Rwanda: FPR izavaho, ariko se ni nde uzashobora kuvura Abanyarwanda ibikomere batewe nayo?

Uyu ni umukongomani w'i Bunagana witwa Jonas BAZUNGU wishwe na RDF/M23! uru akaba arirwo rupfu Abanyarwanda bakomeje kwicwamo na FPR kuva mu w'1990

[Ndlr : FPR-Inkotanyi izavaho ariko igihugu cy’u Rwanda n’Abanyarwanda bazahoraho iteka ryose! Nubwo bimeze gutyo ariko , umugambi mubisha w’Inkotanyi wo kurimbura Abanyarwanda bo mu moko yose bari imbere mu Rwanda mbere y’umwaka w’1990 uzasiga ibikomere bigoye kuvura mu muryango nyarwanda imyaka myinshi. Inkotanyi zaje zicisha Abanyarwanda amasasu n’udufuni, none ubu zigeze mu mugambi wo kubicisha inzara bose! Nta Munyarwanda ufite uburenganzira bwo guhinga imyaka ngandurarugo ishobora kumutu, n’ugerageje guhinga urusenda bararurandura ngo ari kwica isoko rya FPR ! Iyo gahunda yo kurimbura Abanyarwanda niyo Inkotanyi zajyanye muri Congo (RDC) kuburyo Abaturage baho mu moko yose bagiye gushirira ku icumu! Ese iyi gahunda y’Inkotanyi hari icyo izamarira Abatutsi bo mu karere k’ibiyaga bigari ?]

Ku rubuga rwe rwa facebook, Bwana SAM KAYITARE arasobanura neza imigabo n’imigambi ya FPR (Killing machine) yo kurimbura Abanyarwanda bari mu gihugu mbere y’umwaka w’1990, aragira ati : « ubuzima twakuriyemo bw’ubuhunzi muri Uganda, twigishijwe ko umuhutu ari umuntu mubi, inyamaswa kandi ko Abahutu batagira ubwenge.

Niyo mpamvu intego yacu muri «FPR – Inkotanyi » yari ukubarwanya, tukabakura ku butegetsi ku kiguzi icyo aricyo cyose tutitaye ku batutsi bari mu gihugu kandi buhoro buhoro abo Bahutu  bakazibagirana. Abatutsi bari mu gihugu, twari tubizi ko nabo ari nk’Abahutu, barabanaga, bahanaga inka, barashyingiranaga, bafatanyaga gusingiza Habyalimana ku buryo gupfa kwabo ntacyo byari bitubwiye, ariko twahishaga ko tubafitiye urwango. Abo batutsi bo, bibeshyaga ko tubakunda kandi ko aribo tuje gutabara, ukuri ni uko aribo bari iturufu nziza yo kugira ngo tuzagere ku butegetsi.

Tumaze gutangira urugamba, twagombaga guteranya abahutu n’abatutsi kugirango icyo turwanira cyumvikane neza, twagombaga nanone kwica abahutu bishoboka, no kwica abatutsi bikitirirwa leta ya Habyalimana. Muri politiki yacu yo hejuru, byose twabigezeho, abahutu bica abatutsi, uwo musaraba ubajyaho biduha uburyo bwo kubica buhoro buhoro nta muntu n’umwe wabavugira cyangwa ngo abagirire impuhwe. Tumaze gufata ubutegetsi, abahutu twarabishe, turabica turongera turabica turaniyongeza kandi tuzakomeza.

Mu w’1994 intambara ikirangira, twaheraga kubari bafite ubwenge, abize, abacuruzi n’abandi, rimwe twabasangaga mu ngo, uwo tujyanye ibye byabaga birangiye, tutitaye ko yagize uruhare muri genocide cyangwa ko ntarwo yagize. Hari ubwo twarimburaga umuryango wose, hari ubwo twabatumiraga mu nama tukabarangiza, abagize amahirwe babashije gufungwa kandi nabwo ntibyatubuzaga kujya kubakura muri gereza. Urugero nabaha, nta muhutu n’umwe wabaye Burugumesitiri, cyangwa wabaye conseye, wabona mu Rwanda, bose twabahaye amafuni, abasigaye bakeya turunda muri gereza aho bazapfira buhoro buhoro.

Twagombaga kwigisha abana babo, tugahindura ibitekerezo mu mitwe yabo, ku buryo bumva banze ababyeyi babo bababyaye ari abahutu, kandi bakazahora basingiza FPR Inkotanyi, ibi twabigezeho twifashishije ingando, itorero ry’igihugu, na commission y’ubumwe n’ubwiyunge. Twagombaga gukora ku buryo Abatutsi bose bari mu Rwanda biga amashuri kugeza kuri kaminuza, bakabona imyanya myiza mu nzego zose z’igihugu, akazi keza, ku buryo umwaka wa 2034 ubwo perezida wacu azaba arangije mandats ze, nta muhutu uzaba ushoboye mu gihugu, kandi bose bazaba bambaza bakanakomera amashyi umuryango wacu wa FPR Inkotanyi.

Twashakaga ko Abahutu bazashobora kwiga baziga nabi, bagurisha ibyo batunze, nabwo barangiza ntibabone akazi cyangwa bagakora akazi katagira icyo kabamarira nk’ubwalimu. Uzagerageza kurwanya FPR Inkotanyi, aho yaba ari hose ku isi, tugomba kumushyiraho ibyaha, tukamuhiga ndetse no kumwica.

Nta bwenge bw’abahutu tuzabategeka imyaka 1000, tubicaye hejuru. HARAKABAHO FPR INKOTANYI, HARAKABAHO PAUL KAGAME. »

Facebook SAM KAYITARE.