Rwanda : Inama nagira Gilbert MWENEDATA nyuma yo gusezera muri « Rwanda Bridges Builders –RBB »

15 septembre 2021 Veritas Kinyarwanda 0

Ese Abahutu bashobora kwibagirwa ababo bishwe n'Inkotanyi?

Nasomye nitonze ibaruwa Bwana Gilbert MWENEDATA yandikiye abayobozi b’imiryango igize RBB (Rwanda Bridge Builders), abagezaho ugusezera kwe burundu muri RBB no kuva ku buyobozi bwa Comité yayo. Ubusanzwe gusezera ku murimo uyu n’uyu nta kibazo kibirimo, ni ibisanzwe tumenyereye, ndetse haba n’igihe bifatwa nk’ubutwari.

Twumijwe n’ibikubiye mu ibarwa yanditse yegura, aho agaragaza ko ubwicanyi bwakorewe abahutu butagomba kuvugwa ndetse ngo bunahabwe inyito ibukwiriye bitewe n’uburyo bwagiye bukorwa, ko ahubwo bugomba gucecekwa, bityo ababukoze ntibazigere babuhanirwa. Ibi akabivuga nkana yirengagije icyegeranyo cyakozwe n’impuguke za Loni cyiswe « Rapport Mapping », aho bavuga ko ibyaha by’iyicwa ry’impunzi z’abahutu ndetse n’abanyekongo babugendeyemo, bwakorewe muri Repubulika Iharanira Demokarasi ya Congo bishobora kwitwa Genocide biramutse byemejwe n’urukiko.

Ingabo za Loni zari mu nkambi i Kibeho nizo zatoraguraga imirambo y’impunzi z’Abahutu bari bamaze kwicwa n’Inkotanyi

Uretse kandi ibyaha byakorewe muri Congo, uyu munyapolitiki wigeze no gushaka kwiyamamariza umwanya w’umukuru w’igihugu, arirengagiza ubwicanyi abatutsi b’Inkotanyi bagiye bakora kuva batera u Rwanda rwababyaye, ndetse arihanukira akavuga yemeza ko abahutu baramutse bamenye ko icyabakorewe ari genocide ngo bakwihorera! Ese acyeka ko ibyatubayeho tutabizi? Ntabwo twabyibagiwe. Icyo dutegereje kandi dusaba ni ubutabera, naho ibyo kwihorera nta shingiro bifite, kuko abatwiciye turabazi ndetse turanahorana, ariko ntitwigeze twihorera.

Imyumvire y’uyu munyapolitiki ntaho itaniye n’iya Charlotte MUKANKUSI ndetse n’iya RUGEMA Kayumba bahora bavuga ko ubwicanyi  bwakorewe Abanyarwanda b’abahutu ntacyo bubabwiye. Mbese imyumvire n’imigirire yabo ntaho itaniye n’abishe KIZITO MIHIGO wabonaga ko n’abahutu bishwe na bo ari abantu. Niba koko uyu munyapolitiki ashyira mu gaciro, kuvuga ko hari abahutu ibihumbi n’ibihumbi biciwe i KIBEHO tariki 22 Mata 1995 ni ukuvuga amateka atari yo ? Ese kuvuga ko abahutu biciwe mu buvumo bwa Kanama muri Kanama 1997 ni uguhimba amateka?

Ese kuvuga ko abahutu biciwe muri stade ya Byumba ni uguca inka amabere? Ese kuvuga ko abahutu bishwe n’Inkotanyi z’abatutsi muri opération « PUNGUZA (WAJINGA) » ni amakabyankuru ? Ese kuvuga ko abahutu bishwe muri za nama zakoreshwaga aho Inkotanyi zabaga zimaze gufata ngo dukwiriye kubimira, tukabiceceka ngo dukunde dushimishe abatutsi b’abahezanguni? Ese ubwicanyi bwakorewe abahutu mu majyaruguru y’u Rwanda, ETO Kicukiro, Kibungo, Butare ndetse n’ahandi na byo tubyibagirwe ?

Ese ibyadukorewe za Tingi-Tingi, Shabunda n’ahandi mu mashyamba ya Congo ntabwo ari génocide? Kuki uyu munyapolitiki avangura abapfuye, baba abishwe n’interahamwe ndetse n’abishwe n’abatutsi b’Inkotanyi? Ubu yashobora ate guhuza abantu no gutanga ubutabera bwunga? Ese yaba azi neza ko izo nterahamwe zishe abatutsi zari ziyobowe n’umututsi ari we KAJUGA Robert? Ese yaba azi ko izo Nkotanyi z’abatutsi akingira ikibaba zari zaroherejwe mu nterahamwe na bene wabo b’abatutsi mu kwica bene wabo, urugero rufatika akaba ari uwitwa KIYAGO wamamaye mu kwica abatutsi?

Inkotanyi zishe abana, abagore n’abasaza b’impunzi z’Abahutu bari mu nkambi zari muri Zaïre/Congo ntagutoranya

Koko kuba Gilbert Mwenedata  ahakana nkana ndetse akanapfobya  ubwicanyi ndengakamere bwakorewe abahutu n’ubu bugikorwa na bene wabo b’abatutsi b’inkotanyi, hari icyo yamarira umuryango nyarwanda? Ubusanzwe, hejuru y’akarimi gasize umunyu, yakunze kugaragara nk’aho yaba indacyemwa, ndetse nta wakekaga ko yaba umuhezanguni bene ako kageni. U Rwanda rufite ibyago kubona abarwanira imyanya ikomeye yo kuyobora igihugu ari abantu baritswemo n’ivanguramoko rikomeye.

Kubona n’uyu BIZIMANA Jean Damascène twita umuhezanguni kabuhariwe abaruta, kuko byibuze muri thèse ye ya doctorat yashyize ahagaragara tariki 13 Gashyantare 2004 yaremeje ko hari ubwicanyi ndengakamere bwakorewe abanyarwanda bo mu bwoko bw’abahutu, Urukiko mpuzamahanga mpanabyaha ku Rwanda rwakoreraga Arusha muri Tanzania rwirengagije guhana ! Niba koko mugeze aho murutwa na BIZIMANA Jean Damascène twese tunenga, mubona muri abanyapolitiki abanyarwanda bakeneye?

Ndi mwebwe rero, nakwiyambura umwambaro wa opposition nkisubirira mu Rwanda, mwaba mufitanye ikibazo na Kagame mukamusaba imbabazi kuko akunda abamupfukamira, yanabagabira imyanya, bityo mugatunga mugatunganirwa. Ubundi mukikomereza gahunda zanyu zo guhonyora inyoko muhutu, mukikomereza kubagira abacakara, byanarimba Kalinga ikongera igahabwa umurishyo. Umuntu akurikije imigambi mufite asanga ukuri kuri kure nk’ukwezi.

Ndangize ngira nti: umuco wo kudahana ukwiye gucika i Rwanda, kandi « agatinze kazaza ni amenyo ya ruguru ».

 

NKURANGA Clément

Umusomyi wa Veritas Info

Melbourne, Australie

42 Comments

  10. Useful information. Fortunate me I found your website unintentionally, and
    I am stunned why this twist of fate didn’t came about earlier!
    I bookmarked it.

  12. Write more, thats all I have to say. Literally, it seems as though you relied on the video to make your point.
    You obviously know what youre talking about, why throw away your intelligence on just posting
    videos to your blog when you could be giving us
    something enlightening to read?

  13. I’m not that much of a online reader to be honest but your sites really nice,
    keep it up! I’ll go ahead and bookmark your website to come back in the future.
    Cheers

  14. Have you ever thought about creating an ebook or guest authoring on other websites?

    I have a blog centered on the same ideas you discuss and would really like
    to have you share some stories/information. I know my subscribers would appreciate your work.
    If you’re even remotely interested, feel free to send me an e mail.

  18. I loved as much as you will receive carried out right
    here. The sketch is attractive, your authored subject matter stylish.
    nonetheless, you command get bought an nervousness over that you wish be
    delivering the following. unwell unquestionably come
    further formerly again as exactly the same nearly a lot often inside case you shield this hike.

  20. I was wondering if you ever thought of changing the layout of your blog?
    Its very well written; I love what youve got to say.
    But maybe you could a little more in the way of content so people
    could connect with it better. Youve got an awful lot of text for only having 1 or two
    images. Maybe you could space it out better?

  21. I’m curious to find out what blog system you are
    working with? I’m having some small security issues with my latest website and I’d
    like to find something more secure. Do you
    have any suggestions?

  26. Woah! I’m really loving the template/theme of this
    site. It’s simple, yet effective. A lot of times it’s tough to get that « perfect balance » between usability and appearance.
    I must say you have done a superb job with this.
    In addition, the blog loads very fast for me on Safari.
    Outstanding Blog!

  40. Hagombye kubaho code de conduite igenga buri umwe wese ushaka guhagararira ishyaka cg societe civile. Muri rbb mubyigeho. Imigirire ya Mwenedata yanteye kwibaza kuri mwese muyobora amashyaka cg societe civile. Mwe mugize Rbb nimwe mbwira.

  41. ariko ubundi ko mupfa gusamira hejuru ibije byose mwenedata mwari mumuzi hehe ?ikibazo mufite uje wese avuga nabi kagame na FPR ye muhita mumusamira hejuru ,kuki se ataba ari gatumwa mwumvaga se yabamarira iki ?mutimariye mu myaka 27 yose mu maze ?
    Ibishashagirana byose si zahabu ni mumenya
    Gutandukanya ururo n’urwatsi muzatsinda
    Naho ubundi les opposants fabriqué sont numbres.

  42. UWAROZE INKOTANYI NTIYAKARABYE§
    Urukiko rw’ubucuruzi mu Rwanda rwatesheje agaciro ikirego cy’uruganda rwa Nyakwigendera Assinapol Rwigara cyasabaga gutambamira cyamunara ya hoteli iri ahitwa mu Kiyovu mu mujyi wa Kigali. Umucamanza yavuze ko bagitanze binyuranyije n’amategeko.

    Nyuma yo kwisegura ku baburanyi bombi ko yatinze gutangiza iburanisha, umucamanza mu rukiko rw’ubucuruzi yahise asaba Me Henry Pierre Munyangabe wunganira Cogebank gusobanura inzitizi ye. Ni inzitizi yatanze isaba kutakira ikirego cyihutirwa cy’uruganda rwa Assinapol Rwigara Premier Tobacco Company Ltd.

    Uruganda PTC rwaregaga Cogebank rusaba guhagarikisha icyamunara ya Hotel iri mu Kiyovu I Nyarugenge mu mujyi wa Kigali. Me Munyengabe avuga ko uruganda PTC rwatanze ikirego rwirengagije umuhango simusiga wo kubanza kwandikira umwanditsi mukuru. Agasaba ko iki kirego kitakwakirwa.

Les commentaires sont fermés.