekano ku butegetsi bwa Habyarimana?

Uwashobora kubona ibisubizo by’ibi bibazo twibaza, yabitugezaho tukabigeza ku banyarwanda.

Veritasinfo

Veritas

2 Comments

  1. Ibyiza FPR INYENZI INKOTANYI zavanye mu gihugu cy’ BUSAGYA: 1). KWICA, 2). KWIBA, 3). KUROGA, 4). GUKONA, 5). KUBESHYA, 6). UBUSAMBANYI ndenga kamere. IMICO MIBI GUSA: Nibyo twabonye bavanye mu BUSAGYA. kwa Papa wabo KAGUTA Yoweri M7.

Leave a Reply