Rwanda-France: Nyuma y’Ubufaransa, hasigaye Paul Kagame na FPR nabo kugaragaza uruhare rwabo muri jenoside batangije guhera mu 1990!

Kuri uyu wa mbere taliki ya 19/04/2021 nibwo leta igizwe n’agatsiko ka FPR-Inkotanyi kabohoje igihugu cy’u Rwanda yagejejweho raporo yadodewe n’ikigo cy’abanyamategeko bo mu gihugu cya « Leta Zunze Ubumwe z’Amerika (USA) » kitwa « Levy Firestone Muse ». Iyo raporo iri ku ma paje 600 ikaba igaragaza uruhare igihugu cy’Ubufaransa cyagize muri jenoside yakorewe Abatutsi mu mwaka w’1994. 

Bitewe n’uko Paul Kagame yaburiwe irengero akaba yigaragaza mu mashusho gusa, ministre w’Ububanyi n’amahanga  Vincent BIRUTA  wamusimbuye mu ibanga ku mwanya wa perezida, niwe wagiranye ikiganiro n’abanyamakuru maze agira icyo avuga kuri iyo raporo badodewe n’Abanyamerika. Biruta yavuze ko raporo bagejejweho yuzuzanya na raporo yakozwe na komisiyo yashyizweho na perezida w’ubufaransa Emmanuel Macron yo kureba uruhere leta y’Ubufaransa yagize muri jenoside yabaye mu Rwanda; iyo komisiyo y’Abafaransa ikaba yari iyobowe n’umuhanga mu mateka Bwana Vincent Duclert.

Raporo zombi zigaragaza ko leta y’Ubufaransa yagize uruhare rukomeye mu gushyigikira leta ya Habyarimana mu bikorwa byo gutegura jenoside; nubwo bimeze gutyo ariko, izo raporo zombi zigaragaza ko igihugu cy’Ubufaransa kitishoye mu bikorwa by’ubufatanyacyaha mu gukora jenoside yabaye mu Rwanda (complicité dans le génocide). Biruta yavuze ko leta yari iyobowe na Perezida w’Ubufaransa François Mitterrand yahaye intwaro leta ya Habyarimana, iyiha n’ubufasha bwa politiki mu bubanyi n’amahanga no gutoza abasilikare, ibyo byose bikaba byarayifashije gushyira mu bikorwa jenoside. Nyuma y’1994 Ubufaransa bwakomeje kugora leta y’inkotanyi , aho icyo gihugu cyashoye abasilikare b’inkotanyi bashinjwa guhanura indege ya perezida Juvénal Habyarimana ari nayo yabaye imbarutso ya jenoside mu nkiko no gukingira ikibaba abakoze Abahutu bashinjwa jenoside.

Biruta agaragaza ko nyuma y’izi raporo z’ibihugu byombi kuri jenoside, umubano wabyo ugiye kuba nta makemwa! Raporo ya Mucyo yashinjaga ingabo z’Abafaransa kwica abatutsi no gusambanya Abatutsikazi yahinduwe ibipapuro. Ikintu gitangaje ni uko leta y’Inkotanyi yashoye abaturage mu kinyoma cyo kubeshya ko basambanyijwe n’abasilikare b’abafaransa ku ngufu, nk’abo baturage ubu bakira bate ibivugwa muri izi raporo zombi? Ese leta ya FPR izabasaba imbabazi ko yabashoye mu binyoma byo guhimbira ibyaha Abafaransa? Nk’uko impande zombi zibivuga izi raporo ni umukino wa gishuti wa politiki Macron yibereyemo n’inkotanyi kugirango azabone amajwi mu matora ateganyijwe mu Bufaransa umwaka utaha w’2022! Leta y’inkotanyi ivuga ko itazifashisha raporo yakorewe n’Abanyamategeko b’Abanyamerika ngo ikuremo ibirego ijyana mu nkiko byo kurega Abafaransa cyangwa se ngo isabe leta y’Ubufaransa gusaba imbabazi!

Twizereko na leta y’Ubufaransa nayo ihagaritse ibyo gukurikirana mu nkiko Inkotanyi zakoze ishyano ryo guhanura indege ya Habyarimana yabaye imbarutso ya jenoside mu Rwanda, ariko se Abafaransa bazanjya no kubuza ubutabera bw’igihugu cya Espanye kureka gukurikirana abo bicanyi? Nyuma yo gusaba imbabazi bikozwe n’igihugu cya leta zunze ubumwe z’Amerika (USA) ndetse n’Ububiligi, Ubufaransa nabwo bwari busigaye , bugaragaje bugaragaje uruhare rwabo muri jenoside y’Abanyarwanda bwirengagije ubwicanyi FPR yakoreye Abanyarwanda kandi ikomeje gukora; leta ya Habyarimana n’Abahutu muri rusange nabo bageretswe ku gatwe kabo jenoside yateguwe ndetse igatangizwa na FPR ; Abahutu bose bakaba barahanwe ndetse n’abana babo bari bataravuka igihe iyo jenoside yabaga bakaba baragezweho n’ibyo bihano!!

Ni ukuvuga ko abantu n’ibihugu byose leta ya FPR yashyiraga mu majwi ko aribo bakoze jenoside barangije kugaragaza uruhare rwabo; ku buryo bw’umwihariko ku gihugu cy’Ubufaransa Biruta yabivuze muri aya magambo , yagize ati : « Birarangiye nta muntu numwe uzongera gushyira Ubufaransa mu majwi kuri jenoside yo mu Rwanda« . Niba bimeze gutyo rero ,abantu bose bakaba barisobanuye, abahanwa bagahanwa, hasigaye kumenyekana uruhare Paul Kagame na FPR-Inkotanyi bagize muri jenoside batangije kuva mu mwaka w’1990! Inkotanyi nazo zigomba kugaragaza uruhare rwazo muri iyo jenoside kandi zikitegura kwirengera ingaruka zazo. Niba inkotanyi zikomeje guceceka zizaba zemera ko jenoside yose iziri ku mutwe!  Abahutu n’Abatutsi ndetse n’Abatwa bishwe na FPR bagomba guhabwa ubutabera, ese inkotanyi ziteguye neza kubazwa uruhare rwazo muri jenoside? Muri iyi minsi imibiri y’Abanyarwanda bishwe na FPR itangiye kugaragara hirya no hino mu gihugu, ese FPR izayigereka kuri nde ko abo yashinjaga jenoside bose barangije kugaragaza uruhare rwabo?

Amateka niyo azaduha igisubizo.

veritasinfo

2 Comments

  1. Selon Bizimana JD, le génocide dit des Tutsi a été planifié. L’absence de planification exclut la qualification de génocide. Il soutient que cette planification date des années fin 50. Ses auteurs sont tous les dirigeants Hutu: Kayibanda et Habya.

  2. Amacenga ari hanze aha!!! amateka arituramiye, ngo iyo ikinyoma gifashe ascenseur, ukuri guca muri escalier ariko kukagerayo.

Poster un Commentaire

Votre adresse de messagerie ne sera pas publiée.