Rwanda: ” Iterabwoba rya Kigali ntacyo rizantwara kuko niyemeje gukorera ku mugaragaro” (Judi Rever)

Mu rugendo rwe arimo mu gihugu cy’Ubufaransa, aho yaje gutangiza igurishwa ry’igitabo cye yasohoye mu rurimi rw’igifaransa  yise « Eloge du sang » (ibigwi byo kumena amaraso), Madame Judi Rever yagiranye ikiganiro kirambuye n’umunyamakuru wa « Sputnik » (Televiziyo y’Abarusiya iri mu Bufansa). Igitabo « Eloge du sang » kikaba cyarashyizwe mu rurimi rw’igifaransa n’icapiro rya Max Milo ; icyo gitabo kikaba kigaragaza uruhare rukomeye umuryango wa FPR-Inkotanyi na perezida wawo Paul Kagame bagize muri jenoside yabaye mu Rwanda mu mwaka w’1994.

Nubwo yashyizweho iterabwoba ryo kwicwa bikozwe n’ambasade y’u Rwanda iri mu gihugu cy’Ububiligi mu gihe yarimo yandika igitabo cye mu ibanga, ntibyabujije Madame Judi Rever kuza mu Bufaransa afite umutuzo muri iki gihe mu muhango wo gusohora igitabo cye (Eloge du sang), igitabo giteye ubwoba Paul Kagame na leta ye ! Muri icyo gitabo, Judi Rever ashyira ahagaragara uruhare rwa Paul Kagame wari uyoboye inyeshyamba za FPR-Inkotanyi muri jenoside yakorewe abatutsi mu mwaka w’1994 ; icyo gihe Paul Kagame akaba yarahaye amabwiriza inkotanyi yo gucengera mu mutwe w’interahamwe z’abahutu maze zikica abatutsi kakahava ! Judi Rever kandi yagaragaje muri icyo gitabo ibimenyetso ntarengwa byemeza ko Paul Kagame ariwe wahanuye indege yarimo Perezida Juvénal Habyarimana w’u Rwanda na Perezida Cyprien Ntaryamira w’Uburundi n’abari babaherekeje bose taliki ya 06/04/1994.

Ntabwo Judi Rever yagarukiye aho kuko yerekanye n’uruhare rwa Kagame mu bwicanyi bukomeye yakoreye muri Congo (Zaïre), muri iki gihe hakaba harimo gutekerezwa uburyo hashyirwaho urukiko mpanabyaha mpuzamahanga rwo kuburanisha ababukoze nk’uko igihugu cy’Ububiligi giherutse gusaba umuryango w’abibumbye ONU gushyiraho urwo rukiko ! Madame Judi Rever kandi yagaragaje uburyo ubutegetsi bwa Kigali bukomeje guhiga abanyarwanda babuhunze bari mu mahanga batavuga rumwe nabwo kigali ishinja ibyaha bya jenoside cyangwa iby’iterabwo kandi mu byukuri iba iri kubahora ibitekerezo bya politiki baba bafite ; ibyo bikaba bigaragazwa n’ishimutwa ryakorewe « Bwana Paul Rusesabagina » ndetse n’ibyaha by’ibihimbano barega « Kabuga Félicien » na Ntiwiragabo. Judi Rever agaragaza neza ko Kagame na FPR bakomeje gukingirwa ikibaba n’igihugu cya Leta Zunze Ubumwe z’Amerika (USA) ndetse akerekana n’uruhare rukomeye igihugu cya Israël gifite muha imyitozo ya gisilikare ingabo z’inkotanyi kuva mbere y’umwaka w’1994 kugeza ubu !

Iki gitabo « Eloge du sang » gifite akarusho ugereranyije n’igitabo cyasohotse mu rurimi rw’icyogereza kuko igitabo cy’igifaransa cyogerewemo ibindi bika birimo ubuhamya busobanura neza amahano Paul Kagame na FPR bakoreye abanyarwanda ndetse n’abaturage bo mu karere k’ibiyaga bigari, hakaba harimo n’amaraporo y’ibanga yavuye mu Muryango w’Abibumbye ONU atanzwe n’urukiko rw’Arusha (TPIR).

Hasi aha mu rumva ku buryo burambuye ikiganiro Judi Rever yagiranye n’umunyamakuru wa Sputnik mu rurimi rw’igifaransa.

S’abonner
Notifier de
guest
0 Commentaires
Inline Feedbacks
View all comments