Rwanda : “Kagame natinyuka agashyiraho ubwami tuzabumusenyera ku mutwe” ( Faustin Twagiramungu)

Umwami Emmanuel Bushayija Yuhi VI yemewe n'igihugu cy'Ubwongereza na Portugal

Kuri uyu wa gatandatu taliki ya 01/08/2020, Bwana Faustin Twagiramungu umuyobozi w’ishyaka rya RDI-Rwanda Rwiza akaba n’umuvugizi w’impuzamashyaka ya MRCD yagiranye ikiganiro kirambuye n’umunyamakuru wa “Radio Televiziyo Kumugaragaro”. Muri icyo kiganiro Bwana Faustin Twagiramungu yasubije ibibazo byinshi byerekeranye na politiki y’u Rwanda kuva mu mwaka w’1991 kugeza ubu.

Bwana Faustin Twagiramungu yasobanuye uburyo yahawe izina rya “Rukokoma” n’aho ryaturutse kandi yemeza ko iryo zina aryemera. Twagiramungu yavuze ibintu bishya bireba ubuzima bwe bwite : Uko yashatse umugeni kwa Perezida Grégoire Kayibanda inshuti zikamucikaho, uko yavuye muri Canada aho yigaga yagera i Kigali agafungwa ku buryo bw’amaherere nyuma agafungurwa bitewe na peredida, uko yanditse inkuru mu kinyamakuru atabariza abarundi b’abahutu bicwaga mu mwaka w’1972.

Twagiramungu akaba yariyemeje kugirana ikiganiro  mpaka kuri ubwo bwicanyi n’umwe mu bari bahagarariye Uburundi muri Canada kuri televiziyo ariko uwo muyobozi akanga kwitabira icyo kiganiro avuga ko ataganira n’umunyeshuri! Muri iki kiganiro kandi Twagiramungu aratubwira uko yinjiye muri sosiyeti ya STIR n’uburyo yabaye perezida wa FERWAFA kandi akayiyobora neza, uko yakoze mitingi i Nyamirambo maze akamamaza izina RUKOKOMA ryaje kumwitirirwa, impamvu yatumye yitabira amatora yo mu mwaka w’2003, uko abona ubutegetsi bwa Kagame n’aho abona ubwo butegetsi bugeze muri iki gihe…

Kubyerekeranye n’amayeri ari gukoreshwa kugirango Kagame abe umwami w’u Rwanda,  Twagiramugu yavuze ko Kagame natinyuka agashyiraho ubwami abanyarwanda bazabumusenyeraho ku mutwe! Twagiramungu yagize ati:

Kuri iki kibazo cy’ubwami bwa Kagame hakomeje kwibazwa bwinshi,  Ese igihugu gishobora kugira abami babiri? Mu itangazo rigenewe abanyamakuru ryo ku wa 9 Mutarama 2017, “Inama nyarwanda y’ubwiru” bw’ubwami yamenyesheje ko umwami Kigali V watabarukiye i shyanga ku ya 16 Ukwakira 2016, muri Leta zunze ubumwe z’Amerika, yazunguwe n’umwuzukuru w’umwami Yuhi V Musinga, Emmanuel Bushayija mwene Théoneste Bushayija, wavukiye mu Rwanda mu w’1960 ariko ubu akaba aba mu gihugu cy’Ubwongereza. Bushayija akaba yarahawe izina ry’ubwami rya Yuhi VI!

None se ko u Rwanda rufite perezida Kagame ushaka kuzaba umwami kandi Bushayija akiriho kandi yarimitswe n’abiru b’ibwami, u Rwanda ruzagira abami babiri? Kagame azabyifatamo ate? Ese umwega yemerewe kuba umwami? Umenya wa mugani wa Tagiramungu, Kagame niyiyemeza kuba umwami abahutu n’abatutsi bazafatanya urugamba bakabumusenyera hejuru! Tubitege amaso!

Kanda munsi aha wumve ikiganiro cyose Bwana Faustin Twagiramungu yagiranye n’umunyamakuru wa Radio Televiziyo Kumugaragaro.

Subscribe
Notify of
guest
1 Comment
Oldest
Newest Most Voted
Inline Feedbacks
View all comments
CESAR
CESAR
6 August 2020 12 h 31 min

Le Rwanda est irréversiblement une République et pour l’éternité. Le Rwanda, une monarchie de quelque nature que ce soit est un rêve. Le nouveau monarque rwandais reconnu par le RU et le Portugal souffre de la monarchite qui nécessite un traitement.