Rwanda: Kuburanisha Yvonne Idamange Iryamugwiza bizereka amahanga ko Kagame na FPR atari abacunguzi b’abatutsi nk’uko babibabeshye kuva cyera!

Inkondo iva ku mukuzo koko! Nyakwigendera Paul Kagame niwe wagiye agaragaza ubuswa bwinshi cyane mugufata ibyemezo no kwigamba mu ruhame ibikorwa by’ubwicanyi kandi yitwa ko ari umukuru w’igihugu! Ubuswa n’ubugome yabiraze impfubyi ze z’abicanyi b’inkotanyi ku buryo imikorere yazo yahindutse urw’amenyo! Reka dufate urugera rw’abanyamategeko ba RIB. Umuvugizi wa RIB witwa Murangira ngo afite impamyabumenyi y’ikirenga mu mategeko, ariko ibikorwa bye n’imvugo ye bigaragaza ko yize ikigoroba! Ibi bigaragarira mu ishimuta rya Rusesabagina no kugaba igitero ku rugo rwa Madame Yvonne Idamange!

Kuri uyu wa mbere taliki ya 15/02/2021, nibwo abicanyi ba RIB bohereje inkoramaraso z’abapolisi b’inkotanyi kugaba igitero ku rugo rwa Madame Yvonne Idamange, nyuma y’ikiganiro gikomeye Madame Idamange yari amaze gutambutsa ku rubuga rwe rwa Youtube. Muri icyo kiganiro Madame Yvonne Idamange yagaragaje ku buryo burambuye uburyo abicanyi ba FPR Inkotanyi bacuruza jenoside yakorewe abatutsi. Idamange yavuze ko imfashanyo zose zagenewe abacitse ku icumu rya jenoside mu Rwanda agatsiko kazinyereje maze kagaha abacikacumu ubuhendabana. Idamange kandi yagaragaje ko umucikacumu ugerageje kuvugisha ukuri ku karengane gakorerwa abanyarwanda ahita yicwa.  Muri macye ikinyoma Kagame na FPR babeshye amahanga ko ari abacunguzi b’abatutsi, Madame Yvone Idamange yagikubise hasi!

Mu kiganiro Madame Espérance Mukashema yakoreye kuri youtube ya RTV-UBUMWE yavuze amagambo ajya gusa na ay’Yvonne Idamange, Espérance Mukashema yavuze ko nubwo yacitse ku icumu rya jenoside ntabwo yarokowe na FPR ahubwo yarokowe n’abahutu bamuhishe. Mukashema akaba yaravuze ko umucikacumu ari umuntu wahigwaga akaza kurokoka yaba umuhutu cyangwa umututsi , Madame Espérance Mukashema yagize ati (fungura amajwi).

Dukurikije ibi bisobanuro bitangwa na Madame Espérance Mukashema, biragaragarako abicanyi ba RIB bashoboye kumushimuta nawe bamushinja icyaha cyo gupfobya jenoside  nk’uko bari kugishinja Yvonne Idamange! Nyuma y’ikiganiro cya Yvonne Idamange, abicanyi b’abaswa bo muri RIB bahise bafata icyemezo cyo kugaba igitero ku rugo rwe bakaba baramufashe bajya kumufungira mu mazu bagize ibagiro ry’abantu ngo kasho. Mu ikubitiro RIB ikaba ishinja Yvonne Idamange ibyaha 3 aribyo: 1.Guhamagarira rubanda kwivumbura ku butegetsi buriho. 2.Kurwanya inzego z’umutekano, kuko yakomerekeje umupolisi amukubise icupa.  3. Gupfobya jenoside yakorewe abatutsi n’ubwo yayirokotse! Ku bantu bize amategeko ntabwo ibi ari ibyaha bigomba kujyana Yvonne Idamange muri gereza.

Guhamagarira abantu kwigaragambya  bamagana ubutegetsi bw’igitugu bwa FPR nta cyaha kirimo, nta butegetsi bubaho kuri iyi si butanengwa, nta tegeko rihatira umuntu gusingiza ubutegetsi butamunogeye, ibyo byose akaba ari uburenganzira karemo umuntu wese avukana bwo kugaragaza akababaro cyangwa ibyishimo abitewe n’ibikorwa runaka aba yakorewe n’ubutegetsi bumuyobora. Kubuza umuntu kwerekana akababaro cyangwa ibyishimo bye ni nko kumubuza guhumeka! Gukubita icupa umupolisi bishobora gushishozwaho kuko uwo mupolisi yateye urugo rwa Idamange. None se umuntu ateye urugo rwawe akaza aca inzugi wabigenza ute? Kirazira kugaba igitero ku rugo rw’umuntu (violation du domicile). Yvonne Idamange ntabwo yigeze ahamagarwa n’urwego rw’ubutabera ngo yange kurwitaba kugirango bibe impamvu yo kumufata ku ngufu.

Gupfobya jenoside byo ni urwenya, niba Idamange yararokotse ariko akaba avuga iyo jenoside uko ayumva nkuko yayibayemo, ibyo yabifungirwa ate? Inkotanyi nizo zifitiye urukundo Idamange kurusha uko yikunda kuburyo agomba gufungwa kuko atavuga jenoside nk’uko inkotanyi zo ziyivuga kandi zitarayibayemo? Niba Idamange abona jenoside yarabaye igikangisho n’urwitwazo rwo guheza abandi ku byiza by’igihugu ,ni kuki atabivuga?  Noneho rurangiza ni uko umuvugizi wa RIB yavuze ko Yvonne Idamange arwaye mu mutwe! None se umurwayi wo mu mutwe arafungwa? Ni kuki babona ko abanyarwanda bashobora gukurikiza ibyo umurwayi wo mu mutwe ababwira? Ubwo se abo banyarwanda ni bazima? Iyo aba baswa ba RIB bavuze ko Yvonne Idamange ari umurwayi wo mu mutwe baba basibye ibirego byose bamushinja kuko abikoreshwa n’uburwayi!! Ubu buswa bwa RIB burerekana ingaruka zo guhabwa impamyabushobozi za Merci Kagame ku gihugu cy’u Rwanda no kubanyarwanda!

Urubanza rwa Idamange rukaba ruzaba urukozasoni kuri izi mpfubyi z’inkotanyi kuko ibintu zivuga bidasobanutse! Nibareke abanyarwanda bavuge ikibari ku mutima kandi igihe kirageze!, Ibi bigaragazwa n’imyigaragambyo yabaye hirya no hino ku isi mu bihugu binyuranye y’abanyarwanda bitabye impuruza ya Madame Idamange kandi biracyakomeza!

Hasi aha murumva ku buryo burambuye ikiganiro cya Madame espérance Mukashema

Veritas

2 Comments

  1. Kigali ibintu byarabakomeranye babuze ayo bacira n’ayo bamira! baramagana umuntu wese ubabwira amabi yabo: Museveni wabicaje hariya, Abongereza n’abanyamerika, abafaransa,Union Europeenne… mbese nta muntu n’umwe uri mu kuri uretse inkotanyi!!!

  2. Pour les oligarques du régime Kagame et celui-ci ou membres de la mangécratie, la résolution du Parlement Européen, truffée de confusion, contradictions et de contrevérités est inopérante. Kagame attend son ami Macron au mois d’avril 2021.

Leave a Reply