Rwanda ko ubabaza abawe, nawe ubwawe wibabaza, uyobowe na nde !?

[Ndlr : Nyuma yo kwicwa k’umunyamakuru John Williams NTWALI, leta ya FPR- Inkotanyi iyoboye u Rwanda mu gitugu n’iterabwoba bitigeze bibaho, yaruciye irarumira ! Ibisobanuro bitangwa n’igipolisi cy’iyo leta ku rupfu rw’uyu munyamakuru ntabwo bifatika kandi biravuguruzanya ! Abasesenguzi banyuranye muri politiki y’akarere k’ibiyaga bigari ndetse no ku mbuga nkoranyambaga zinyuranye, bemeza badashidikanya ko uyu munyamakuru NTWALI yishwe na leta  ya FPR cyane ko yari yarabimubwiye kuva cyera ko izamwica. Kimwe n’abandi Banyarwanda benshi, kurubuga rwe rwa facebook, Bwana Victor Safali asanga u Rwanda rufite umuvumo wo kumena amaraso y’abana barwo, akaba yibaza niba koko u Rwanda rufite abayobozi bazima ! Aragira ati :]

Igihugu cy’u Rwanda kibaye icya abapfakazi n’impfubyi! Igihugu cy’u Rwanda mu gihinduye irimbi, kandi mu gituye! Dore ko n’abaguye ishyanga ngo irimbi ryabo rikwiye kuba i Rwanda!! 

Rwanda, wikoreye umuvumo w’amaraso y’inzirakarengane zitagira ingano, imyaka ibaye imyaniko abatabarutse warananiwe kubashyingura, uracyafite inzirakarengane zitabariza ku misozi hirya no hino i Rwanda.

Ntabwo umuco wa kanyarwanda, ukwemerera kudashyingura.

Ntabwo umuco nyarwanda, ukwemerera gushinyagurira uwatabarutse.

Ntabwo umuco nyarwanda ukwemere kubura ubumuntu.

Ntabwo umuco nyarwanda wavanyeho kirazira! 

Kirazira kandi kikaziririzwa, ko igihugu kikora mu nda, uri mu biki Rwanda? Urakomeje urakataje, kwikururira umuvumo ubigize umushinga!! Erega aba wica uba wicukurira! Ni gute ukemura ibibazo witeza ibindi? 

Rwanda, Rwanda uyobowe na nde?!

Rwanda, abawe barapfa umusubizo m’uburyo bukemangwa, cyangwa budasanzwe ! Ese aho waba uyobowe ni ibipfamatwi n’impumyi ?! Rwanda, abaturanyi bawe barakugaya, ngo kuko: «guturana nawe, bisobanuye umutekano muke!» Ese waba uyobowe n’abanzi b’amahoro?!

Rwanda, abawe barataka inzara n’ubukene bubugarije! Ese aho waba uyobowe n’ibisahiranda bicura abarwo? Rwanda, urahiga uwaguhunze, urabunza inzangano n’ubugome budafite kandi butazagira n’ibisobanuro! Ese aho waba uyobowe n’abatindi?

Rwanda, abawe baraburirwa irengero, bigaherera iyo! Abawe wabateyemo ubwoba busendereye. Ese waba uyobowe ni ibyihebe? Rwanda, Rwanda uragana he?! Ko amaraso atabaza akomeje kuba menshi, ijisho ry’Imana waba uziko ribona byose?

Rwanda dore, kwibohoza birakunaniye, kuko imutima y’abawe iboha abandi, ariko nawe ikakuboha! Nti wabohoka abawe baboshye kuko nawe uba wiboshye!  Amaraso ntabwo ari amazi. Yewe na amazi uyamena ufite impamvu! 

Nta mpamvu watanga yo kumena amaraso. Uravuga iki rero! Rwanda, ko ubabaza abawe, nawe wibabaza!  Rwanda uyobowe na nde, usa n’ibikorwa byawe.!?

Victor Safali (facebook)