Rwanda: Kwibuka ku nshuro ya 26 kugeze mu gihe Kagame yamaganwa n’abahutu n’abatutsi bashyira mu gaciro! Agomba kugenda! (Faustin Twagiramungu -MRCD).

Kwibuka Jenoside mu Rwanda bizajya bijyana no kwibuka Mutagatifu Kizito Mihigo kuko yayikorewe kabiri

Ku italiki ya 6 Mata 1994 ku isaha ya saa mbiri n’igice z’umugoroba nibwo ishyano ryaguye mu Rwanda ubwo Inkotanyi zarasaga indege yarimo perezida Habyarimana Juvénal na Prezida Ntaryamira Cyprien w’Uburundi n’abo bari kumwe bose bakitaba Imana, ubu hakaba hashize imyaka 26. Iyo ndege yarimo abo bakuru b’igihugu bombi yarimo yitegura kugwa ku kibuga cy’indege mpuzamahanga cya Kanombe i Kigali ubwo yaraswaga ibisasu 2 bya misile, abo ba perezida bombi bakaba bari bavuye mu nama i Dar-es salaam muri Tanzaniya yigaga ku kibazo cyo kugarura amahoro mu Burundi.

Ihanurwa ry’iyo ndege rikaba ryarabaye imbaruttso ya jenoside mu Rwanda; interahamwe za MRND zari zaracengewe n’inkotanyi zahise zitangira ubwicanyi bwibasiye abatutsi bari mu gihugu nta gutoranya kimwe n’abahutu bari mu mashyaka ataravugaga rumwe na MRND. Abanyepolitiki bari muri opozisiyo (abataravugaga rumwe na MRND) barahizwe baricwa, hakaba hararokotse mbarwa, umwe mu banyepolitiki bari ku isonga mu guhigwa Bwana Faustin Twagiramungu bita Rukokoma akaba yarashoboye kurokoka ku buryo bw’amayobera! Kugeza ubu Rukokoma akaba agikora politiki!

Kuri iyi nshuru ya 26 yo kwibuka, Bwana Twagiramungu Faustin (umuvugizi w’impuzamashyaka ya MRCD akaba n’umuyobozi w’ishyaka rya RDI) yagiranye ikiganiro na Madame Espérance Mukashema kuri Radiyo “Ubumwe” kubyerekeranye no kwibuka ku nshuro ya 26, bikaba bivugwa ko noneho inkotanyi zemeye ko zigiye gushyingura imibiri y’abahutu bishwe n’inkotanyi mu 1994, inkotanyi zikaba zivuga ko abo bahutu bishwe bari mu gikorwa cyo gutabara abatutsi!! Bwana Twagiramungu yavuze ko ibyo inkotanyi zivuga ari ukujijisha; asaba Kagame kwemera ko ariwe wakomye imbarutso ya jenoside mu Rwanda ndetse agakora na jenoside y’abahutu! Twagiramungu avugako Kagame agomba kwirukanwa ku butegetsi n’abanyarwanda bibumbiye mu moko yose kuko abahutu n’abatutsi bose yabishe ndetse n’inkotanyi zamufashije gufata igihugu akaba yarazirimbuye! Twagiramungu yagize ati (fungura ijwi rye munsi y’ifoto ye):

Twagiramungu arahamagarira abanyarwanda kwibuka ku nshuro ya 26 bunga ubumwe bakirukana abicanyi ku butegetsi

Madame Espérance Mukashema nawe wacitse ku icumu rya jenoside, nyuma akaza guhekurwa n’inkotanyi zishe umwana we witwaga “Sheja”, zimwicanye n’abasenyeri i Gakurazo avuga uko u Rwanda atari umurage wa Kagame , ahamagarira intore zoherejwe mu mahanga gusanga Kagame zikareka ibikorwa byo kujya guhiga impunzi mu mahanga. Madame Espérance ahamagarira abanyarwanda bo mu bwoko bw’abatutsi kwifatanya n’abavandimwe babo b’abahutu kwibuka ababo bishwe kandi bakunga ubumwe kuko bose ari bene kanyarwanda, Madame Espérance ariko ntabwo yoroheye Kagame, yamusabye guha abanyarwanda amahoro kuko u Rwanda atari isambu yahawe ho umurage n’umubyeyi we, yabivuze muri aya magambo( fungura amajwi munsi y’ifoto ye):

Umva icyo Madame Espérance Mukashema asaba Kagame

Biteye isoni kumva Kagame yicara akabeshya abanyarwanda ko nta ruhare afite muri jenoside yabaye mu Rwanda! Ubwo inkotanyi zari zimaze gufata igihugu zakoreshaga inama abaturage zikababwira ko zarashe Kinani! Inkotanyi zikunze kuvuga ko Habyarimana ariwe wateguye jenoside ariko zikibagirwa ko kugira ngo iyo jenoside ibe byatewe ni uko Habyarimana yari amaze kwicwa! Iyo inkotanyi zibyibutse, zihindura amagambo zikavuga ko Habyarimana yishwe n’intagondwa z’abahutu zitashakaga amasezerano y’Arusha, ariko aha naho usanga inkotanyi zongeye kwinyuramo kuko zitemera ko Habyarimana yari perezida w’amahoro kandi ko nawe yazize jenoside!

Ni mwumve ku buryo burambuye ikiganiro Bwana Faustin Twagiramungu yagiranye na Madame Espérence Mukashema

Subscribe
Notify of
guest
0 Comments
Inline Feedbacks
View all comments