Rwanda: Leta ya Paul Kagame iri gukwirakwiza ku bushake icyorezo cya COVID-19 mu karere ka Nyamagabe (Gikongoro).

Kubera Ubucucike buri mu magereza y'u Rwanda Covid-19 iravuza ubuhuha!

Akarere ka Nyamagabe kari mu Ntara y’amajyepfo mu cyahoze ari Prefegitura ya GIKONGORO. Bikaba bizwiko ako karere kigeze kwitwa Turquoise kubera ingabo z’abafransa zahaje mu kiswe nyine Operation turquoise kuva mu kwezi kwa kamena kugeza muri kanama 1994.

Muri icyo gihe aho FPR yagenzuraga bizwi neza ko hakoreshwaga amanama maze ibyo kwitaba izo nama bikaba byaraje ahubwo guhinduka “ukwitaba Imana”. Ibi bivugwa cyane mu gitabo cya Alison Deforges”  Aucun témoin ne doit survivre”.

Muriyo Prefegitura ya GIKONGORO abahutu benshi barahatikiriye, twavuga nkaza Kibeho, ahaguye ibihumbi by’abahutu bishwe n’ingabo za FPR Inkotanyi ku itariki 22 Mata 1995, imbere y’ingabo za ONU zareberaga. Twakwibutsa ko ibyo byaha bitigeze bihanirwa kugeza  ubu imiryango y’abishwe ikaba igitegereje butabera.

COVID-19 yageze gute mu karere ka Nyamagabe?

Ahitwa mu GATARE ku nkengero z’ishyamba rya Nyungwe, ahahoze icyicaro cy’umushinga w’ubuhinzi n’ubworozi bita Projet crete Zaire-Nil (mu gihe cya Leta ya Habyarimana) Inkotanyi zahagize gereza ifungirwamo abana.

Mu minsi mike ishize leta ya FPR yahimuriye abana ba MAYIBOBO (abana b’inzererezi) bari bafungiye i Kigali ahitwa kwa Kabuga, bakaba kandi bari barwaye Coronavirus. Leta ibimura yari ibizi kuko COVID-19 yageze mu magereza kuko n’ubu kuburana byarahagaze, naho bigeragejwe hifashishwa bwabuhanga bwa vidéo conference nk’uko byagenze ejobundi ku rubanza rwa Callixte NSABIMANA Alias SANKARA.

Abo bana ba mayibobo bakigera aho mu Gatare bahise banduza abo bahasanze, bityo abarembye cyane bajyanwa mu bitaro bya KIGEME, aho umuganga n’umufromo bahise nabo bandura ndetse ubu biravugwa ko n’umubare mu nini w’impunzi z’abanyekongo ziri mu nkambi ya Kigeme umaze kwandura icyo cyorezo.

Ese kujyana COVID-19 I Nyamagabe ni ibyabagwiririye cyangwa ni umugambi wateguwe?

Iyo umuntu akoze ubusesenguzi asanga ntagushidikanya kuko igisubizo abona ni uko ari umugambi wateguwe, muri ya gahunda ndende ya FPR INKOTANYI yo kugabanya abanyarwanda cyane abo mu bwoko bw’abahutu dore ko aribo biganje muri ako karere. None se mu gihe Leta yashyiragaho gahunda ya “Guma mu rugo” mu rwego rwo kwirinda COVID-19, kuki yiyemeje gusohora abana aho bari bari i Kigali, bakabajyana batabapimye mu bandi bana baribibereye muri gereza yabo bataniha n’igicurane?

Tuvuge se ko abayobozi b’ubuzima ndetse n’abamagereza n’ibigo  ngororamuco batazi ko COVID-19 iri guca ibintu mu magereza? Niba batabizi kuki ubu imfungwa zitakijya ku burana uko bisanzwe mu nkiko?

Abanyarwanda n’Abanyagikongoro by’umwihariko bagomba kwitwara bate muri aya makuba?

Inkambi y’impunzi ya Kigeme ku Gikongoro

Banyarwanda,“ndakwanze ntivamo ndagukunze”. Nimuhumuke murusheho kurwana ku buzima bwanyu. Nimuhagarike amakoraniro ayo ariyo yose. Ni mwambare udupfuka munwa n’amazuru n’ubwo kutubona bitari iby’ubonetse wese. Nimuhagarike umuco usanzwe wo gusuhuzanya muhana ibiganza kandi murusheho kwisukura.

Banyagikongoro ntimwihebe cyangwa ngo mwirare, mufite abavandimwe cyangwa abana banyu batashye ijuru ubu bari kubasabira. Twavuga nk’aba bakurikira:

Cyprien RUGAMBA umubeja wo mu Bufundu

KIZITO MIHIGO w’I Kibeho kwa nyina wa Jambo

Padri Modesta Mungwarareba wo mu Bunyambiriri

Marie Claire Mukangango nawe wo mu Bunyambiriri.

Twabwira iki FPR-Inkotanyi n’abayishyigikiye?

Kuva yatera igihugu muri 1990 kugeza magingo aya, u Rwanda n’abanyarwanda twahuye n’akandare. Icuraburindi ryuje ubugome bwinshi bwatumye umubare munini w’impunzi z’abanyarwanda wiyongera, nyamara Inkotanyi zaje zigamba ko zigiye guca ubuhunzi n’ikibutera (zari zifite slogan ivuga ko ubutegetsi bubi butera ubuhunzi). Agatsiko gatwaje igitugu kavugaga ko kazanye Demokarasi n’imiyoborere myiza, nyamara irondakoko rikabije rirenze kure apartheid  ya ba gashakabuhake bo muri Africa y’epfo ryahawe intebe mu Rwanda.

Itonesha n’icyenewabo hamwe na ruswa cyane iy’igitsina niwo murongo wa Politiki FPR yihaye. Ako gatsiko kikubiye umutungo ndetse n’ibindi byiza by’igihugu ngo noneho kari mu nzira yo kugarura ubwami! Biravugwa ko ya funi iheze ubu imaze kuba umujyojyo. Ese koko ubwo bwami abanyarwanda barabushaka? Ubu se n’ubwo imyaka ishize iri mirongo, inkota ya Nyirayuhi iribagiranye? Ese ibyakorewe SINDIBONA n’abandi Bahutu ntarondoye byo byaribagiranye.

Ntidukwiriye ndetse no gutungurwa n’iyi nkubiri yo gusaba ko Paul Kagame uruyoboje inkoni y’icyuma yaba umwami w’uru Rwanda. Nyiramaso yerekwa bike ibindi akirebera. FPR INKOTANYI n’agatsiko kayo ni murekere aho kugirira nabi abanyarwanda. Kwikosora niyo nama ubu nabagira mu gutanga amahoro u Rwanda rukera amahore.

Icyo tuzi neza kandi twemera n’uko mwakwikosora cyangwa mukabireka, Imana yacu yayindi yirirwa ahandi igataha i Rwanda izadutabara, idukize icyorezo cya COVID-19 twatejwe n’abo twita ko batuyobora.

Umusomyi wa “Veritasinfo” i Nyamagabe.

Subscribe
Notify of
guest
2 Comments
Oldest
Newest Most Voted
Inline Feedbacks
View all comments
CESAR
CESAR
27 July 2020 18 h 05 min

Le COvid-19 est, pour Kagame, la solution efficace pour alléger la charge que constitue des milliers de prisonniers Hutu. Les morts de cette pandémie sont enterrés dans les fosses communes, les autres sont jetés dans le lac Kivu.

CESAR
CESAR
27 July 2020 18 h 18 min

J’informe les lecteurs de Véritas info ce qui suit: Des Rwandais dont le nombre est indéterminé sont détenus dans les iles rwandaises du Lac Kivu. Les jeunes femmes violées et enceintes et les morts du COVID-19 sont jetés dans le Lac Kivu.