Rwanda: Kuki Kagame yibasiye impunzi ziri muri Australia abifatanyije n’imyiteguro yo gutera Uburundi na Tanzaniya?

Ambasaderi Uwihanganye Jean de Dieu uhagarariye u Rwanda muri Singapuru, Australiya na Nouvelles Zelandes arahirira kuzarimbura impunzi zahunze Kagame ziba mu bihugu ahagarariye!

Nyuma y’aho inama y’ibihugu bivuga ururimi rw’icyongereza (CHOGM 2020- Commonwealth) yagombaga kubera i Kigali mu kwezi kwa gatandatu uyu mwaka isubitswe mu gihe kitazwi kubera icyorezo cya Covid-19 kandi n’igihugu cy’Uburundi kikaba cyariyemeje gukora itora ry’umukuru w’igihugu mushya, bigakubitiraho ko abaturage n‘abashoferi b’amakamyo bo muri  Tanzaniya bigaragambije bakabuza amakamyo y’u Rwanda arenga 1000 kuva muri icyo gihugu, byatumye Kagame afata icyemezo cyo gutegura intambara ya hutihuti agomba kugaba ku gihugu cya Tanzaniya n’Uburundi kandi agakora ku buryo umuryango wa Commonwealth ukomeza kumugirira icyizere na nyuma y’ibyo bikorwa byo guhungabanya umutekano w’ibihugu by’abaturanyi!

Amakuru aturuka mu nzego zishinzwe iperereza ryo mu karere k’ibiyaga bigari, yemeza ko Paul Kagame yemerewe guhabwa inkunga y’amafaranga arenga miliyari y’amadolari y’Amerika  n’igihugu cya Israyeli na Turukiya yo kuzamufasha gushoza intambara ku Burundi akabwigarurira bityo akirukana abashinwa n’abarusiya muri icyo gihugu, agashyiraho ubutegetsi bushya buzagirana amasezerano n’ibyo bihugu yo gucukura amabuye y’agaciro cyane cyane “Nickel” iboneka cyane mu Burundi. Ayo makuru akomeza avuga ko Kagame yari yasabye ibyo bihugu (Israyeli na Turukiya) kuba bihagaritse iyo nkunga yo gushoza intambara ku Burundi kugirango bitazabangamira inama ya CHOGM 2020-Commonwealth (ibihugu bivuga icyongereza) yari iteganyijwe kubera i Kigali mu kwezi kwa Kamena uyu mwaka. Kagame akaba yizeye kuzinjiza miliyoni 750 z’amadolari y’Amerika azakura ku bashyitsi bazitabira iriya nama ndetse akabona n’inkunga y’amamiliyoni menshi azahabwa n’uwo muryango dore ko biteganyijwe ko nyuma y’iyo nama ko ariwe uzaba umuyobozi wawo mu gihe cy’imyaka ibiri.

Kuba iyo nama yarasubitswe byababaje Kagame cyane ariko bimuha n’ umwanya wo gutegura umushinga wo  guhungabanya  impunzi z’abanyarwanda ziri muri Australia kuko atangiye kwikanga ko izo mpunzi zishobora kugaragaza ibikorwa bye bibi byo guhungabanya umutekano wa Australia kubera abicanyi yohereje muri icyo gihugu, dore ko abo bicanyi be yise diaspora bari muri Australia batangiye gusubiranamo bapfa imyanya y’ubuyobozi, ibyo bikaba bishobora gutuma bamena amabanga menshi bahawe y’ibikorwa boherejwemo na Kigali. Igihugu cya Australia kikaba gifite ijambo rikomeye mu muryango wa Commonwealth kuburyo gishobora no kuburizamo burundu inzozi za Kagame z’uko inama ya CHOGM 2020-Commonwealth ishobora kubera i Kigali!  Kwitegura iyo nama y’akataraboneka no kwizera akayabo k’amafaranga azayikuramo nibyo byatumaga gufunga umupaka uhuza u Rwanda na Uganda ntacyo byari bibwiye Kagame kuko yari yiteze inyungu azayikuramo ndetse na nyuma yaho akazongeraho amafaranga ya Israyeli na Turikiya mu kiraka cyo gutera Uburundi na Tanzaniya!

Mbere y’uko  icyemezo cyo gusubika mu gihe kitazwi inama ya CHOGM 2020-Commonwealth i Kigali kubera icyorezo cya Coronavirus, akanama gashinzwe uburenganzira bw’ikiremwamuntu mu muryango w’ibihugu bivuga ururimi rw’icyongereza CHRI (Commonwealth),  kashyize ahagaragara itangazo risaba leta ya Kagame ko igomba kwemera ko hakorwa iperereza mpuzamahanga ritabogamye rigomba kugaragaza uburyo umuhanzi Kizito Mihigo yishwe, amakuru “Veritasinfo” ikesha bamwe mu bayobozi ba CHOGM 2020 (Commonwealth) yemeza ko u Rwanda rushobora gufatirwa ibihano ndetse rukaba rwakwirukanwa mu muryango wa Commonwealth bitewe n’uko rukabije mu bikorwa byo guhohotera uburenganzira bw’ikiremwamuntu kandi rukaba rutarangwamo demokarasi. Igihugu cya Australia kikaba kiri mu bihugu bitsimbaraye cyane kuri ayo mahame. Australia ikaba izi neza amateka y’ubwicanyi bw’inkotanyi cyane ko mu gihe inkotanyi zicaga impunzi zari mu nkambi y’i Kibeho, abasilikare ba Australiya nibo bari bahari ndetse abenshi muri bo bakaba barahahamutse kubera ubwo bwicanyi bw’inkotanyi babonye. Raporo ya Michael Hourigan wo mu gihugu cya Australia yagejeje mu rukiko mpuzamahanga rwa TPIR ruri Arusha muri Tanzaniya ishinja Paul Kagame ko ariwe warashe indege ya perezida Habyarimana Juvénal ari nayo yabaye imbarutso ya jenoside mu Rwanda.

Kubera ayo makuru yose igihugu cya Australia gifite ku bwicanyi bwa FPR-KAGAME ,bituma impunzi zose z’abanyarwanda ziri muri Australia ndetse na Nouvelles Zelande zicurirwa imigambi yo kuzirimbura zose, ibyo bikaba bituma zigahozwaho iterabwoba rya Kigali zihatirwa kuba za FPR ku ngufu zinjinzwa mucyo bise “diaspora rwandais”! “Veritasinfo” ikaba yarakurikiraniye hafi amakuru y’abicanyi n’intore kabuhariwe FPR-KAGAME yohereje muri Australia kugirango bibasire impunzi z’abanyarwanda ziriyo. Abo bicanyi “veritasinfo yashoboye kumenya ni aba bakurikira:

1.Ambasaderi Jean de Dieu Uwihanganye: Uyu ambasaderi  Uwihanganye yasimbuye ku buryo butunguranye ambasaderi Kavaruganda wirukanywe kuri uwo mwanya kuko yavugiye mu ruhame ko azarasa impunzi z’abanyarwanda ziri muri icyo gihugu. Kuva aho Kavaruganda agendeye, impunzi z’abanyarwanda zagize agahenge ariko uyu Jean de Dieu Uwihanganye nawe akaba yaratangiye gushyira iterabwoba ku mpunzi z’abanyarwanda ziri muri Australia nk’uko yabihawemo amabwiriza na Kigali. Ambasaderi Jean de Dieu Uwihanganye uba muri Singapuru akaba ahagarariye u Rwanda muri Australia na Nouvelles Zelande (New Zealand ) yavuze ko agiye guhangana n’abanyarwanda bose batuye muri Australia badakurikiza gahunda ya leta ya Kigali, ibyo akaba yarabivugiye mu muhango wo kwibuka ku nshuro ya 26 wakozwe mu bwiru(watumiwemo abantu bacye cyane abandi barabihishwa).

Emmanuel Karekezi uri ku ruhande n’ambasaderi Uwihanganye (bombi bambaye amashati y’umweru) .Ambasaderi ari guhabwa  amabwiriza na Kagame

Ubusanzwe amategeko mpuzamahanga agenga impunzi, ateganyako impunzi itagomba kwegera ubutegetsi yahunze, iyo iramutse ibikoze yamburwa ubuhungiro yahawe n’igihugu yahungiyemo. Tuboneyeho kwibutsa impunzi zose zitabira ibikorwa bya diaspora-nyarwanda (abanyarwanda baba hanze) ko zishobora kwamburwa ubuhunzi zahawe n’igihugu kizicumbikiye kiramutse kimenye ko izo mpunzi zitabira gahunda cyangwa se ibikorwa bya leta y’igihugu zahunze, akaba ariyo mpamvu impunzi zose ziri muri Australia zitabira ibikorwa bya diaspora nyarwanda zigomba gushyikirizwa ubutegetsi bwa Australia zikamburwa ubuhunzi zahawe.

2.Emmanuel Karekezi: Ni we uhagarariye diaspora muri Australia akaba ahora muri ambasade y’u Rwanda iri i Singapuro nk’umukozi wayo aje kubonana n’ambasaderi Uwihanganye. Muri iyo ambasade niho imigambi mibisha yo kugirira nabi impunzi z’abanyarwanda icurirwa. Uyu Karekezi ni umwe mu basilikare ba Kagame barimbuye impunzi z’abahutu mu nkambi ya Kibeho mu mwaka w’1995 ndetse akaba yari no mu ikipe y’abasilikare b’inkotanyi bagiye mu gihugu cya Tanzaniya mu mwaka w’1996 kujya gucyura ku ngufu impunzi z’abanyarwanda zari muri icyo gihugu. Mu mwaka w’2001 FPR yahaye Emmanuel Karekezi ubutumwa bwo kujya guhiga impunzi z’abanyarwanda zari  mu gihugu cya Kenya, maze yihindura impunzi. Icyo gihe HCR yohereje Karekezi mu nkambi ya Kakuma yanga kuyijyamo abeshya ko iyo nkambi irimo abahutu benshi bashobora kumugirira nabi; ashobora kuba yaratinye ko ashobora guhuriramo n’impunzi zimuzi zarokotse ubwicanyi bwe. Emmanuel Karekezi yahisemo kujya mu nkambi ya Dadabu irimo abasomaliya benshi.. Kuba muri iyo nkambi byamufashishe gutegura inzira yamugejeje muri Australia mu mwaka w’2004. Uyu Karekezi agomba gushyikirizwa inzego z’ubutabera za Australia kuko ari mu bantu bakoze ibyaha byibasira inyoko muntu yakoze ubwo yicaga impunzi zo mu nkambi ya Kibeho.

3.Ngenzi Evariste: Uyu Evariste ni intore ihagarariye diaspora ya Kagame mu mujyi wa Sydney muri Australia.Ngenzi Evariste akaba ari umugabo ufite imico mibi cyane, ni umuhezanguni utagira inshuti n’imwe kandi wanga abahutu urunuka, akaba umubeshyi, umwambuzi n’umuhemu mu buryo bushoboka bwose.

4.Yvonne Kagaga uzwiho umwuga wo kwicuruza, akaba azwi ku izina rya “Hawa” akaba yungirije Ngenzi Evariste mu guhiga impunzi z’abanyarwanda zituye i Sydney NSW.

5.Claude Manzi ( WA), niwe muri iki gihe Ngoga Celestin asigaye akoresha  kugirango yikingire ibibazo afite mu nkiko . Kubera icyo cyasha afite, Ngoga  akaba akoresha Claude Manzi mu bikorwa by’ubukotanyi byo guhohotera impunzi z’abanyarwanda zituye Western Australia ( WA) . Amakuru agera kuri “Veritasinfo” akaba yemeza ko uyu Claude Manzi yahiritse ku mugaragaro Célestin Ngoga ku buyobozi bwa diaspora ya Kagame muri Australia ku buryo byakuruye akavuyo muri abo bicanyi ba Kigali

Emmanuel Karekezi ibusomo yari yasuye ambasade y’u Rwanda muri Singapore . Aha ari kumwe na Ambasaderi Kavaruganda hagati uhereye iburyo na Lucas Murenzi ibumoso.

6.Célestin Ngoga, ni intore butwi ariko muri iki gihe asigaye atinya kuvuga ko ariwe uhagarariye diaspora muri WA, kubera ibyaha afite by’ubwambuzi akaba yaragejejwe mu nkiko. Bityo Ngoga akaba yarashyizeho Claude Manzi akoresha nk’agakingirizo mu migambi ye mibisha yo kugirira nabi impunzi.

7.Valérie Gatabazi ( wari uhagarariye Diaspora muri South Australia) nyuma akaza guhunga kubera ubwambuzi yakoreye muri association y’abanyafurika ya South Australia. Ubu arabarizwa mu Rwanda aho yagiye guhabwa amabwiriza mashya yo guhohotera impunzi.

8.Edward Rwigamba Nando ( QLD). Yaturutse mu nkambi iri muri Tanzaniya, niwe wigize intore iruta izindi muri Australia ariko yibagiwe uburyo yabayeho mu nkambi we na nyina umubyara kubera ko leta ya Kigali yabahigaga. Ubu yahindutse intore ihiga izindi mpunzi akaba yarinjijwe muri uwo mutwe na Karekezi wamugize nk’igikoresho cye.

9.Seth Sezibera na Claude Mugaze Alias Bukuru w’umunyamurenge. Nibo bashinzwe icengezamatwara rya Diaspora ya Kagame muri QLD. Uyu Seth na Karekezi bakaba badashaka kubona umuhutu iruhande rwabo.

10.Aubert ( Tasmania) niwe uyobora ibikorwa bya Diaspora muri Tasmania.  Mu mwaka ushize w’2019 Aubert yateguye kwibuka abifashijwemo na Ambasade y’u Rwanda.

11.Yves Ndashimye ni umukozi w’ Ambassade y’u Rwanda muri Australia ushinzwe ubutasi.

12.Lucas Murenzi  ni inkotanyi ishinzwe  gukora ibikorwa byose byubugizi bwanabi  muri Singapore, Australia, New Zealand , Malesia na Indonesia.

Abo bose tuvuze hejuru hamwe n’abandi tugikoraho ubushakashatsi nibo  bari inyuma y’inkuru zandikwa mu binyamakuru byo mu Rwanda byibasira impunzi z’abanyarwanda ziri muri Australia no mu bindi bihugu bigenzurwa n’ambasade iri i Singapuru. Muri iyi minsi ku mbuga nkoranyambaga hashize iminsi hagaragara inkuru zitandukanye mu binyamakuru bibogamiye kuri leta ya Kigali , byaba ibya leta nka Igihe.com na the NewTimes , n’ibindi nka “KigaliToday” na “expressnews” , bimaze iminsi bihitisha inkuru zisebya abanyarwanda batuye Australia.  Inkuru zisohoka muri ibyo binyamakuru zikaba zandikwa n’izi ntore twavuze hejuru muri gahunda yo gutera ubwoba abanyarwanda batuye mu bihugu bigenzurwa na ambasade ya Singapuru banze gukorana na leta ya Kigali. Iyo diaspora ya Kagame iri muri Australia ikoresha imbuga nkoranyambaga , nka facebook, whatsApp, igakoresha n’ibindi biganiro bikorwa rwihishwa bigamije kugirira nabi cyangwa kuvuga nabi, uwariwe wese wahunze leta ya Kigali.

Inkuru zose zibasira impunzi z’abanyarwanda  ziri muri Australia zandikirwa mu Rwanda usanga ziri  gukwizwa ku mbuga nkoranyambaga n’izi ntore zigize diaspora ya kagame ziba muri Australia. Mu mwaka ushize televiziyo y’igihugu cya Australia ABC, yasohoye icyegeranyo (documentary) kivuga uburyo leta y’u Rwanda ikoresha abantu nk’aba mu buryo bwo gutata, no gutera ubwoba abayihunze. Ambasade y’u Rwanda muri Australia ikaba yarahaye intore zibumbiye muri diaspora nyarwanda inshingano zikurikira:

A)Guhatira impunzi zahunze u Rwanda gutaha zigashora imari yazo mu Rwanda.

B)Gusaba impunzi gukurikiza gahunda zose za leta ya FPR kandi ariyo zahunze.

C)Gushakisha urubyiruko rwose rw’impunzi  cyane cyane urwize bakarujyana muri gahunda ya leta y’i Kigali (kwigishwa igisirikare). Rugacengezwamo amatwara yiyozabwonko, kuburyo hari urubyiruko rugaruka mu miryango yarwo rwaramaze gucengezwamo ibitekerezo byo kwanga ababyeyi barwo burundu.

D)Guhatira impunzi igikorwa cyo kwibuka ku ngufu. Iyo kwibuka bigeze ubuzima burahagarara kuko ariho FPR iba igomba kumvikanisha ko u Rwanda rwubu ari rwo rwonyine rwabayeho, ko ingoma zindi zabayeho ari imbi. muri iki gikorwa FPR yumvisha abantu ko abahutu aribo bakoze jenoside, ko leta iriho ubu ariyo mucunguzi wa rubanda n’ibindi bitekerezo bihabanye n’ukuri byinshi byo kubeshya amahanga.

Nyuma yo kubona ibi bikorwa byose bya leta ya Kgali byirengagiza nkana amahame mpuzamahanga agenga impunzi, imiryango imwe n’imwe yo muri Australia ifatanyije n’impunzi ziri muri iki gihugu ikaba yiteguye gushyikiriza ubuyobozi ndetse n’ubutabera bwa Australia bamwe mu bakozi (intore) ba leta ya Kagame banyura ku mategeko mpuzamahanga bakajya gutera ubwoba impunzi. Turasaba impunzi ziri muri Australia kwitandukanya n’icyo bita “diaspora nyarwanda” kuko kuyijyamo bishobora kubatura mu mutego wo kwamburwa ubuhungiro bafite.

Ngenzi Evariste

 

Yvonne Kagaga
Claude Manzi
Céléstin Ngoga
Valérie Gatabazi
Edward Rwigamba Nando ( QLD).
Seth Sezibera na Claude Mugaze Alias Bukuru
Yves Ndashimye
Lucas Murenzi

Veritasinfo

avatar
250
  S’abonner  
Notifier de