Rwanda: Haravugwa ubwicanyi bw’ikivunga bw’abagororwa bari muri gereza ya Mpanga

Nyuma y’umwaka w’1994 ubwo abicanyi b’inkotanyi bo muri FPR bari bamaze kubohoza igihugu, hakurikiyeho igikorwa cyo kwica no gufunga Abanyarwanda bose bajijutse bo mu bwoko bw’Abahutu  bari mu nzego z’ubuyobozi bw’igihugu kuva muri selire kugera mu rwego rwa ministeri. Inkotanyi kandi zishe ndetse zinafunga Abanyarwanda benshi bo mu bwoko bw’Abahutu bari abakozi ba leta kuva kuri mwarimu kugera mu rwego rwo hejuru. Abo bayobozi n’abo bakozi ba leta bose bishwe, abandi bagafungwa banze guhunga igihugu kuko bumvaga ntacyo bishinja kandi biteguye kuzayoborwa n’inkotanyi zari zimaze kubohoza u Rwanda.

Abo bayobozi bose n’abo bakozi ba leta bashoboye kurokoka ubwicanyi bw’inkotanyi bafungiwe mu magereza atandukanye mu gihugu aho bakorewe ibikorwa by’iyicarubozo birimo no kubagaburira impungure z’ibigori zivanzemo ifu y’amacupa aseye. Abenshi muri izo mfungwa bishwe n’ibyo bikorwa by’iyicarubozo kimwe n’ayo macupa bahabwa mu biribwa kugeza nubu bikaba bigikorwa. Mu mwaka w’1998, imfungwa zari muri gereza ya Cyangugu zakusanyije ibice by’amacupa (utuvungukirwa) batoraguraga mu mpungure z’ibigori bigeze ku bilo 3 byareka abazungu bo mu muryango utabara imbabare wa Croix Rouge Internationale wagemuraga ibyo bigori, abo bazungu bakaba baravuze ko ibyo ntacyo babikoraho kuko ayo macupa ataribo bayashyiramo.

Nyuma y’ibyo bikorwa byose byo kwica izo mfungwa z’abanyabwenge , ntabwo byabujije ko harimo abakomeje kubaho, nibwo Kagame na FPR bafataga icyemezo cyo gukusanyiriza izo mfungwa zose z’Abanyabwenge zari hirya no hino mu magereza atandukanye mu gihugu, zishyirwa muri gereza ya Mpanga kugirango imiryango yazo itazashobora kuzigemurira maze zikomeze guhabwa uburozi bwo kuzica vuba. Kugirango Inkotanyi zibone Amafaranga zahinduye gereza ya Mpanga gereza iri ku rwego mpuzamahanga kuko zari zimaze kumvikana na ONU ko igiye kuzoherereza abagororwa bo mu bindi bihugu. Ni muri ubwo buryo muri iyo gereza hari abagororwa bavuye mu gihugu cya Sierra Léone.

Gereza ya Mpanga ikaba ari nini cyane kandi irinzwe ku buryo bukomeye, imfungwa z’Abanyarwanda bajijutse zifungiye muri iyo gereza harimo n’Abanyarwanda boherejwe n’ibihugu bari barahungiyemo bagera ku bihumbi 7 (7000).  Abo banyabwenge bose bakaba barahamijwe n’inkotanyi icyaha cya jenoside maze bahanishwa igihano cyo “Gufungwa burundu y’akato“, icyo gihano kikaba kitemewe n’amategeko mpuzamahanga arengera uburenganzira bwa muntu. Muri iki gihe isi yose ihanganye n’icyorezo cya Covid-19, abicanyi b’inkotanyi bahinduye icyo cyorezo intwaro ya kirimbuzi. Gereza ya Mpanga ikaba yarashyizwe mu kato kadasanzwe, nta muntu ushobora kuyegera, Abicanyi b’inkotanyi bongeye guhimba ikindi kinyoma, aho bavuga ko muri iyo gereza ya Mpanga havumbuwe icyorezo cya “Coronavirus Nyarwanda!

Amakuru atangwa na bamwe mu baturage begereye iyo gereza ndetse ayo makuru akaba ashimangirwa na bamwe mu bacungagereza badashaka kugaragaza umwirondoro wabo kubera ikibazo cy’umutekano wabo, yemeza ko hashize icyumweru, abo baturage n’abo bacungagereza babona imodoka z’ambulance (imbangukiragutabara) zinjira muri iyo gereza ya Mpanga mu masaha y’ijoro, zigatwara abagororwa b’Abanyarwanda bafungiyemo zikabajyana ahantu hatazwi. Nta bitaro abo bagororwa baba bajyanye babarizwamo, nta nubwo umwirondoro w’abagororwa bajyanwa n’izo z’Ambulance uzwi, bitewe n’uko Abagororwa bo muri gereza ya Mpanga bafungiye buri wese mu kumba ke (akato) nta n’ubwo abagororwa ubwabo bayirimo bamenya igihe abandi bagororwa bavaniwe muri iyo gereza cyangwa ngo bamenye abantu babatwaye n’aho babajyanye!

Iki kibazo cyo kunyereza Abafungwa b’abanyabwenge bafungiye muri gereza ya Mpanga giteye inkeke kuburyo bisaba umunyarwanda wese, yaba abari imbere mu gihugu cyangwa hanze yacyo kubatabariza, byaba ngombwa hakaba imyigaragambyo yo gusaba umuryango w’Abibumbye ONU kubatabara! Muri iyi gereza niho Inkotanyi zashimutiye umunyepolitiki Twagirimana Boniface kugeza ubu zikaba zitaravuga aho zamushyize.

Nyabuneka Banyarwanda ni mutabare kandi mutabaze.

Veritasinfo.

Subscribe
Notify of
guest
4 Comments
Oldest
Newest Most Voted
Inline Feedbacks
View all comments
CESAR
CESAR
2 April 2021 14 h 51 min

Une campagne internationale sur les crimes abominables de Kagame et les siens encore vivants doit être menée sur les 4 continents. La Commission des Droits de l’homme de l’ONU, le Commonwealth, les USA, protecteurs de criminels doivent être saisis.

CESAR
CESAR
2 April 2021 14 h 54 min

Si le Commonwealth est au service des citoyens des Etats membres, dans le cas présent, celui des Rwandais, il doit mettre en quarantaine Kagame et sa clique. Il doit aider les Rwandais a mettre hors-jeu des criminels, sous peine d’être complice.

CESAR
CESAR
4 April 2021 14 h 06 min

La création et l’existence de ce camp de la mort en douceur s’inscrit dan le droit-fil du programme planifié de Kagame: liquider les deux Républiques Rwandaises (leurs serviteurs) puis réduire les paysans à une proportion acceptable par lui.

CESAR
CESAR
4 April 2021 14 h 16 min

1/ détruire la tête pensante de l’Etat Rwandais,2/réduire les paysans rwandais à une certaine proportion,3/ abrutir les nouvelles générations majoritairement Hutu nées peu avant et sous régime Kagame: conditions sine qua none pour exercer le pouvoir.