Rwanda : Ikinyoma cya CNLG cy’uko miliyoni y’abatutsi yishwe mu minsi 55, cyakubitiwe ahareba Inzega !

Ubwonko bwa Bizimana Jean Damascène bwogejwe ryari?

FPR yatuzaniye amahano menshi, ikinyoma cyagizwe umwuga! Muri iki gihe, abana b’abanyarwanda batangiye kwanga kujya mu ishuri kwiga ubumenyi bitewe n’uko bari kubona abayobozi bakuru b’igihugu bize amashuri menshi bakaminuza, ntaho imitekerereze yabo itaniye n’iy’umuntu utarigeze akoza ikirenge mu ishuri! Urugero rutari kure,  ni urw’umuyobozi wa CNLG Bwana Bizimana Jean Damascène utazi gukora umwitozo woroshye cyane  wo guteranya no gukuramo imibare y’abatutsi bishwe n’abarokotse muri jenoside yo mu 1994 kandi umwitozo nk’uwo ukorwa n’abana bo mu mwaka wa mbere w’amashuri abanza! Nyamara Bizimana Jean Damascène afite impamyabumenyi y’ikirenga yo mu rwego rwa dogiteri (doctorat)! Bwana Freeman Singirankabo akaba agiye kutwereka ku buryo busobanutse neza ubuswa n’ikinyoma cya CNLG na Bizimana Jean Damascène!

Mu kiganiro yise “Stidiyo Umutware“, Bwana Freeman Singirankabo yagaragaje ikinyoma giteye isoni cya Bwana Bizimana Jean Damascène umuyobozi wa komisiyo y’igihugu ishinzwe kurwanya jenoside CNLG. Icyo kinyoma cya semuhanuka giteye gite? Bwana Freeman Singiranka arabidusobanurira muri aya magambo:

Freeman Singirankabo aragira ati: Ku italiki ya 27/05/2020, ikigo cy’igihugu cya CNLG cyasohoye inyandiko iri mu rurimi rw’icyongereza yuzuyemo ikinyoma kimeze nk’icya Semuhanuka! Muri iyo nyandiko, Bwana Bizimana Jean Damascène Umuyobozi wa CNLG yavuze ko mu minsi ya nyuma y’ukwezi kwa Gicurasi 1994, abanyarwanda bo mu bwoko bw’abatutsi barenga miliyoni bari bamaze kwicwa! Freeman Singirankabo akaba akora isesengura ry’iki kinyoma mu buryo buteye butya:

Ukwezi kwa Mata kugira imini 30, perezida Habyarimana akaba yarishwe ku italiki ya 6/04/1994, ubwicanyi bwa jenoside bugahita butangira ubwo. Ni ukuvuga ko ku italiki 31/05/1994 hari hashize iminsi 55 ubwo bwicanyi buri kuba, muri iyo minsi akaba ariyo CNLG ivuga ko abatutsi barenga miliyoni bari bamaze kwicwa! Dore ibinyoma bya CNLG:

1)CNLG iremeza ko ku italiki 31/05/1994, umubare w’abatutsi barenga miliyoni bari bamaze kwicwa!

2)Ibarura rya nyuma ry’abanyarwanda ryabaye mu mwaka w’1991 ryerekanye ko umubare w’abanyarwanda bo mu bwoko bw’abatutsi bari bageze ku bihumbi 596400. Bisanzwe bizwi ko mu bihe bitarimo intambara, ubwiyongere bw’abaturage bwiyongeraho 3%. Hagendewe kuri iyo mibare y’ubwiyongere bw’abaturage, bigaragara neza ko mu kwezi kwa Mata 1994 umubare w’abatutsi bose bari mu Rwanda bari ibihumbi 651701.

3)Umuryango w’abibumbye ONU ufatanyije n’umuryango HRW wita ku burenganzira bw’ikiremwamuntu , batangaje ko abanyarwanda bo mu bwoko bw’abatutsi bagera ku bihumbi 150 aribo barokotse jenoside; Ibyo bikaba bivuga ko abatutsi bishwe muri jenoside ari ibihumbi  651701 dukuyemo abarokotse 150000, hakaba harishwe abanyarwanda bo mu bwoko bw’abatutsi ibihumbi 501701.

Leta ya Kigali yemeza ko mu mpera za Gicurasi mu mwaka w’1994, hari hamaze gupfa abantu barenga miliyoni kandi bizwi neza ko nta mubare w’abatutsi bangana gutyo babaga mu Rwanda, ubwo ni ukuvuga ko mu mpera za Gicurasi mu mwaka w’1994 hari abandi banyarwanda batari abatutsi barenga ibihumbi 500 bari bamaze kwicwa! Igitangaje kandi ni uko ubwo bwicanyi bwakomeje na nyuma y’ukwezi kwa Gicurasi 1994 kugeza ubu!Ubwo se ko  abatutsi bari bararangije kwicwa muri Gicurasi 1994, abandi bantu bakomeje kwicwa nyuma yaho ni abanyarwanda bo mu buhe bwoko?

Iki kinyoma cya CNLG Singirankabo agaragaje cyavuzwe no muri filime yitwa “Rwand’s untold story” yakozwe n’umunyamakuru wa BBC witwa Jane Corbin; aho kugirango leta ya Kigali isobanure iryo hurizo ry’ikinyoma, ahubwo yafashe icyemezo cyo kwirukana BBC gahuzamiryango mu Rwanda kandi filime yarakozwe mu cyongereza! Igikomeje gutera ikidodo leta ya Kagame ni uko noneho urubyiruko rw’abanyarwanda ubwarwo arirwe rutangiye gukubitira ahareba inzega ikinyoma cya Leta ya Kigali ibinyujije muri CNLG, ngiyo impamvu ikiganiro cya Gatebuke Claude n’abo bafatanyije  bise ” Ribara uwariraye” gikomeje kuvugisha amangambure leta ya Kagame n’intore ziyishyigikiye!

Niba urubyiruko rutangiye kugaragaza ibinyoma bya leta ya Kagame, biragaragara ko iyo leta yashaje, ikaba igomba kuva mu nzira. Nk’uko Mutagatifu Kizito Mihigo yagiriye impuhwe abacamanza bamukatiye igifungo cy’imyaka 10 kandi ari umwere, ibyo bakaba barabikoreshejwe n’ubwoba, nanjye mbabajwe n’abantu bameze nka  Bizimana bamaze igihe kirekire bicaye ku ntebe y’ishuri ariko ubumenyi bahashye FPR ikaba yarabukubye na zero, bakaba basigaye batekereza nk’abantu batazi gusoma no kwandika!

Hasi aha murakurikirana ku buryo burambuye ibisobanuro bya Freeman Singirankabo ku kinyoma cya Semuhanuka cyatangajwe na CNLG

S’abonner
Notifier de
guest
3 Commentaires
le plus ancien
le plus récent le plus populaire
Inline Feedbacks
View all comments
Marie Jeanne Rutayis
Marie Jeanne Rutayis
8 juin 2020 17 h 24 min

CNLG izakomeza kubeshya amateka kugeza ryari? Ese izakomeza kwirengera ubwicanyi kwa FPR kugeza ryari? Nyamara ibipindi byabo byataye agaciro

Ali Kadage
Ali Kadage
8 juin 2020 23 h 30 min

Bizimana Jean Damascène ashaka kwambika izera FPR inkotanyi kugirango bihure naya baruwa yanditswe mu mpera z’ukwa gatanu na Gahima na Dusayiti yasabaga ONU ko itakohereza ingabo zo guhagarika ubwicanyi

Yves Rugunga
Yves Rugunga
9 juin 2020 5 h 47 min

Ibyo avuga ni negasionisme nsa.Niba atigiza nkana amenye ibi bikurikira:
1. Leta yanyongaga buri gihe imibare nyayo y’abatutsi.Babanje kuba 15%, nyuma baba14% nyuma 10%none ngo 8%. Ni akumiro gusa.
2. Hari benshi bari barahinduje kandi nabo barishwe