Rwanda: Igitutu cya Doct.Denis Mukwege gitumye inkotanyi zemerako zakoze jenoside muri Congo!

Doct Denis Mukwege yizerako urukiko ruzaburanisha mapping report ruzajyaho kuko Congo noneho iyobowe n'umuperezida utarijanditse muri ubwo bwicanyi.

“Urushyize cyera ruhinyuza intwari “! Kuva umwaka ushize w’2019, Doct. Denis Mukwege, umuganga w’indwara z’abagore ukorera mu bitaro biri i Mpanzi mu mujyi wa Bukavu muri Repubulika Iharanira demokarasi ya Congo yatangiye urugamba rwo gusaba Umuryango w’Abibumbye ONU, gushyiraho urukiko mpanabyaha mpuzamahanga rwo kuburanisha abakoze ibyaha bivugwa muri raporo mapping ya Loni igaragaza ubwicanyi ndengakamere bwakorewe impunzi z’abanyarwanda n’abakongomani ku butaka bwa Congo kuva mu mwaka w’1993 kugera mu 2010.

Icyifuzo cya Doct. Denis Mukwege cyo gushyiraho “urukiko mpuzamahanga rwa Congo” cyahise gishyigikirwa n’abantu benshi ku isi cyane ko icyo gitekerezo cyari kimaze gutangwa na Mukwege wari umaze guhabwa igihembo cy’amahoro ku isi (Prix Nobel de la paix). Amahanga yarushijeho gushyigikira Doct. Denis Mukwege cyane ubwo Kabare James yari atangiye ibikorwa byo kumwibasira no kumutera ubwoba bwo kumwica! Ikibazo cyarushijeho gukomera kugeza ubwo Joe Biden wo mu ishyaka ry’aba Démocrates ubu watsindikiye kuba perezida wa USA nawe yashyigikiye igitekerezo cya Doct.Denis Mukwege cyo gushyiraho urukiko rwa Congo rugomba kuburanisha abakoze ibyaha bivugwa muri rapport Mapping ya ONU yasohotse mu mwaka w’2010.

Muri iki gihe inkotanyi zimaze kubona zisumbirijwe , ko byanze bikunze zigomba kuzagezwa impere y’ubutabera zigakubitwa intahe mu gahanga, zatangiye amayeri yo kuvugako jenoside yakorewe impunzi z’abahutu muri Congo yakozwe n’abasilikare b’ingabo z’abahutu zo ku butegetsi bwa Habyarimana Juvénal zinjijwe mu nkotanyi nyuma y’aho zibohoreje u Rwanda mu mwaka w’1994! Gen BM. Habyarimana Emmanuel yagiranye ikiganiro kirambuye n’umuyobozi wa Radiyo Ubumwe maze asobanura neza ko icyo kinyoma cy’inkotanyi kizafata ubusa. Habyarimana yavuze ko ingabo z’abahutu zavanzwe n’inkotanyi nyuma y’1994 zitarenga abantu 300 kandi ingabo z’inkotanyi zakoze ubwicanyi muri Congo zikaba zari zigizwe n’abasilikare b’abatutsi b’indobanure barenga ibihumbi 100!

Gén. Emmanuel Habyarimana yagaragaje neza ko kuva cyera inkotanyi zagiye zikoresha ikinyoma maze kigashyigikirwa n’abazungu bayobora ibihugu bikomeye ariko ko aho igihe kigeze, ko ibyo bihugu bitagishyigikiye icyo kinyoma cy’inkotanyi. Gén. Emmanuel Habyarimana yavuze ko icyo kinyoma cy’inkotanyi kizamera nk’ikinyoma inkotanyi zabeshyeye abanyarwanda b’abahutu zivuga ko bishe ba mukerarugendo b’abanyamerika kugirango icyo gihugu gikomeze gushyigikira agatsiko k’inkotanyi kari ku butegetsi mu Rwanda, icyo kinyoma ariko kikaba kitarazihiriye kuko Gén. Emmanuel Habyarimana na Faustin Twagiramungu Rukokoma barahagurutse bakajya mu rukiko muri Amerika (USA) berekana ko abo banyarwanda babeshyerwa; ku bw’amahirwe abo banyarwanda bakaba baratsinze urwo rubanza maze inkotanyi zigacyura umunyu.

Gén. Habyarimana Emmanuel yavuzeko yiteguye kuzitaba urukiko ruzaburanisha rapport Mapping maze agashyira ahagaragara ibinyoma by’inkotanyi. Muri icyo kiganiro Gen. Emmanuel Habyarimana yagize icyo abwira Neretse wanditse inkuru irimo ibitekerezo bisa n’ibishyigikira ikinyoma k’inkotanyi, aho yavuzeko abahutu bifatanyije n’inkotanyi muri leta yashyizweho mu w’1994 badashishoza, Habyarimana akaba yaramubwiye muri aya magambo:

Mugusubiza Neretse, Gén. Emmanuel Habyarimana aribaza niba gahunda yafashwe yo kugabanya abasilikare ku butegetsi bwa Habyarimana no kubafunga ndetse no kutabaha ibikoresho bihagije nyuma bagatsindwa intambara aribyo dushobora kwita ubushishozi! Ikingenzi muri iki kibazo ni uko FPR- Inkotanyi yemera ko abasilikare bayo, baba abahutu cyangwa abatutsi, bakoze jenoside muri Congo bakaba bagomba kwitegura kuzawunywa. Inkotanyi zibwira ko gushyira ubwicanyi ku bahutu bizajya bizigira abere, icyo kinyoma kikaba cyarashaje kandi ubwicanyi zakoze ntabwo zishobora kubwegeka kuri Kagame wenyine ngo bikunde kuko abakoze ubwo bwicanyi bose barazwi n’amazina yabo akaba yanditse muri raporo mapping.

Harakabaho ubutabera

Fungura hasi aha ikiganiro cyose habyarimana yagiranye na Madame Espérance Mukashema kuri radiyo Ubumwe.

Subscribe
Notify of
guest
3 Comments
Oldest
Newest Most Voted
Inline Feedbacks
View all comments
NYONINYINSHI
NYONINYINSHI
30 November 2020 20 h 14 min

Ibyiza “FPR INYENZI INKOTANYI zavanye mu gihugu cy’ ” BUSAGYA” , ni: KWICA, KWIBA, KUROGA, KUBESHYA ukongeraho n’UBUSAMBANYI ndenga kamere. ” Nibyo twabonye bavanye mu “BUSAGYA”. kwa “Papa wabo “KAGUTA Yoweri M7”.

Zac Biampa
Zac Biampa
30 November 2020 22 h 15 min

Ahubwo uyu BEM Habyarimana yagombye gushimira undi BEM Neretse kuko amukangurira kimwe n’abandi ba officiers b’abahutu bayobotse Inkotanyi ko bagomba gutegura uko baziregura mu gihe FPR izabagerekaho ubwicanyi buvugwa muli Mapping Report.

Joao
Joao
9 December 2020 21 h 30 min
Reply to  Zac Biampa

@ Zac Biampa, ndemeranya nawe rwose. Aba ba BEM batangire bige uko baziregura umunsi wageze wo kubagerekaho urusyo! Ariko se buriya bajya bicuza impamvu bayobotse ra? Njya nibaza kabisa. Nizereko uwo munsi uzagera ubutabera bugatangwa.