Rwanda : Kabuga na Rusesabagina bafungiye iki kandi dosiye zo kubahimbira ibyaha zitarakorwa ?

Kuri uyu wa gatatu taliki ya 11/11/2020 nibwo Kabuga Félicien yitabye ishami ry’urukiko mpuzamahanga mpanabyaha ruri i La Haye mu gihugu cy’Ubuholandi kugirango agezweho ibirego yahimbiwe bimushinja kugira uruhare muri jenoside yabaye mu Rwanda mu mwaka w’1994. Kuri uwo munsi kandi nibwo Paul Rusesabagina yagejejwe imbere y’urukiko rw’inkotanyi zamushimuse kugirango aburane ikirego jagejeje mu bujurire cy’uko afunze ku buryo bunyuranije n’amategeko !

Aba banyarwanda bombi bakaba baratawe mu munyururu bazirako badashyigikiye ubutegetsi bw’abicanyi b’inkotanyi babohoje igihugu cy’u Rwanda ariko ku buryo bw’umwihariko umunyemali Kabuga Félicien akaba azira ko atatanze umusanzu mu nkotanyi kandi umutungo we wose ukaba warafashwe na Paul Kagame ! Kugirango adashobora kuzabaza ibintu bye yambuwe Kagame yashyizeho abahimbabinyoma bo kumuhimbira ibyaha bamugerekaho iturufu rya jenoside. Hashize imyaka 25 Kabuga ashakishwa kandi agerekwaho amakuru y’ibinyoma ko ari ruharwa  mugukora  jenoside ariko ubwo yageraga imbere y’abacamanza, ubushinjacyaha bwariye iminwa buvugako dosiye imushinja ibyaha itarakorwa!

Umushinjacyaha w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT), Serge Brammertz, yavuze ko atararangiza iperereza ku byaha bishinjwa Kabuga Félicien kuburyo ibyo aregwa bigomba kuzahindurwa bikagirwa bicye; yavuzeko ubushinja cyaha bukeneye igihe cyo gutunganya dosiye y’ibirego nyuma yo kongera guhura n’abatangabuhamya bari mu Rwanda. Bimwe mu byaha ubushinjacyaha bushinja Kabuga, buvuga ko yagize uruhare mu guha intwaro Interahamwe mu Kigo cya Gisirikare cya Gisenyi no muri Hotel Méridien ku Gisenyi, ngo akaba yaratanze kandi imodoka ze mu gutwara Abatutsi bakajya kwicirwa kuri Komine Rouge (itarigeze ibaho mu Rwanda) !


Ku italiki ya 31/08/2020 inkotanyi zeretse isi yose Rusesabagina zivugako zamushimuse zifashijwe n’ibihugu by’amahanga, zemeza ko dosiye irimo ibyaha yahimbiwe ikaba yuzuye cyera babifashijwemo n’igihugu cy’Ububiligi,  ko igisigaye ari ukumugeza imbere y’inkiko;  none ubwo bucamanza bw’inkotanyi bumaze amezi arenga 2 bufungiye ubusa Rusesabagina bukaba bubeshya ko bukirimo gukora dosieye y’ibyaha yahoze ! Izi mvugo z’inkotanyi zivuguruzanya zizabyara iki? None se inkotanyi zamushimuse zikurikije iki ? Imbwa yahiye umurizo maze igira iti « buracyeye bahabone », none izi kotanyi nazo ibinyoma zakwije ku isi yose byo guhimbira abantu ibyaha igihe kirageze ngo bijye ahagaragara !

Rusesabagina azira ko yahawe umudari w’ikirenga n’igihugu cya leta zunze ubumwe z’amerika bitewe n’uko yakoye abantu muri jenoside yo mu 1994, Kagame akaba yarashakaga ko ariwe baha uwo mudari kandi bizwi ko ariwe wakomye imbarutse y’iyo jenoside, akava i Byumba yica abanyarwanda akagera i Matadi muri Congo! Nubwo inkotanyi zivugako ari ibyihebe, zikaba zidakangwa amategeko, igihe kizagera ubu bugome bwazo buzigaruke, ngo agapfa kaburiwe n’impongo, mbabajwe n’abanyarwanda b’inzirakarengane bazajyana nazo kandi batarasangiye amaraso !

Veritasinfo.

Subscribe
Notify of
guest
2 Comments
Oldest
Newest Most Voted
Inline Feedbacks
View all comments
CESAR
CESAR
12 November 2020 18 h 21 min

Sur demande du juge belge, les techniciens de Kagame se sont mis au travail pour fabriquer les accusations, chercher et former les faux témoins.
Il s’ensuit que la détention de Kabuga est illégale. Il est prisonnier politique de l’ONU.

CESAR
CESAR
12 November 2020 18 h 25 min

Concernant Rusesabagina, il a été kidnappé par Kagame. Celui-ci l’ a reconnu devant des millions de Rwandais. Kagame est donc un hors-la-loi. C’est bien qui devait être à sa place. Rusesabagina n’est pas prisonnier politique. Il doit être libéré.